Ejikele 3:18 - Bibilia Buk na Ŋun nagon koti luŋu a

¹⁸ Ko nan ’dek kulya ko ŋuto loron adi, lepeŋ ’diri twatwan, a do ködyö gwe a ko takin lepeŋ adi, Kunyar! kweja adi ko do a ko jambu i kunyaŋu na ŋilo ŋuto loron i kö ’yu na kiko lonyit loron anyen lwöggu ru nanyit, nyena a ŋilo ŋuto loron mo twane twan nyuŋ gwon ko toron, ama a nan mo luŋgi rima kanyit konut i könin.

Ejikele 3:18 Iomraidhean Croise

Suluet 2:17

ama ködini denet lo kulya na ’but ko narok do ti nyesu ludweki kanyit kwöŋ. Kogwon i pilu lor logon do mo nyesi ludweki kanyit lu, do ’diri mo twatwan.

Suluet 42:22

A Rubena waddi lepeŋat adi, Nan a ko jambu ko ta le adi, Ko koŋdya ta lo ŋuro arabat? Ama a ta tine ’bön yiŋga. Nyenagon mete ta, rima kanyit ’de ’dekarikin kayaŋ i kusik.

2 Samuele 4:11

Ada lolor nagon ŋutu katoronyak aje tatuja ŋuto loke kanyit kadi i dotoet loki, a nan ŋona ti bulö robba rima kanyit ko ta, anyen jogga ru nasu kaŋo i na kak le?

2 Moran 1:4

Nyenagon MATAT lo kulya sona adi, Do mor mo ti ŋien ki köti i dotoet nagon do a kija kata nu, ama do mo ’diri twatwan. A Eliya iti tu.

Tolupesi 14:32

Konesi narok ti ŋuto loron na to ’doro ’yu lepeŋ, ama ŋuto lo rigwo ryeju pirit ’danaet ko torigwo nanyit.

Yisaya 3:11

Wöidiö, ŋutu lorok! kulya kase mo gwon a narok, kogwon ropesi ti konesi kase mo roropakise.

Ejikele 18:13

a luŋgi ’yalet i ŋo na kuröji kanyit a tiŋdi kakurönit i robba ko wöli; ŋuto gwoso ŋilo ŋona gwon jörun le? ’Bayin, lepeŋ ti gwon jörun kwöŋ; lepeŋ ’diri twatwan kogwon nye aje koŋdya kine ŋo liŋ na mamana, a rima kanyit mo poki kanyit i kwe.

Ejikele 18:20

Ŋuto logon a toroŋdya lo mo kakaŋu. A ŋuro mo tine poŋga kogwon toron na monye, a monye mo tine poŋga kogwon toron na ŋuro. Ŋuto lo rigwo ropaki torigwo nanyit, a katoronyanit ropakine toron nanyit.

Ejikele 18:4

Mete ta, ru na ŋutu liŋ a nio; kweja adi ru na monye se ko ru na tore a nio. Ŋuto logon a toroŋdya lo mo kakaŋu.

Ejikele 3:20

Köti ko ködyö ŋuto lo rigwo a löpuköddu kaŋo i torigwo nanyit, a koŋdi toron, a nan iŋge tikin ŋurupit köpuket kanyit ŋerot, a lepeŋ mo twane twan; nyenagon kogwon do a ko takin lepeŋ adi, Kunyar! lepeŋ mo twatwan kogwon toron nanyit, a konesi kanyit na rigwo nagon nye a kon kune mo tine yeyeo kwöŋ; ama a nan mo luŋgi rima kanyit konut i könin.

Ejikele 33:12

Do ŋuro lo ŋuto, jambi ko ŋutu kasu adi, Löti lo ’but lo ŋuto lo rigwo ti bulö lwöggu lepeŋ i diŋit na toroŋdi nye nu; a toron na ŋuto loron mo tine to ’doro ’yu lepeŋ i diŋit na löpukuŋdye nye kaŋo kanyit i toronjin nu. A ko ŋuto lo rigwo a toroŋdya, a löti lonyit lo rigwo tine bulö lwöggu ru nanyit.

Ejikele 33:6

Ama ko katiyunit a met merok i po, a gwe a ko kuddya tore anyen toŋiju ŋutu, a ko merok a po a morgi lele lose, ŋilo ŋuto tatua nyuŋ gwon ko toron, ama a nan mo luŋgi rima kanyit ko katiyunit i könin.

Ejikele 34:10

Nan MATAT ŊUN lo kulya adi, Mete ta, nan a miriku losu lo kayukuk; a nan mo luŋgi köbilu kwe kasu i konisi; a nan mo teŋgi ta i tunyeju na köbilu; a ta kayukuk köti mo tine tunyeju ’borik asut; a nan mo ryakuŋdye köbilu kwe kaŋo kasu i kutusen anyen gwon ’bayin a kinyo losu.

Kenet 26:65

Kogwon MATAT a jambu i kulya kase adi se ködyö twatwa i yöbu. A ŋutu gwe ’bayin kase kiden logon a pituŋdyö, ake Kaleba ŋuro lo Yepune ko Yosua ŋuro lo Nun lo pituŋdyö.

Luka 13:3

Nan takiŋdya ta adi, ’Bayin sona; ama ko ta a ko löpuggö töilyet a ta liŋ mo twatwane sona gwoso lepeŋat.

Luka 13:5

Nan takiŋdya ta adi, ’Bayin sona; ama ko ta a ko löpuggö töilyet a ta liŋ mo twatwane sona gwoso lepeŋat.

Yoane 8:21

Köti a Yesu takiŋdye lepeŋat adi, Nan mo tutu, a ta mo ga ’yi nan, ama ta mo twatwa i toronjin kasu. Ta ti bulö tu i pirit nagon nan tu kata nu.

Yoane 8:24

ŋina a kwe nagon nan takiŋdye ta adi ta ködyö twatwa i toronjin kasu; kogwon ko ta a ko yuŋ adi nan nye lo, a ta mo twatwane i toronjin kasu.

Konesi 2:40

A lepeŋ iŋgo tokurukindyo lepepat ko kulye kulyaesi jore, a jujuje se adi, lwök ta ’borik i ŋutu ti na toberon nakwolor na.

Konesi 3:19

Nyenagon löpuŋge ta töilyet ko löpukwene ta ko Ŋun ni, anyen toronjin kasu boŋo seyaji kaŋo. A Matat mo tiŋdi ta diŋit toruet,

1 Timoteo 4:16

Tiji mugun ’bura i ŋo nagon do kökon ko i ŋo nagon do totodin kune. Ko do a koŋdya sona, a do mo lwöggi mugun se ko ŋutu lo yiŋga do kilo.

1 Timoteo 5:22

An do ko rurumba sopakiŋdya konisi kulok i ’borokiŋdya na lele ŋuto. An do ko parundya toronjin ti lele ŋuto. Tiji mugun a loke.

1 Samuele 8:9

Nyenagon yiŋge gworo lose; tuŋ a do de kukuji se, a kwekiŋdye se gwiliŋit lo mor ko gwon ada logon mo tutumatyan ko se lo.