Ejikele 3:20 - Bibilia Buk na Ŋun nagon koti luŋu a

²⁰ Köti ko ködyö ŋuto lo rigwo a löpuköddu kaŋo i torigwo nanyit, a koŋdi toron, a nan iŋge tikin ŋurupit köpuket kanyit ŋerot, a lepeŋ mo twane twan; nyenagon kogwon do a ko takin lepeŋ adi, Kunyar! lepeŋ mo twatwan kogwon toron nanyit, a konesi kanyit na rigwo nagon nye a kon kune mo tine yeyeo kwöŋ; ama a nan mo luŋgi rima kanyit konut i könin.

Ejikele 3:20 Iomraidhean Croise

2 Dekat 24:2

A Yöasa koŋdi ŋo nagon a na ’but ko MATAT i metet i perok liŋ ti koane Yoyada.

2 Dekat 25:15

Nyenagon a MATAT iŋge woran ko Amajia a sunyukiŋdye lepeŋ nebi, logon pija lepeŋ adi, Nyo nagon do ga ’yu ŋunyen ti kulye ŋutu logon a ko lwökuŋdyö ŋutu kase konut i könisi?

Saumajin 119:165

Ŋutu logon nyanyar saresi kulök kilo si ’da ’bura ’bak kujönö kwöŋ, a nene ŋo kwöŋ tine köpuggö se.

Saumajin 125:5

Ama MATAT mo nyömöddu ŋutu logon a girara i kikolin kase lukwölöŋök i ŋirit na geleŋ ko ŋutu logon a kakonak ti lyaŋesi kulo! Ti jur lo Yisaraele gwe ko taliŋ!

Saumajin 36:3

Tamesi ti kutuk nanyit gwon a lorok ko a mumulukesi; nye a kö ’yu kondya a lokoŋ, nye a kö ’yu kondya ’bura.

Tolupesi 25:12

Kulyaesi ririŋesi lo jama ko ŋuto lokoŋ gwon gwoso reyat na dakap i swöt lo ŋuto lo yiyiŋga, kode gwoso minyo lo murut logon a dakap.

Yisaya 64:6

Yi liŋ aje po gwoso ŋutu logon a lut, lötiöt kaŋ liŋ lo rigwo gwe gwoso boŋgwat reketwat nagon a lut; a yi liŋ nogara nogara gwoso koropo, a toronjin kaŋ ’dokoddi yi gwoso köbuŋöt.

Yisaya 8:14

A nye mo gwe gwoso pirit nake na rurwan, ko a ŋurupit köpuket ko a lurutat to ’dorowet a ti kötumitön murek liŋ ti Yisaraele, ko a ridiket ko a loket a ti ŋutu lo gwolor Yerusalema kulo.

Yeremia 34:16

Ama a ta iŋge löpuggö yeyeesi kasu, a toluddye karin kwe, i diŋit nagon ta liŋ geleŋ geleŋ a nyökuŋdyö bot ’dupi kasu lyan ko nawate, kilo a se logon ta aje kölörö a lui gwoso i ’dekesi kase kulo, a iŋge ri ’dikin lepeŋat i gwon a ’dupi kasii.

Yeremia 6:21

Nye­nagon nan MATAT lo kulya adi, Mete, nan mo tiŋdu ŋurupö köpukesi ko kilo ŋutu i komor, anyen se mo kököpuköri; kweja adi komonye se ko ŋwajik kase. ko maratejin ko julin liŋ mo twatwa i pirit na geleŋ.

Ejikele 14:3

Ŋuro lo ŋuto, kilo ŋutu aje tiŋdu nyömuejin kase logon a ŋunyen kase i töilyet, a tiŋdi ŋo narok kase i komor nagon tiŋdu se i ’doro kune. Nan ŋona bubulö rukökiŋdyö ŋutu gwoso kilo i pija na nan le?

Ejikele 18:24

Ama ko ŋuto loron a löpukuŋdyö kapo i torigwo nanyit a iŋge toroŋdya, a koŋdi po na mamana jojo ko nagon ŋuto loron kökon kune, lepeŋ ŋona gwon jörun le? Iŋkoi, nene na konesi kanyit na rigwo nagon nye a kon kune ’bayin nagon yeyeŋ; lepeŋ twatwan kogwon nye a ko ’yu twöju a iŋge koŋdya toron.

Ejikele 18:26

A ko ŋuto lo rigwo a löpukuŋdyö kapo i torigwo nanyit a iŋge toroŋdya, lepeŋ twatwan kogwon ŋina toron; lepeŋ twan kogwon toron nagon nye kökon na.

Ejikele 3:18

Ko nan ’dek kulya ko ŋuto loron adi, lepeŋ ’diri twatwan, a do ködyö gwe a ko takin lepeŋ adi, Kunyar! kweja adi ko do a ko jambu i kunyaŋu na ŋilo ŋuto loron i kö ’yu na kiko lonyit loron anyen lwöggu ru nanyit, nyena a ŋilo ŋuto loron mo twane twan nyuŋ gwon ko toron, ama a nan mo luŋgi rima kanyit konut i könin.

Ejikele 33:18

A ko ŋuto lo rigwo a löpukuŋdyö kaŋo i torigwo a iŋge toroŋdya, lepeŋ mo twatwan kogwon ŋina toron.

Ejikele 33:6

Ama ko katiyunit a met merok i po, a gwe a ko kuddya tore anyen toŋiju ŋutu, a ko merok a po a morgi lele lose, ŋilo ŋuto tatua nyuŋ gwon ko toron, ama a nan mo luŋgi rima kanyit ko katiyunit i könin.

Ejikele 7:19

A se mo gumbe pödöjin kase i kikolin, a dakap nase gwe gwoso ŋo nagon a lut, a pödo se ko dakap kase tine bulö lwokuŋdyö lepeŋat i lor lo woran na MATAT. Kilo ŋutu ti bulö toligga magor lose kode toyimönöju pelela kase ko se, kogwon toron nase na kine ŋo mo na tiŋdu se i ’doro.

Daniele 9:18

pon Ŋun lio, böŋö dulu swö kulök ko yiŋge yiŋga; ŋane konyen kulök ko mete piritön kaŋ nagon a körö se ko köji na luŋu ko karin kunök na; yi ’bayin mo ’yu do kogwon yi a lo rigwo, ama tuŋ kogwon do wowon konyen parik.

Lewi 19:17

Do ködyö ti maŋdu luŋösur konut i töili, ama ta ködyö teten kulya kasu ko marate ilot, an do ko ’doggu toron i kulya ti lepeŋ.

Jepania 1:6

kilo a ŋutu logon wöriŋökiŋdyö nan MATAT ki ’dirinö kase, a se tine ga ’yu nan kode piyuŋdya kulya koyö.

Matayo 18:15

A ko luŋösur a konakiŋdya do arabat, iti ko lepeŋ yu ko kweki lepeŋ toron nanyit, ta ko lepeŋ murek. A ko lepeŋ a yiŋ do kweja adi do aje ’bolun luŋösur.

Luka 2:34

A Simeona ’boroji lepeŋat, a kulyani ko Maria ŋote lupudi adi, Mete, lo ŋuro a wulwe a to ’dorowet ko a toŋiyit lo ŋutu jore ti Yisaraele, a nye mo gwe a kweyet logon ŋutu mo renya lepeŋ,

Luka 8:15

Nyomot lo weki i kujöŋ na ’but kulo a ŋutu logon aje yiŋga ŋilo kulyaet, a ’depe ’dep nye go ko töilyet lo ’but ko torigwo, a gwo ’de go tojo ko toran na ludweki.

Roma 11:9

Dawidi köju a kulya adi, Ti roriot kase worani a loket ko a riŋgwaŋ, ko a ridiket ko a riŋet nase.

1 Korinto 1:23

ama yi a tokujo kulya ti Kristo adi nye a ’bikiki i kodini na goro. Kine kulya a köpuggö Yudayaki, a ŋuto ti kulye juron yeyeji adi kine kulya a Ŋo na ’boŋ,

Nyökit 13:3

a ta ködyö tine yiŋga kulyaesi ti ŋilo nebi kode ti ŋilo karudwenit lo rudweesi; kogwon MATAT Ŋun losu gwon i möŋu na ta, i deŋdya kode ta ’diri nyanyar MATAT Ŋun losu ko töilyet kasu liŋ ko ködu dwölön kasu liŋ.

Ebere 10:38

Ama ŋuto lio lo löti lo rigwo lo mo gwon jörun ko nye a yubbö, ama ko nye a kukutörö bot a nan mo tine lyöŋgi lepeŋ.

Ebere 13:17

Twöji ta temejik kasu ko kuŋge ta lepeŋat, kogwon lepeŋat titi ta gwoso ŋutu logon mo pipiya i kulya kasu. Ti ta gwe ti todelyaju lepeŋat anyen se kita ko lyöŋön, kogwon ko se kita ko ’du ’duatu a kine kulya tine parakiŋdya ta.

1 Petero 2:8

Nye a ŋurupit köpuket ko a lurutat to ’dorowet. Lepeŋat kopuko kogwon se a renya lo kulyaet. Lepeŋat a wuloki i koŋdya sona.

1 Yoane 2:19

Kilo ŋutu a geladdu ’borik kaŋo kayaŋ kata, ama se ’bayin a ti teŋ nikari, kogwon ko se ködyo a ti teŋ nikaŋ, a se yeŋe gwon koyi. Ama se a geladdu ’borik kaŋo anyen boŋö kweki köke adi, lele lose ’bayin a lo teŋ nikaŋ.