Ejikele 28:12 - Bibilia Buk na Ŋun nagon koti luŋu a

¹² Ŋuro lo ŋuto, yo ’yi köli delyaet i kulya ti mor lo Turo, yuluki lepeŋ adi, MATAT ŊUN lo jambu adi, Do köju a lo ’but lo totopuŋdya i ŋo liŋ, do a jore ko koŋon, do a lokwekwelen bia parik.

Ejikele 28:12 Iomraidhean Croise

Suluet 3:5

Kogwon Ŋun a den adii lor lo nyesi ta ludweki ti Ŋilu ködini lu, a konyen kasu mo ŋaji ŋaju, a ta mo gwe gwoso Ŋun lo deŋdya kulya na ’but ko narok.

2 Dekat 35:25

A Yeremia köti iŋge yolo köli lo twan na Yosia, a kayolok lulyan ko nawate liŋ ’di ’diŋdye Yosia i kolisi ti twan tojo ko lo lor. A lepeŋat ’debbi kilo kolisi ti twan a keri i Yisaraele; mete, kine a wuröki i buk na delyaesi.

Tolupesi 21:30

Koŋon, ko kurundyö, ko jujuwet ’bayin nagon bubulö te ’ya MATAT.

Yisaya 10:13

Kogwon ŋilo mor a kulya adi, Nan aje koŋdya kine kulya ko riŋit na könin liŋ, se ko kogon nio, kogwon nan gwon ko kuruŋdyö; a nan aje ’dumaddu lokökoritan ti gweyajin ti ŋutu, a nan aje kokoladdu tukwörien nase; a nan dukaddi kak ko riŋit se liŋ logon si ’da kata kulo.

Yisaya 14:4

a ta mo suluje yulukiŋdyö ŋilo köli ’döyit lo mor lo Babela adi, A dyoŋ, ko karudanit aje gwo ’dan, ko bu ’ya nanyit na mugun aje ’baka!

Yeremia 9:23

Nan MATAT lo kulya adi, Ti ŋuto lokoŋ gwe ti bu ’ya mugun ko koŋon nanyit, ko ti ŋuto wa gwe ti wa ’yu mugun ko riŋit nanyit, ko ti ŋuto kwörinit gwe ti bu ’ya mugun ko tukwörien nanyit,

Ejikele 19:1

Nyenagon do Ejikele, yo ’yi köli delyaet kogwon temejik ti Yisaraele,

Ejikele 19:14

A kimaŋ tuleŋ kaŋo kanyit i kenia, a totumbe kenia se ko ludweki kanyit, anyen kene nago gwon ’bayin na pituŋdyö a puri lo ŋuto kasaranit. Ŋilo a köli delyaet, logon ŋutu yeŋ gwon i yo ’yu na lepeŋ.

Ejikele 26:17

A lepeŋat mo yo ’yi köli delyaet kogwon kulya kunök adi, Wöidiö do köji na kukwön, do aje likin i kiden na tör duma na ’balaŋ! Do köju a wa i tör kata, a do se ko ŋutu kulök köju iŋge tokujöŋdu ŋutu lo si ’da i tör nyona kulo.

Ejikele 27:32

A na luluje se nu, a se yoloni köli lo twan i kulya kunök, a delyani adi, Woidio do Turo nagon a toyipa asut i kiden na tör duma na ’balaŋ!

Ejikele 28:11

Köti a kulyaet lo MATAT poki köyö adi,

Ejikele 28:15

Do köju ’bak yuyuket i konesi kunök liŋ, suluja i lor lo yuŋwe ’i do lu tojo do a rye ko toron.

Ejikele 32:16

Ŋilo a köli delyaet logon ŋutu wate ti jurön mo yoyo. Lepeŋat mo yo ’yu ŋilo köli delyaet i kulya ti Ejipeto se ko ŋutu kanyit logon jore parik kulo. Kilo a kulyaesi kwe ti MATAT ŊUN.

Ejikele 32:2

ŋuro lo ŋuto, yo ’yi köli delyaet i kulya ti Paro mor lo Ejipeto, yuluki lepeŋ adi, Wöidiö do kömiru titinti i kiden na jurön! Do gwe gwoso kinyoŋ lo gwon i Supiri, a do buŋe pioŋ ko kume ilot, a do köbuŋe pioŋ ko mokosi kulök, a kököröji pioŋ ti kinasi ti Supiri.

Ejikele 43:10

Ŋuro lo ŋuto, nyönyököki kötumit na Yisaraele kulya ti ŋina kadi nio na ŊUN, ko meta nanyit se ko temesi kanyit, anyen kusik kase ködyö yuyu kogwon toronjin kase.

Jakaria 9:2

köti lepeŋ a kasaranit lo Kamat nagon gwon i koresi kanyit, a saŋi Turo ko Sidona, ma ’di nagon se a nakoŋ parik.

Luka 2:40

A lupudi iŋge ’duŋö a worani a iŋgo, a nye gwe a lokoŋ parik, a ’busan na Ŋun gwe ko lepeŋ.

Konesi 6:3

Nyenagon luŋa sirik, wuluŋdye ta ŋutu buryo kasu kiden logon pupura a lo ’but, logon a jore ko Mulökötyo Loke se ko kopon, a yi mo tiŋdi se i ŋina kita.

Roma 15:28

Nyena ko nan aje tutuŋgö ŋina kita, a nan iŋge ŋutu kin lepeŋat kine pariesi, a nan mo iti Sipania, a ’yölöddi ta i tu nio nyu.

1 Korinto 3:19

Kogwon kopon na na kak meta a tu ’boŋon ko Ŋun i komor. Kogwon a wuro adi, Ŋun morga ŋutu lokoŋ i mumulukesi kase,

2 Korinto 1:22

Lepeŋ a gigirikiŋdya gwuluet nanyit kayaŋ i mugunya i kwekiŋdya adi yi a kanyit, a iŋge tiŋdu yi Mulokotyo lonyit kayaŋ i toilyet gwoso waŋet lo ŋo nagon mo titiki yi kune.

Kolosai 1:9

Ko ŋina kwe, suluja i lor lo yiŋge yi lu, yi a ko ko ’yu kwakwaddu kogwon kulya kasu. Yi momo ’yu Ŋun anyen nye böŋö tiŋdu ta kopon liŋ se ko kuruŋdyo liŋ nagon Mulokotyo lonyit a tikin kune, anyen ta böŋö deden parik ko lepeŋ ’de ’dekan nyo.

Kolosai 2:3

Tukworien liŋ na koŋon se ko na deŋdya a ’delaki ko Kristo i mugun.