Ejikele 28:2 - Bibilia Buk na Ŋun nagon koti luŋu a

² ŋuro lo ŋuto, taki kasa-ranit lo Turo adi, MATAT ŊUN lo kulya adi, Kogwon do a ka ’du ’dupanit konut i töili, do aje kulya adi do a ŋun, köti adi do si ’da i si ’daet na tumatyan na ŋun i kiden na tör duma na ’balaŋ, ama kölumbö do a ŋuto, do ’bayin a ŋun, ma ’di ködyö do a yeyeju mugun a lokoŋ gwoso pun.

Ejikele 28:2 Iomraidhean Croise

Suluet 3:5

Kogwon Ŋun a den adii lor lo nyesi ta ludweki ti Ŋilu ködini lu, a konyen kasu mo ŋaji ŋaju, a ta mo gwe gwoso Ŋun lo deŋdya kulya na ’but ko narok.

2 Dekat 26:16

A nagon nye aje wora a iŋgo parik nu, a bu ’ya nanyit na mugun iŋge to ’doro lepeŋ. A lepeŋ iŋge toroŋdya MATAT Ŋun lonyit kogwon lepeŋ a lupö i kadi na MATAT anyen tu ’yuŋa bökur i loki na pirit ’yuret na bökur.

Saumajin 9:20

Pon MATAT, tindi se i kujönö; ti jurön dendi ’börik adi se tuŋ a ŋutu kana!

Tolupesi 16:18

Bu ’ya na mugun jondya karan, a ’du ’dugga to ’doro ’yi ŋutu.

Tolupesi 18:12

Töili ka ’du ’duŋanit jondya karan, a tokoyok tindi ŋutu i bula.

Yisaya 2:12

Kogwon MATAT lo kurumi gwon ko lor logon nye möŋdu ’duŋgö kulya ti se liŋ logon a kabulak ti kusik ko a lowo ’duŋak, ko i se liŋ lo ’bilikiŋdya ’börik ki, i nyökuŋdyö na se kak,

Yisaya 23:8

Ŋa ŋona lo yiyikiŋdyö kine kulya narok i Turo? Turo a köji nagon a gömö ko gorom nagon a mariŋ tiyit nago, ŋutu kanyit katugwörök a kimak, a ŋutu kanyit kadöök gwe a ŋutu lo bubula ti kak.

Yisaya 31:3

Ŋutu ti Ejipeto gwon a ŋutu kana ti gwon a Ŋun; a kusanjin kase gwe a lokorio ti — gwon a ködudwölön. A ko MATAT a riörö könin lonyit kaŋo, a kaparak mo köpuköni köpukö, a se lo paparaki kulo mo ’dorone ’doro, a se liŋ mo twatwane twatwa i pirit na geleŋ.

Yisaya 47:8

Nyenagon soŋinana do katulyö-ŋönit na mugun, yiŋge kine kulya, do nagon si ’da ’bak yeyeet, kukulya konut i töili adi, Nan nye na, a nene gwe ’bayin tuŋ a nan; nan mo ti si ’da gwoso karu ’be a nan nio tine den tolikiŋdyö na ŋwajik.

Ejikele 16:49

Toron na kiaser inot nagon a Sodoma mana; kweja adi, lepeŋ se ko ŋwajik kanyit a kabulak ti kusik, a gwe ko kinyo a duma parik, a gwe ko gwiliŋit lo ’but a tine yöŋö nene po, ama a se tine parakiŋdya lomerika se ko ŋutu logon ko yöpö na po kulo.

Ejikele 26:17

A lepeŋat mo yo ’yi köli delyaet kogwon kulya kunök adi, Wöidiö do köji na kukwön, do aje likin i kiden na tör duma na ’balaŋ! Do köju a wa i tör kata, a do se ko ŋutu kulök köju iŋge tokujöŋdu ŋutu lo si ’da i tör nyona kulo.

Ejikele 28:1

A kulyaet lo MATAT poki köyö adi,

Ejikele 28:17

Töili ilot a ka ’du ’duŋanit kogwon kwelen inot, a do iŋge kör koŋon inot kogwon kulya ti minyo ilot. Nan aje gubakin do i kujöŋ; nan aje kölökin do nyu a ŋo nagon moran memet.

Ejikele 28:9

Ko kulu ŋutu a po i tatuja na do, do ’diri mo nyuŋ kukulya kase i komor adi do a ŋun le? Ama kölumbö do a ŋuto ’bayin a ŋun i könisi ti ŋutu lo tatuja do kulo.

Ejikele 29:3

Tambi jambu, ko taki lepeŋ adi, MATAT ŊUN lo kulya adi, Do Paro mor lo Ejipeto, do kinyop duma logon piriki i kiden na kinasi ti Supiri, mete, nan a miriku ilot. Do kulya adi, Supiri ilot a ilot lomore, do lo teteŋdya lepeŋ.

Ejikele 29:9

A jur lo Ejipeto mo gwe a murwö ko a ruba, a ŋutu ti lu jur mo deŋdi adi nan logon a MATAT, kogwon do a jambu adi Supiri a ilot. do lo teteŋdya lepeŋ.

Ejikele 31:10

Nyenagon nan MATAT ŊUN lo kulya adi, Kogwon ŋilo ködini aje ’duröddu ki parik, a kwe nanyit tulöddi kaŋo i kiden na kaden ti rudu, a lepeŋ iŋge ’du ’duŋga kanyit i töili kogwon tojolan nanyit,

Daniele 11:12

A nagon lodir lo kamörök aje moka nu, a lepeŋ mo bu ’ye mugun, a nye mo tatuje ŋuto aliŋan puök ti aliŋan, ama lepeŋ molu tine te ’ya a ’dutet.

Daniele 11:36

A mor molu koŋdi gwoso nye ’de ’dekan; a bu ’ye mugun a toduma ’yi mugun lwölwöŋ ŋunyen liŋ, a mo jambi ŋo nagon lömörikin Ŋun lo totoŋun ŋunyen liŋ. A lepeŋ mo pupu-turu ŋerot tojo ko diŋit nagon woran na Ŋun aje temakiŋdya anyen kokona; kogwon ŋo nagon aje tetena kune molu kokona.

Daniele 11:37

a lepeŋ mo tine yeye ŋunyen ti merenyejin kanyit kode ŋun logon ŋutu wate gaga lo; a lepeŋ mo tine yeye lele ŋun kwöŋ, a nye molu toduma ’yi mugun lwölwoŋ se liŋ.

Abakuk 2:4

Mete, ŋuto logon toili lonyit a lomunyan ti bulo gwo ’dan go, ama ŋuto lo loti lo rigwo mo gwon jörun kogwon yupet nanyit nago.

Jepania 2:15

Na a köji nagon koju bubu ’ya mugun, nagon si ’da ’bura ’bak kujono, nagon kulya kanyit i toili adi, Nan tuŋina geleŋ na gwon, nan ka ’de. Soŋinana lepeŋ gwe a nyo? Lepeŋ i gwe a murwo, ko a pirit paranaet na kijakwa. a ŋutu liŋ lo Iwoŋoddi nyona kulo mo ’diuŋge ’diugga a ’di ’diŋge konisi kase.

Jakaria 9:2

köti lepeŋ a kasaranit lo Kamat nagon gwon i koresi kanyit, a saŋi Turo ko Sidona, ma ’di nagon se a nakoŋ parik.

Luka 14:9

a kirut monye budu logon a luŋgu do se ko ŋilo ŋuto mo poŋdi po a kulyani ko do adi, Kölöki ŋilo ŋuto pirit, a kirut do suluje tu i si ’daki i si ’daet na ’dutet ko yu na kwe.

Nyökit 8:14

nyena kunyar ta an töilyet kasu jore ko lyöŋön, a ta böŋoni MATAT Ŋun losu lo joŋdya ta kaŋo i jur lo Ejipeto i pirit na to ’dupien lo.

2 Tesalonike 2:4

Lepeŋ mo gwon a miriku logon bu ’ya mugun adi nye Iwolwoŋ ŋo liŋ logon ŋutu luŋgu adi a ŋun, se ko ŋo liŋ nagon se kwakwat kune, a nye mo si ’dakine i Kadi na Ŋun, a mo luŋgi mugun adi nye a Ŋun.

1 Timoteo 3:6

Lepeŋ agu kodyo ti gwon a ŋuto logon pete löpukuŋdyö i yubbö, an lepeŋ bu ’ya mugun a kulya kanyit ’duŋöki arabat gwoso na ’duŋoki ’e Ŋilo kaŋöönit na.

1 Petero 5:5

Köti ta teton kodyö twötwö temejik kasu. Ta liŋ ködyö jupukiŋdya tokoyok gwoso boŋgo anyen tokitakin ko ’börik; kogwon a wurö adi, Ŋun rerenya ŋutu kabulak ti kusik ama kwekiŋdya ’busan i ŋutu lokoyokak.

Kweyatti 17:3

A kirut ŋilo malaikatat ’dokoddi nan i yöbu i riŋit na Mulökötyo Loke, a nan meddi ŋuto nakwan si ’da i gworoŋ lotor loki. ŋilo gworoŋ a jore ko karin nagon lawerikin Ŋun, lepeŋ gwon ko kusik buryo ko oŋgwora puök.

Kweyatti 18:7

Temaki ta lepeŋ mien se kodelya a duma nagon jojo kobu ’ya nanyit na mugun se kosi ’da nanyit ’bura a monyota ko oŋ liŋ abur. Kogwon lepeŋ yeoŋ kulya ko mugun adi, Nan si ’da a mor; nan ’bayin a karu ’be, a nan mo tine meddya delyaesi kwöŋ.