Ejikele 3:7 - Bibilia Buk na Ŋun nagon koti luŋu a

⁷ Ama kötumit na Yisaraele mo ti ’bön yiŋga do kogwon se ti ’dekan yiŋga nan; kogwon kötumit na Yisaraele liŋ gwon ko kusik a nago ko töilyet a iŋgo.

Ejikele 3:7 Iomraidhean Croise

Yisaya 3:9

Komorsikan kase ka ’du ’duŋak na gökiŋdyö se; se koŋdya toronjin kase kaŋo gwoso ŋutu ti Sodoma, a tine muk se. Wöidiö, ködudwölön kase! kogwon se a jakiŋdya ’börik toron.

Yisaya 48:4

Kogwon nan a den adi do titiŋga, a murilö ti murut inot gwe gwosowitiöt a komor inot gwe a pago gwoso mölwö,

Yeremia 3:3

Nyenagon a lilima iŋge togwo ’da, a kudu lo kiser gwe a ko ’don; ama do gwon ko komor na kalupe a do lauŋdye yu na kwe.

Yeremia 44:16

Yi ti ’bon yiŋga kulyaesi logon do a jamakin yi i karin ti MATAT kulo.

Yeremia 5:3

Pon MATAT, do a kametanit lo kulya ’diri, ’bayin sona le? Do aje gwuddyo lepeŋat, ama lepeŋat ti ’bon tiriku; do a tutup lepeŋat, ama se lalaun tojumisi kunok. A lepeŋat koŋdi komorsikan kase a nago lwoŋgu ŋurupit, a renyani lopuggo toilyet.

Yeremia 6:10

Ko ŋa logon nan mo jajambi? Ko ŋa logon nan kukukin kulya anyen se ködyö yiyiŋga? Mete, swö kase a ’di ’dijatu, lepeŋat ti bulö yiŋga kwöŋ; lepeŋat ’dö ’dö kulyaet lo MATAT a lepeŋat tine lyöŋön ko ŋilo kulyaet.

Yeremia 6:17

Nan a tiŋdu ta katiyuk i gwögwöŋu na merok, a nan jujuje ta adi, Yiŋge ta kuta na toriot. A lepeŋat kölumbö waddi adi, Yi ti ’bön yiŋga.

Yeremia 7:27

Nyena do mo nyönyökökiŋdyö lepe­ŋat kulo kulyaesi liŋ, ama lepeŋat mo ti yiŋ do. Do mo luluŋ lepeŋat, ama a se mo tine ruk do.

Ejikele 2:4

Kilo ŋutu kusik kase a nago ko töilyet kase a iŋgo. Nan ŋilo soŋdu do ko lepeŋat yu, a do takiŋdye lepeŋat adi, Kulo a kulyaesi ti MATAT ŊUN.

Ejikele 24:7

Kogwon köji gwon ko rima kanyit lukata, a nye iŋge ’bukökin se i lele nagon gwon kana ’bak nene ŋo, a nye gwe a ko ’bukökin kak anyen yiyik ko kujöŋ.

Ejikele 3:6

Nan ’bayin soŋdu do i ŋutu ti jurön jore logon jambu kutusen nago ti Lwaka, logon do ti kurun jamesi kase. ’Diri, ko nan ködyö a son do ko ŋutu gwoso kilo yu, lepeŋat ködyö yiyiŋ do.

Ejikele 3:8

Mete, nan aje togulukin kwe inot i kusik kase, a nan aje togulukin komor inot i komorsikan kase gwoso dwönin lo mömörö.

Jakaria 7:11

Ama a se iŋge renya yiŋga, a löpukökiŋdye ki ’dirino kase, a ’dije swö an se ko yiŋga.

Jakaria 7:12

A se togo’yi toilyet kase gwoso ŋurupit iŋgo an se ko yiŋga saresi ko kulyaesi logon nan MATAT lo kurumi aje sunyun ko Mulo-kotyo lio i nebijin ti ’beron kulu. Nyenagon a woran duma poŋdi kaŋo koyo nan MATAT lo kurumi.

Luka 10:16

Ŋuto lo yiŋga ta lo yiŋga nan; nye lo renya ta lo renya nan; a ko ŋa lo renya nan lepeŋ renya nye lo sunyuŋdyö nan lo.

Luka 13:34

A, Yerusalema, Yerusalema, ŋutu kulök a katatuak ti nebijin, a gugubuje ŋutu logon a sunyuki do kilo ko ŋurupö! Diŋitan muda nagon nan ’de ’dekan sukuŋdyö ŋwajik kulök köyo ni i pirit na geleŋ, gwoso sukuri nagon sukokiŋdyö torela kanyit i köpukön na, ama a ta tine ’bon!

Luka 19:14

Ama a ŋutu kanyit ti jur maŋdi lepeŋ; a se yokiöddi ŋutu ko lepeŋ i mukök, adi, Yi ti ’bön ŋilo ŋuto gwon a mor likaŋ.

1 Samuele 8:7

A MATAT kulyani ko Samuele adi, Yiŋge gworo lo kilo ŋutu i ŋo liŋ nagon se a kulyari ko do kine; kogwon se a ko renya do, ama se aje renya nan i gwon a mor lose.