Ejikele 28:25 - Bibilia Buk na Ŋun nagon koti luŋu a

²⁵ Nan MATAT ŊUN lo kulya adi, I diŋit na pepenuŋdye nan kötumit na Yisaraele i gweyajin ti ŋutu logon lepeŋat a tore aji kata kulu nu, a nan mo kwekiŋdye kelan nio kase kiden a ŋutu ti jurön memeddya, a kirut lepeŋat mo si ’dani i jur lose logon nan köju a tikin köliŋönit lio Yakobo lu.

Ejikele 28:25 Iomraidhean Croise

Saumajin 106:47

Lwökundye yi ŋon MATAT Ŋun likaŋ, ko tutunundye yi kaŋo i kiden na jurön, anyen yi bubulö tindu do lyöŋesi ’dindya karin kunök nake, ko i yuöggu i pupurja na do.

Yisaya 5:16

Ama a MATAT lo kurumi todumalakine ki i ’duggö gwogwo, a Ŋun Loke kwekiŋdye mugun a loke i löti lo rigwo.

Yeremia 12:14

Nan MATAT lo kulya i kulya ti maratejin kwe liŋ Jorok logon a ’bulukiŋdyo konisi i jur logon nan a tiŋikin ŋutu kwe Yisaraele a lose lomore adi, Mete, nan mo gwugwunyun kulu ŋutu kaŋo kase i jur, a nan mo gwunyuŋdye kotumit na Yuda kaŋo kase kiden.

Yeremia 23:8

ama a se mo milyeji adi, ’Diri ’diri gwoso na gwoŋdi MATAT na logon a joŋdya ko a nyömuŋdyö nyakwariat ti Yisaraele kaŋo i jur lo lobot, se ko i jurön liŋ logon nye a riköddu lepeŋat kata kulu. A se mo köti si ’dani i jur lose.

Yeremia 27:11

Ama ko ŋutu ti lele jur kata logon mo dulakin­dya muruto kase i kaden gwolor ti mor lo Babela i kitakiŋdya na lepeŋ, a nan mo kölökiŋdye lepeŋat kase i jur, i si ’da ko i kuŋu na lepeŋ, ŋilo a nan MATAT lo jambu.

Yeremia 30:18

Nan MATAT lo kulya adi, Mete, nan mo nyönyökökin kötu­mit na Yakobo kadijik kase, iŋkoi, nan mo wowon konyen ko piritön kase si ’daesi, a köjinö mo nyököni ’dukö kase i sudiet, iŋkoi, kadijik temejik mo nyökö ’dukö kase i piritön ti köju kunu.

Yeremia 32:37

Mete, nan mo pepenun lepeŋat i jurön liŋ logon nan a riköddu se kata ko ŋoma ko yulön se ko woran duma kulu; a nan mo nyökuŋdye se bot i na pirit, a nan mo tiŋdi se i gwolor ’bura ’bak nene ŋo.

Ejikele 11:17

Nyenagon kulyani adi, MATAT ŊUN lo kulya adi, Nan mo tutunun se kaŋo i gweyajin ti ŋutu, nan mo momorun se kaŋo i jurön logon se a toreki kata kulu, a nan mo tiŋdi se jur lo Yisaraele.

Ejikele 20:41

A i diŋit na joŋdi nan ta kaŋo i kiden na gweyajin ti ŋutu, a tutunuŋdye ta kaŋo i jurön logon ta a tore aji kata kulu nu, a nan mo wuji ta gwoso rubaŋga lo mon paleleŋ; a nan mo kweji mugun a loke kogwon kulya kasu a ŋutu ti jurön memeddya.

Ejikele 28:22

Tambi ko lepeŋ adi, MATAT ŊUN lo kulya adi, Do Sidona, mete, nan a miriku ilot, a nan mo kweji minyo lio konut kiden. A ŋutu mo deŋdi adi nan logon a MATAT i diŋit nagon nan mo ’duŋökiŋdye Sidona putesi, a mo kweji kelan nio kanyit kiden nu.

Ejikele 34:13

A nan mo joŋdi lepeŋat kaŋo i gweyajin ti ŋutu, a nan mo pepenuŋdye lepeŋat i jurön, a nan mo toyituŋdye lepeŋat i lukata na jur lose; a nan mo tunyeji lepeŋat i loki na merya ti Yisaraele nyona ko karya ko i piritön liŋ ti jur nagon sisi ’darikin kune.

Ejikele 34:14

A nan mo tunyeji lepeŋat i pi-riton nagon a leme, a merya lojo ti Yisaraele mo gwe a piritön nagon lepeŋat nyesu kata. Nyu a lepeŋat mo pere kak i pirit nagon döru a duma kata, lepeŋat mo nyesu i loki na merya ti Yisaraele.

Ejikele 34:27

A kaden ti mu ’diŋ mo rade ludweki kase, a kak mo topunuŋdye ŋo kanyit, a lepeŋat mo gwe ’bura kase i jur. Lepeŋat mo deden adi nan logon a MATAT i diŋit na ’be ’beleŋgi nan kaden gwolor kase i murutö nu, a lwökuŋdye lepeŋat i könisi ti ŋutu lo ri ’dikiŋdya se i gwon a ’dupi kulu.

Ejikele 36:28

A ta mo gwolore i jur logon nan aje tikin merenyejin kasu lu, a ta mo gwe a ŋutu kwe, a nan mo gwe a ŊUN losu.

Ejikele 37:21

A kirut kulyani ko lepeŋat adi, MATAT ŊUN lo kulya adi, Mete ta, nan mo jojon ŋutu ti Yisaraele kaŋo i jurön logon lepeŋat aje tu kata kulu, a nan mo momoruŋdye lepeŋat i swötön liŋ, a nan mo nyökuŋdye lepeŋat i jur lose.

Ejikele 37:25

A se mo gwolore i jur logon nan aje tikin köliŋönit lio Yakobo. (Ŋilo a jur logon merenyejin kasu si ’da kata lo.) A ŋutu ti Yisaraele ko ŋwajik kase se ko nyakwariat kase mo si ’dani nyu ŋupi ŋupi; a köliŋönit lio Dawidi mo gwe a kasaranit lose ŋupi.

Ejikele 38:23

Nyena a nan mo kweji todumalan nio se ko kelan nio, a nan mo tiŋdi mugun i dena ko ŋutu jore i komor. A kirut lepeŋat mo deŋdi adi nan logon a MATAT.

Ejikele 39:27

A i diŋit na momoruŋdye nan se kaŋo i jurön ti merok kase, i kiden na gweyajin ti ŋutu a joŋdi se mede nu, a nan mo kweji mugun a loke kogwon kulya kase a jurön jore memeddya.

Osea 1:11

A ŋutu ti Yuda ko ti Yisaraele mo momori i ŋirit na geleŋ, a se mo wulokiŋdye ’borik duma lose geleŋ; a se mo puputuru ŋerot ’bura i jur, kogwon molu gwon a lor duma lo Yejerele.

Osea 11:11

se mo ŋoŋo ko pusök köyö ni Ejipeto yu böböpuŋdyö gwoso kwen a ŋoŋdi i jur lo Asura yu gwoso gureki; a nan mo nyökökiŋdye se kase i midijik. Kilo a kulyaesi kwe ti MATAT.

Osea 2:15

Nyu a nan mo nyokokiŋdye Lepeŋ lukobiot kanyit ti kaden ti binyo, a koŋdi ŋirit na ’dir na luŋu a Sasanyesi anyen wora a kotumit Yenet na kulya na ’but. Nyu a nye mo ruŋge gwoso i perok ti tuko ’disen nanyit, na pori nye kaŋo i jur lo Ejipeto nu.

Yoele 3:7

Ama soŋinana nan de totoŋi lepeŋat i kö ’yu na piritön nagon ta a tugwöŋi lepeŋat kata kunu, a nan mo toyitökiŋdye ŋo na kon ta kune kasu i kusik.