Ejikele 28:10 - Bibilia Buk na Ŋun nagon koti luŋu a

¹⁰ A Lwaka mo tatuje do gwoso ŋuto logon ’bak ’bulit logon a ko tawero. kogwon nan aje jambu, ŋilo a nan MATAT ŊUN lo kulya.

Ejikele 28:10 Iomraidhean Croise

Yeremia 25:9

Babela köliŋönit lio, a nan mo joŋdi se i mörö ko lo jur se ko ŋutu lo si ’da kata kulo, ko i mörö ko kilo jurön liŋ lo didiŋö kulo; a nan mo tukaŋi se asut, a koŋdi se a torigwökit, ko a ’diuket, ko a lomit ŋupi.

Yeremia 6:10

Ko ŋa logon nan mo jajambi? Ko ŋa logon nan kukukin kulya anyen se ködyö yiyiŋga? Mete, swö kase a ’di ’dijatu, lepeŋat ti bulö yiŋga kwöŋ; lepeŋat ’dö ’dö kulyaet lo MATAT a lepeŋat tine lyöŋön ko ŋilo kulyaet.

Ejikele 11:9

A nan mo joŋgi ta kaŋo i ŋina köji, a ŋutukiŋdye ta i könisi ti Lwaka, a nan mo ’duŋökiŋdye ta putesi.

Ejikele 28:11

Köti a kulyaet lo MATAT poki köyö adi,

Ejikele 28:7

nyena mete, nan mo jajakin do Lwaka i mörö ko do, kilo a ŋutu logon a kaŋajin mörö ’bak pitönö lwölwöŋ ŋutu ti jurön liŋ, a lepeŋat mo ’dutuŋdye baŋdujin kase i mörö ko koŋon inot nakwekwelen, a mo köŋi minyo ilot.

Ejikele 28:9

Ko kulu ŋutu a po i tatuja na do, do ’diri mo nyuŋ kukulya kase i komor adi do a ŋun le? Ama kölumbö do a ŋuto ’bayin a ŋun i könisi ti ŋutu lo tatuja do kulo.

Ejikele 31:18

I kiden na kaden ti Edene, lon logon gwoso do i kwelen ko i todumalan? Do mo jopa kak se ko kaden ti Edene i pirit na gwon i lukak na kak; a do mo topirikine i kiden na ŋutu logon a lawe a ko tawero, i pirit na geleŋ ko ŋutu logon a tatua ko baŋdujin kulo. Kine kulya kweja adi ŋilo a Paro se ko ŋutu kanyit logon jore parik kulo. Kilo a kulyaesi kwe ti MATAT ŊUN.

Ejikele 32:19

Do Paro ŋona lwölwöŋ ŋa i kwelen? iti kak ko pirikine i pirit na geleŋ ko ŋutu logon a lawe a ko tawero kulo.

Ejikele 32:21

a i pirit na mulökö a kimak ti riŋiton lo gwon nyu kulu mo kulyani ko Paro se ko ŋutu lo parakiŋdya lepeŋ kulo adi, Ŋutu logon a lawe a ko tawero logon aje tatua ko baŋdujin kulo aje moruŋdya kak kayaŋ ni, lepeŋat dotoni taliŋ.

Ejikele 44:7

Ta aje rukuŋdyö Lwaka logon töilyet kase se ko mugunya kase a ko tawero kilo anyen gwon i pirit nio nake na rurwan, i tolu-ddya na kadi nio i diŋit nagon ta wukiŋdya nan kinyo lio nu, kweja adi kine a lokorio nagon a welesi se ko rima, a lepeŋat iŋge ’beleŋgu tomoret nio a ’ya ’yi konesi kasu na mamana kine.

Ejikele 44:9

Nan MATAT ŊUN lo kulya adi, Lwaka logon a ko tawero i töilyet ko i mugunya kulo ’bayin logon bubulö lupö i pirit nio nake na rurwan, ’bayin ma ’di Lwaka lo si ’da i kiden na ŋutu ti Yisaraele.

Lewi 26:41

a nan wöröjine a wok kasu a joŋgi lepeŋat tojo i jur lo merok kase; nyena ko töilyet kase logon a ti ŋutu logon a ko yubbö nan kulo a tokoyokwe kak, a se iŋge ropakin ŋonyan nase;

Yoane 8:24

ŋina a kwe nagon nan takiŋdye ta adi ta ködyö twatwa i toronjin kasu; kogwon ko ta a ko yuŋ adi nan nye lo, a ta mo twatwane i toronjin kasu.

Konesi 7:51

Nyena ta ŋutu logon ko muruto a nawo ’duŋak, logon toilyet se ko swo kasu gwon gwoso ti ŋutu logon ti yubbö ŋun, ta ŋupi renya Mulökötyo Loke. Ta kelaji ko merenyejin kasu.

Pilipoi 3:3

Kogwon yi kulo a ŋutu lo tawero gwak, logon twöju ko Mu lokötyo lo Ŋun, a yi bu ’ye ’börik ko Kristo Yesu i mugun, a tine yinikindyo ’börik i po ti na kak.

1 Samuele 17:26

A Dawidi pije ŋutu lo gwo ’dan kanyit nyona kulo adi, Nyo mo na konaki i ŋuto logon a tatuja ŋilo Pelesetetyo, anyen joŋga yu na kwe kaŋo i Yisaraele? Kogwon ŋilo Pelesetetyo logon a ko tawero lo, lepeŋ a ŋa logon woro i lauŋdya na teŋon ti ŋun lo gwon jörun lo?

1 Samuele 17:36

Nan köliŋönit ilot aje tatuja kömiruöt ko kulye gwuruŋin; a ŋilo Pelesetetyo logon a ko tawero ŋilo de gwe gwoso lele lose, kogwon nye a lauŋdya teŋon ti ŋun lo gwon jörun.