Ejikele 29:5 - Bibilia Buk na Ŋun nagon koti luŋu a

⁵ A nan mo gubaddi do mu ’diŋ, do se ko somot liŋ ti kinasi kulök; a do mo ’dorone i pirit nagon a ’dar kana, a öpu inot mo tine ’dume i nuka; a nan mo tiŋdi do a kinyo lo kijakwa se ko lo kwen.

Ejikele 29:5 Iomraidhean Croise

Saumajin 74:14

Do aje mumuyugga Kijakutat duma i tupesi logon gwon ko kusik jore lo, do aje tindu lepeŋ a kinyo lo nyenyei i ŋutu lo si ’da i yöbu.

Yeremia 16:4

Lepeŋat mo twatwa ko twana lo tatatuja, a se mo tine gwiorikin, a opuo kase mo tine nuka, ama a mo ra ’dani kak gwoso woro. A se mo tatuani ko baŋdujin se ko dyaŋ, a kwen se ko gwurugin mo nyesi opuo kase.

Yeremia 25:33

A i ŋilu lor a öpuö ti ŋutu logon MATAT aje tatu kulo mo gwe kak suluja i ’dutet na kak tojo ko nene ’dutet, a se mo tine gwiorikin, a öpuö kase mo tine pepena, a mo tine nuka, a se mo gwe kak gwoso woro.

Yeremia 34:20

A nan mo ŋutukiŋdye se i könisi ti merok kase logon ga ’yu tatuja se kulo, a kwen ko gwuruŋin mo nyesi öpuö kase.

Yeremia 7:33

A kwen ko gwuruŋin mo nyesi öpuö ti kilo ŋutu, a lele ŋuto mo gwe ’bayin lo riköddu lepeŋat kaŋo.

Yeremia 8:2

A kilo kuyu mo totorekine i komor na kolor, ko na yapa, se ko na kaser liŋ ti ki. Kogwon kilo ŋutu köju nyanyar se ko kikitakin se, a iŋge kebbu se, a iŋge ga ’yu se a kwakwaddi se. A kilo kuyu mo tine bulö pepena, kode nuka; a se mo ra ’dani kak gwoso woro.

Ejikele 31:13

A kwen liŋ mo si ’dani i kumut nanyit, a kijakwa liŋ ti mu ’diŋ mo ryoryöggi kenia kanyit nagon gwe kak kune.

Ejikele 31:18

I kiden na kaden ti Edene, lon logon gwoso do i kwelen ko i todumalan? Do mo jopa kak se ko kaden ti Edene i pirit na gwon i lukak na kak; a do mo topirikine i kiden na ŋutu logon a lawe a ko tawero, i pirit na geleŋ ko ŋutu logon a tatua ko baŋdujin kulo. Kine kulya kweja adi ŋilo a Paro se ko ŋutu kanyit logon jore parik kulo. Kilo a kulyaesi kwe ti MATAT ŊUN.

Kweyatti 6:8

A nan meddi kusan napayaŋ gwe nyu, a karin ti ŋuto lo wökön ko lepeŋ lo gwe a Twan, a Pirit na mulökö na gwon kak na wöki kanyit i mukök. A se iŋge ’buruki i tatuja na ŋo ti swöt toiŋwan lo kak ko baŋdujin, ko dyaŋ, ko twana iŋgo, se ko gwuruŋin ti kak.

1 Samuele 17:44

A Pelesetetyo lo kulyani ko Dawidi adi, Po köyö ni, a nan de tiŋdi öpu inot i nyei ko kwen ko gwuruŋin ti mu ’diŋ.