Ejikele 28:14 - Bibilia Buk na Ŋun nagon koti luŋu a

¹⁴ Nan a tin do keruba logon a katiyunit anyen muggö do, a do köju gwe i mere loke lio lo ŊUN, a do wöröni i kiden na ŋurupö logon kobbu gwoso kimaŋ.

Ejikele 28:14 Iomraidhean Croise

Yuörö 30:26

a do we ’yi kemia torumet se ko saŋduk na ŋurupö tökoresi,

Yuörö 40:9

Nyena a do ’dumuŋdye welet na wewelarikin, a do we ’yi kemia se ko ŋo liŋ na gwon kanyit lukata kune, anyen geluŋdya lepeŋ se ko tito kanyit liŋ a nake; a nye mo gwe a nake na rurwan.

Yuörö 9:16

ama ko ŋina kwe nan aje kolökin do i gwon jörun, anyen kwekiŋdya do riŋit nio, anyen karin kwe böŋö totokuöji i kak ’bukuluŋ.

Yisaya 10:15

Tulu ŋona bu ’ya muŋun ko lepeŋ lo toŋgu ko nye lo le? Kode ŋona ’duŋet lo kaden toduma ’yu mugun ko nye lo kikita ko lepeŋ lo le? Gwon gwoso nagon ture a böböŋdu ka ’dumanit lonyit, kode gwon gwoso nagon puri a ’dumuŋdya lepeŋ logon ti gwon a ködini lo!

Yisaya 10:6

Nan a soŋdu lepeŋ i möro ko jur logon ti twoju nan Ŋun, a nan yökije lepeŋ i möro ko ŋutu logon nan wowori ko se kulo, adi, Ti nye ryakaddi ko ti riŋaddi tito kase, ko ti nye ryokaddi se kak gwoso wo ’do ’do ti kikolin.

Delyasi 2:1

A dyoŋ, MATAT ko woran nanyit aje jakin köji na Siona mudwe! Lepeŋ ki yu aje gubun kwelen na Yisaraele kak, i lor lo woran nanyit a nye gwe a ko yeye Siona nagon a tokit nanyit na mokosi.

Ejikele 10:18

A kirut minyo lo MATAT kö ’yi kutuk na kötumit na kadi nanyit a gwi ’diki i kerubajin loki.

Ejikele 20:40

Nan MATAT Ŋun lo kulya adi, Ta kötumit na Yisaraele liŋ mo kitakiŋdya nan i jur losu i mere lio loke lo rurwan logon a mere lojo lo Yisaraele. A nan mo wuji ta nyu ko ’busan; a nan mo luŋgi ta anyen gwe-gwelakiŋdya nan ŋo kasu, ko ’dokesi kasu na nyunyumwe, se ko rubaŋgajin kasu liŋ loke.

Ejikele 28:13

Do köju si ’da Edene yu nagon a melesen na ŊUN; do jupu ŋurupö nakwekwelen liŋ na gwörö go, kweja adi, sardiö, ko topajo, ko yasipidi, ko krisölitö, ko berilo, ko onukion, ko sapira, ko antarak, se ko samaragado. Köti minyojin kulök logon a dakap lo tutulujö ko a gigiru a tetenaki do i lor lo yuŋwe ’i do lu.

Ejikele 28:2

ŋuro lo ŋuto, taki kasa-ranit lo Turo adi, MATAT ŊUN lo kulya adi, Kogwon do a ka ’du ’dupanit konut i töili, do aje kulya adi do a ŋun, köti adi do si ’da i si ’daet na tumatyan na ŋun i kiden na tör duma na ’balaŋ, ama kölumbö do a ŋuto, do ’bayin a ŋun, ma ’di ködyö do a yeyeju mugun a lokoŋ gwoso pun.

Daniele 4:35

a ŋutu liŋ ti kak kenani a ŋo kana; a lepeŋ koŋdi gwoso nagon toili lonyit a ’deggi i kurumi na ki se ko i kiden na ŋutu ti kak; lele ŋuto ’bayin logon bubulo teŋgu könin lonyit kode pija lepeŋ adi, Do koŋdya nyo?

Yoane 11:51

A lepeŋ tine jambu kune kulya a kanyit, ama na gwoŋdi nye a kijane duma i ŋilu kiŋa nu, a nye iŋge keju adi Yesu ködyö tatatua dakari ŋutu ti jur ’bukuluŋ,

2 Tesalonike 2:4

Lepeŋ mo gwon a miriku logon bu ’ya mugun adi nye Iwolwoŋ ŋo liŋ logon ŋutu luŋgu adi a ŋun, se ko ŋo liŋ nagon se kwakwat kune, a nye mo si ’dakine i Kadi na Ŋun, a mo luŋgi mugun adi nye a Ŋun.

Kweyatti 18:16

a gwine adi, Wöidiö, woidio köji duma nagon ŋutu kanyit jupu boŋgwat napa­rere, ko na ’bule se ko nator, ko a tokwelenyo ko dakap, ko purupö nakwekwelen na gwörö go, se ko ŋurupö nake nagon a margaritajin!

Kweyatti 9:17

A i ŋo na met nan kune, a kusanjin se ko kajopak kase metani gwoso se gwon ko gayesi kase i kidoni, nagon meta gwoso kimaŋ ko gwoso ŋurupo napem nakwekwelen ko a naŋoroŋok gwoso pisek. A kusik ti kusanjin gwe gwoso kusik ti komiruot, a kimaŋ ko kopurot se ko pisek puriu kaŋo kase i kutusen.