Ejikele 3:14 - Bibilia Buk na Ŋun nagon koti luŋu a

¹⁴ A mulökotyo lo po ko Ŋun ’dukuŋdye nan ki a joŋgi nan i nene pirit, a nan iti ko woran na pape köyö i töili, ama a riŋit na MATAT gwe a duma köyö i mugun.

Ejikele 3:14 Iomraidhean Croise

1 Moran 18:12

A gwe sona ko nan aje kö ’yu do, a Mulökötyo lo MATAT de ’doggi do a nan tine denara do. Nyena ko nan a tu i takiŋdya na Aba, a nye tine ryö do, a nye de tatuje nan, ma ’di ködyö nan köliŋönit ilot kukuk MATAT suluja i tolupudien nio.

1 Moran 18:46

A könin lo MATAT gwe ko Eliya; a nye ruŋge boŋgo nanyit a toŋi toŋa, a nye wöki ko Aba ŋerot tojo ko lupet na Yejerele.

2 Moran 2:16

A se kulyani ko lepeŋ adi, Mete, yi köliŋönök kulök gwon ko ŋutu iŋgo merya mukanat ni; ti lepeŋat böŋö iti ga ’yu na duma ilot; kode Mulökötyo lo MATAT ŋona a ’depaddu lepeŋ ki a gubakiŋdye lepeŋ i lele mere kode i lele loro. A nye kulyani adi, Ta ti soŋdu.

2 Moran 3:15

Ama soŋinana jaki ta nan kajulönit lo tom. A nagon kajulönit lu aje ju ’yö tom nu, a riŋit na MATAT poki ko Elisa loki.

Yisaya 8:11

Kogwon MATAT a kulya ko nan sona, na morgi nye nan ko könin lonyit iŋgo nu, a nye jujuje nan adi an nan ko wörö i kiko lo kilo ŋutu, adi,

Yeremia 6:11

Nyenagon nan aje jore ko woran na MATAT, nan aje dara i ’debba na ŋina woran. ’Buköki ŋina woran i ŋwajik lo gwon i kikolin, köti ko i teton logon a momora a laŋesi;ŋutu liŋ ko lyan ko wate mo jojoŋa, ma ’di se logon a suluja kwekweja kupir se ko muduŋin.

Ejikele 1:3

a kulyaet lo MATAT poki köyö i Jur lo Kaledea nyona ko kare Kebar; nyu a riŋit na MATAT poki köyö i mugun.

Ejikele 11:1

A mulökötyo lo po ko ŊUN ’dukuŋdye nan ki, a joŋgi nan tojo i kötumit na mariŋ na kadi na MATAT na gwon i swöt lo ’yure. Ŋina kötumit diraddu i swöt lo ’yure. A nan meddi ŋutu merya murek wot mukanat i kötumit lupet ko Yajania ŋuro lo Ajur, ko Pelatia ŋuro lo Benaya kase kiden. (Kilo ŋutu murek a kasarak ti ŋutu.)

Ejikele 3:12

A kirut mulökötyo lo po ko Ŋun ’dukuŋdye nan ki, a nan yiŋge woŋon duma nagon wuŋun ko riŋit köyö i ki ’diŋ, i diŋit nagon minyo lo MATAT a pukun kaŋo kanyit i pirit gwiliŋit nu.

Ejikele 37:1

A riŋit na MATAT gwe köyö i mugun, a nye ’dokoddi nan kaŋo i riŋit na mulökötyo lonyit, a tiŋdi nan kak i kiden na pirit na ’dir nagon a jore ko kuyu.

Ejikele 40:1

A i mukök na kiŋajin puök wot iŋwan gwak nagon köji aje körö, a yi iŋge si ’da i to ’dupien ko kiŋajin merya murek wot mukanat nu, a riŋit na MATAT poki köyö i mugun i suluet na kiŋa i perok puök ti yapa.

Ejikele 43:5

A mulökötyo lo po ko ŊUN ’biluŋdye nan ki, a joŋgi nan i ’baŋ lo lukata, a minyo lo MATAT iŋge jore i lukata na kadi nanyit.

Ejikele 8:1

A ko gwe sona i kiŋa tobuker, i perok mukanat ti yapa tobuker, na si ’dari nan köyö midi se ko temejik ti Yuda i pirit na geleŋ nu, a riŋit na MATAT ŊUN poki köyö i mugun.

Ejikele 8:3

A lepeŋ riuŋdye lele ŋo gwoso könin a morgi nan i kupir ti kwe, a mulokötyo lo po ko Ŋun ’dokoddi nan i wöli na ki ko kak, a nan meddi kulya ti ŊUN köyö i töili meta gwoso nye a joŋ nan Yerusalema. A lepeŋ togwi ’dikiŋdye nan kak i lupet na kötumit na lupörikin i ’baŋ lo lukata lo kadi na ŊUN, lo diraddu i swot lo lobot, i pirit na gwo ’di ’e nyömue yinet logon totowoŋa lo.

Yoane 4:1

A Yesu ko dene adi Parusijin ajeyiŋ adi nye a batiddya ŋutu kajujumuk jore lwölwöŋ Yoane nu,

Yoane 4:3

a nye kö ’yi Yudaya, a yitöni Galilaya.

Yoane 4:9

A ŋuto na Samaria na pije lepeŋ adi, Do a Yudayakityo, nan a ŋuto na Samaria, ada lolor nagon do pija pioŋ köyö? (Kogwon Yudayaki ti morja ko ŋutu ti Samaria.)

Konesi 8:39

a na poŋdi se kaŋo i pioŋ kata nu, a Mulokotyo lo Matat joŋgi Pilipo kaŋo ’de ’de, a ŋilo ŋuto tine met lepeŋ köti; a nye kölumbö iti i kiko lonyit ko lyöpön a duma.

Kweyatti 10:10

A nan ’dumuŋdye waraga na ’dit na pudula ko malaikatat lo i könin, a nyesi nyesu, a nye gwe paleleŋ gwoso siwatat ködyo i kutuk; ama a nagon nan aje nyesu lepeŋ nu, a gwe pötwör köyö i pele.