Ejikele 3:11 - Bibilia Buk na Ŋun nagon koti luŋu a

¹¹ Iti ko ŋutu kasu lo gwon i to ’dupien yu kulu, ko jambi ko lepeŋat kulo ma ’di ko se ŋona yiyiŋ kode se ti ’bön yiŋga. Taki lepeŋat adi, Kulo a kulyaesi ti MATAT Ŋun.

Ejikele 3:11 Iomraidhean Croise

Yuörö 32:7

A MATAT kulyani ko Mose adi, Iŋgo iti, lulurara kak; kogwon Ŋutu kulök logon do a jon kaŋo i jur lo Ejipeto kulo aje köŋu ’börik;

Yeremia 29:20

Nyenagon ta ŋutu liŋ logon nan a soŋdu kaŋo Yerusalema tojo ko Babela yu a ’dupi kulu, yiŋge ta kulyaet lio lo MATAT.

Ejikele 2:4

Kilo ŋutu kusik kase a nago ko töilyet kase a iŋgo. Nan ŋilo soŋdu do ko lepeŋat yu, a do takiŋdye lepeŋat adi, Kulo a kulyaesi ti MATAT ŊUN.

Ejikele 2:5

A na jambi do sona nu, a lepeŋat mo kuruŋdye adi nebi kata kase kiden, ma ’di ko se nyanyar yiŋga kode se ti ’bön yiŋga (kogwon se a kötumit na karerenyak).

Ejikele 2:7

A do ködyö takiŋdye lepeŋat kulyaesi kwe kode se yiyiŋ kode se ti ’bön yiŋga, kogwon se a kötumit na karerenyak.

Ejikele 20:27

Nyenagon ŋuro lo ŋuto, jambi ko kötumit na Yisaraele ko taki lepeŋat adi, MATAT ŊUN lo kulo adi, I ŋina ŋo merenyejin kasu köti a lauŋdya nan, lepeŋat a kö ’yu twöju nan.

Ejikele 3:10

A lepeŋ takiŋdye nan adi, ŋuro lo ŋuto, yiŋe yiŋ kulya liŋ nagon nan jamakin do kine ko tiki se konut i töili.

Ejikele 3:12

A kirut mulökötyo lo po ko Ŋun ’dukuŋdye nan ki, a nan yiŋge woŋon duma nagon wuŋun ko riŋit köyö i ki ’diŋ, i diŋit nagon minyo lo MATAT a pukun kaŋo kanyit i pirit gwiliŋit nu.

Ejikele 3:15

A kirut nan ’duröki ko ŋutu lo joŋa i to ’dupien kulo Tel-abiba yu, logon si ’da nyona ko kare Kebar. A nan iŋge si ’da ko lepeŋat i pirit na geleŋ ko perok buryo wawanya ’bak jambu.

Ejikele 3:27

Ama ko nan a jambu ko do, a nan mo paji kutuk inot a do mo takiŋdye se adi, Kulo a kulyaesi ti MATAT ŊUN. Ko ŋuto logon yiyiŋ a ti nye yiŋge, ko logon rerenya yiŋga, a ti nye renyani; kogwon se a kötumit na karerenyak.

Ejikele 33:12

Do ŋuro lo ŋuto, jambi ko ŋutu kasu adi, Löti lo ’but lo ŋuto lo rigwo ti bulö lwöggu lepeŋ i diŋit na toroŋdi nye nu; a toron na ŋuto loron mo tine to ’doro ’yu lepeŋ i diŋit na löpukuŋdye nye kaŋo kanyit i toronjin nu. A ko ŋuto lo rigwo a toroŋdya, a löti lonyit lo rigwo tine bulö lwöggu ru nanyit.

Ejikele 33:17

Ama ŋutu ti jur losu kulya adi Kiko lo MATAT ti gwon jojo; ama kölumbö kikolin kase logon ’bayin jojo

Ejikele 33:2

Ŋuro lo ŋuto, jambi ko ŋutu kasu ti jur. Kulyani ko lepeŋat adi, Ko nan a soŋdu merok i jur a ŋutu ti jur wuluŋdye ŋuto kase kiden a tiŋdi lepeŋ a katiyunit i gwögwöŋu na merok.

Ejikele 33:30

Ama do ŋuro lo ŋuto, ŋutu kasu logon jambu i pirit na geleŋ i kulya kunök logon gwo ’dan i tölimösi ti goroma ko i kötumiten ti kadijik kulo, tujamakin ko ’börik lele takiŋdya luŋaser adi, Po ko yiŋge ko kulyaet lo po ko MATAT lo a nyo?

Ejikele 37:18

A nagon ŋutu kasu pija do anyen kwekiŋdya se ko ŋina ŋo kweja nyo nu,

Daniele 12:1

A i ŋinu diŋit a Mikaele mo lo ŋine, logon a duma ko a katiyunit lo ŋutu kulök. A diŋit na sasanyesi mo gwe kata nagon ’beron a ko nyuŋ meta temba na gwoŋdi ŋutu i na kak na tojo ko ŋinu diŋit; ama i nu diŋit ŋutu kulok mo lwölwökö, se liŋ geleŋ geleŋ logon karin kase a wuröki i buk kulo.

Daniele 6:13

A kirut lepeŋat kulyani ko mor adi, Pon mor, ŋilo Daniele logon a lele lo ŋutu logon koju momokwe Yuda yu kulo ti twö kulya kunök, kode yiŋga saret giket logon do a tanyakin könin ilot kata lo, ama a lepeŋ kölumbö kwakwaddi kwakwaddu daŋin musala temba i lor.

Nyökit 9:12

A MATAT kulyani ko nan adi, ŋine ki, ko iti kak ’de ’de i na pirit; kogwon ŋutu kulök lo jon do kaŋo Ejipeto kulo aje köŋu ’börik; se aje girara kaŋo ’de ’de i kiko logon nan a saŋi se lo; a se aje tetenakiŋdya ’börik nyömue na ninitö.