Ejikele 28:4 - Bibilia Buk na Ŋun nagon koti luŋu a

⁴ Do aje ryekiŋdyö mugun tukwörien, ko kopon inot se ko kuruŋdyö inot na kulya, a do iŋge pepenakiŋdya mugun dakap ko pödö i kadijik kunök ’delesi ti tukwörien;

Ejikele 28:4 Iomraidhean Croise

Tolupesi 18:11

Tukwörien na ŋuto kwörinit a köji nanyit nago na titiyu, ko a mariŋ najo kanyit i yeyeet.

Katokuönit 9:11

A nan köti meddi adi i kita na kolor ti gwon a ŋutu lo wökön ’de ’de ka ’de logon tete ’ya i wökön, kode ti gwon a ŋutu ti riŋit ka ’de logon tete ’ya gor. Ti gwon a ŋutu lokoŋ ka ’de lo ryeju kinyo, kode ti gwon a ŋutu lotolokok ka ’de lo ryeju tukwörienjin, kode ti gwon a ŋutu logon a bodwat ka ’de lo ryeju ’busan; ama a diŋitan na ’but ko narok ’bunyökindye se liŋ jojo.

Yisaya 10:13

Kogwon ŋilo mor a kulya adi, Nan aje koŋdya kine kulya ko riŋit na könin liŋ, se ko kogon nio, kogwon nan gwon ko kuruŋdyö; a nan aje ’dumaddu lokökoritan ti gweyajin ti ŋutu, a nan aje kokoladdu tukwörien nase; a nan dukaddi kak ko riŋit se liŋ logon si ’da kata kulo.

Yeremia 49:4

Ta ŋutu logon a kamumulu kak kilo. logon yeŋdu tukwörienjin kasu kulo, nyo nagon ta pupurja ’börik i kulya ti piritön kasu na ’dir, pija adi, Ŋa mo lo po i mörö koyi?

Ejikele 27:33

I diŋit nagon köju tito kunök ’duma kaŋo i ki ’bojin kata nu, kine tito a temakiŋdya i gweyajin jore ti ŋutu, a do iŋge tukwörieŋdu moran ti kak ko tukwörien inot duma se ko po kunök na tutugwörö kune.

Ejikele 29:3

Tambi jambu, ko taki lepeŋ adi, MATAT ŊUN lo kulya adi, Do Paro mor lo Ejipeto, do kinyop duma logon piriki i kiden na kinasi ti Supiri, mete, nan a miriku ilot. Do kulya adi, Supiri ilot a ilot lomore, do lo teteŋdya lepeŋ.

Daniele 5:11

Ŋuto kata konut i tumatyan logon ko mulökötyo lo Ŋun loke. I perok ti munyi köju nu, parara, ko kuruŋdyö, ko koŋon gwoso na ŋunyen a rye ko lepeŋ, a monye ilot mor Nebukadanesar iŋge tikin lepeŋ a duma lo ’bunuk, ko lo ŋutu lo jwöjwöŋgu ko winikö, ko lo ŋutu lokoŋ ti Kaledea, se ko lo katökorok ti kulya.

Abakuk 1:16

Nyena a se ’duŋokiŋdye ku ’yi nase rubaŋga, a ’yurakiŋdye ku ’yi nase najo rubaŋga lo ’yu ’yura; kogwon kine ŋo jakiŋdya se tukwo-rien, a tiŋdi se kinyo a duma.