Ejikele 3:19 - Bibilia Buk na Ŋun nagon koti luŋu a

¹⁹ Ama ko do ködyö a takin ŋuto loron adi, Kunyar! a lepeŋ tine ’bön löpukuŋdyö kaŋo i toron nanyit, kode i kiko lonyit loron, lepeŋ mo twatwan nyuŋ gwon ko toron, ama a do mo lwöggi ru inot.

Ejikele 3:19 Iomraidhean Croise

Tolupesi 29:1

Ŋuto logon a ririŋa ko kulyaesi daŋin jore ko a kawo ’duŋanit lo murut mo gwagwalaka asut ’de ’de kijek ti bulö tetena.

Ejikele 14:14

Nyena ma ’di kilu ŋutu musala logon a ko Noa, ko Daniele, se ko Eyobo ködyö gwolor nyu, lepeŋat ködyö lwökuŋdyö ru nase tuŋ kogwon torigwo nase. Ŋilo a kulyaet lio lo MATAT ŊUN.

Ejikele 14:20

nan MATAT ŊUN lo kulya adi, ’Diri ’diri gwoso na gwoŋdi nan na, ma ’di ko Noa, ko Daniele, se ko Eyobo ködyö gwolor nyu, lepeŋat ködyö lwökuŋdyö ru nase tuŋ kogwon torigwo nase, a se ködyö tine lwökuŋdyö ŋwajik kase lulyan kode nawate.

Ejikele 3:18

Ko nan ’dek kulya ko ŋuto loron adi, lepeŋ ’diri twatwan, a do ködyö gwe a ko takin lepeŋ adi, Kunyar! kweja adi ko do a ko jambu i kunyaŋu na ŋilo ŋuto loron i kö ’yu na kiko lonyit loron anyen lwöggu ru nanyit, nyena a ŋilo ŋuto loron mo twane twan nyuŋ gwon ko toron, ama a nan mo luŋgi rima kanyit konut i könin.

Ejikele 3:21

Ama ko ködyö do a takin ŋuto lo rigwo adi, Kunyar! anyen lepeŋ gwon ti toroŋdya, a lepeŋ gwe a ko toroŋdya, ’diri nye mo ruru kogwon nye a yiŋ kunyaresi, nyena a do mo lwöggi ru inot.

Ejikele 33:3

A ko lepeŋ meddya merok i po, a lepeŋ kuddye tore i toŋiju na ŋutu, adi, Kunyar ta, merok kilo popo!

Ejikele 33:5

Iŋkoi, lepeŋ aje yiŋ woŋon na tore, a gwe a ko ŋien, a kine gwe a kulya kanyit. Ama ko lepeŋ ködyö a ŋien, a lepeŋ ködyö aje lwöggu ru nanyit.

Ejikele 33:9

Ama ko do a kunyaŋu ŋuto loron anyen lepeŋ löpukuŋdyö kaŋo i kiko lonyit, a lepeŋ gwe a ko löpuggö i kiko lonyit, a lepeŋ mo twane twan nyuŋ gwon ko toron, ama a do mo lwöggi ru inot.

Konesi 20:26

Nyena nan tokurukiŋdyö ta i lo lor adi nan gwon a loke ’bak rima ti lele ŋuto,

1 Tesalonike 4:6

Ti lele ŋuto gwe ti Iwoŋoddu ŋerot i konakiŋdya na luŋaser lonyit arabat i kine kulya, kogwon Matat likaŋ a karopanit lo kine po liŋ, gwoso nagon yi koju aje kukuji ta a kokwe nu.

1 Timoteo 4:16

Tiji mugun ’bura i ŋo nagon do kökon ko i ŋo nagon do totodin kune. Ko do a koŋdya sona, a do mo lwöggi mugun se ko ŋutu lo yiŋga do kilo.

Ebere 12:25

Kunyar ta, an ta ko renya ta nye lo jajambu lo. Ŋutu logon a renya yinga nye lo kukuju se köju i kak ni kulo, lepeŋat a ko rwöddu i twan, a bia parik yi mo rwöddi ada koyi a löpu-köddu kano i yinga na nye lo kukuju yi ki yu lu.