Ejikele 3:27 - Bibilia Buk na Ŋun nagon koti luŋu a

²⁷ Ama ko nan a jambu ko do, a nan mo paji kutuk inot a do mo takiŋdye se adi, Kulo a kulyaesi ti MATAT ŊUN. Ko ŋuto logon yiyiŋ a ti nye yiŋge, ko logon rerenya yiŋga, a ti nye renyani; kogwon se a kötumit na karerenyak.

Ejikele 3:27 Iomraidhean Croise

Ejikele 11:25

A nan nyönyö-kökiŋdye ŋutu lo gwon i to ’dupien kulo ŋo liŋ nagon MATAT a kwekin nan kune.

Ejikele 2:4

Kilo ŋutu kusik kase a nago ko töilyet kase a iŋgo. Nan ŋilo soŋdu do ko lepeŋat yu, a do takiŋdye lepeŋat adi, Kulo a kulyaesi ti MATAT ŊUN.

Ejikele 2:5

A na jambi do sona nu, a lepeŋat mo kuruŋdye adi nebi kata kase kiden, ma ’di ko se nyanyar yiŋga kode se ti ’bön yiŋga (kogwon se a kötumit na karerenyak).

Ejikele 24:27

A i ŋilu lor a ŋedep ilot mo laggi laggu, a do mo jambi ko ŋuto lo rwösuŋdyö lo, a do mo tine gwon a mumut köti. Nyena a do mo gwe a kweyet kase, a se mo dene den adi nan logon a MATAT.

Ejikele 29:21

A i pilu lor a nan mo tiŋdi uŋguri i punun kaŋo i kötumit na Yisaraele, a nan mo tiŋdi do ŋuro lo ŋuto i jambu kase kiden. A kirut lepeŋat mo deŋdi adi nan logon a MATAT.

Ejikele 3:11

Iti ko ŋutu kasu lo gwon i to ’dupien yu kulu, ko jambi ko lepeŋat kulo ma ’di ko se ŋona yiyiŋ kode se ti ’bön yiŋga. Taki lepeŋat adi, Kulo a kulyaesi ti MATAT Ŋun.

Ejikele 3:26

A nan mo tiŋdi ŋedep ilot i ’depakiŋdya konut i ’dako, anyen do gwon ti bulö jambu; a do mo tine bulo kunyaŋu lepeŋat, kogwon se a kötumit na karerenyak.

Ejikele 3:9

Nan aje kon komor inot a nago gwoso ŋurupit logon lwöŋgu lele na wiyu. An do ko kujönö lepeŋat kode delya komorsikan kase najögitök, kogwon se a kötumit na karerenyak.

Ejikele 33:22

Nyena a riŋit na MATAT gwe köyö i mugun suluja i koriri i ŋerot na poŋdi ŋuto logon a rwösuŋdyo lo; a nye iŋge tiŋdu nan riŋit nagon nan jajambi i ŋerot na diŋit nagon ŋilo ŋuto po köyö ni ko ’bure nu. Nyena a nan bulöni bulo jambu a nan köti gwe ’bayin a mumut.

Ejikele 33:32

Nyena mete, do gwon kase ni gwoso ŋutu logon yo ’yu kölisi lo ’but logon pupurarikin ŋuro nakwan, a gwe ko gworo lo ’but i yolo, ko a diniki ju ’yö tito gwoesi. Kogwon lepeŋat yiyiŋ po na jam do kine, ama a lepeŋat mo tine kon se.

Matayo 11:15

ŋuto lo gwon ko swö yiŋesi ti nye yiŋge kine kulya.

Matayo 13:9

ŋuto logon ko swo yiŋesi ti nye yiŋge kine kulya.

Luka 21:15

kogwon nan mo titin ta kulyaesi se ko koŋon nagon lele lo merok kasu mo ti bulö teŋgu kode renya.

Epeso 6:19

Koti momo ’yi ta i kulya kwe, anyen Ŋun böŋö tiŋdu nan i jambu na kulyaesi lotolokok, anyen nan gwon ko topurwan i tiŋdu na Iwono ti Loŋe Lo ’but i dena.