Ejikele 27:31 - Bibilia Buk na Ŋun nagon koti luŋu a

³¹ a lepeŋat ’bariŋdi kusik kase kogwon kulya kunök, a jupuni boŋgwat terekesi, a lepeŋat gwine do ko töilyet lupötwör ko delya a duma parik.

Ejikele 27:31 Iomraidhean Croise

Yisaya 15:2

Ŋutu ti Dibon a tu ki i gwien i piritön kwakwasesi na gwon i ko ’dulan ti merya kune. Ŋutu ti Moaba gwigwien i Nebo ki ko i Medeba ki. Kusik kase liŋ gwe a limuö kana, kupir ti nyekema liŋ a ’barinuji kaŋo;

Yisaya 16:9

Nyenagon a nan mo gwine kogwon lu ködini lo binyo lo Sibema, gwoso na gwije nan Yajer nu; ta Kesebon ko Eleale, nan wöwök ta ko ŋolitan kwe; kogwon siraesi ti mörö a ’durukin kasu i ludweki ko kasu i ’butun.

Yisaya 22:12

A i ŋilo lor MATAT Ŋun lo kurumi luŋgi ŋutu i gwien ko i joŋga na kidon kogwon delya, i ’barinu na kusik ko i jupu ko boŋgwat terekesi;

Yisaya 22:4

Nyenagon a nan kulyani adi, Ko diŋa ta nan, nan mo gwigwien parik; ko möŋu ta suŋga nan, kogwon kulya ti körö na ŋutu kwe lomoriot.

Yisaya 3:24

A mo gwe sona adi, riya mo ruta ko ’buron; a gom mo rutani ko pata; a kupir lo tataka mo rutani ko kwe limu; a boŋgo nakwekwelen mo rutani ko terekesi na, pipitaki; a kwelen mo rutani ko nya ’dotesi ti kimaŋ.

Yeremia 16:6

ŋutu dumalak ko lo ’di ’dik mo twatwa i lo jur, a se mo tine nuka, a lele ŋuto mo gwe ’bayin lo gwi lepeŋat, kode ’duŋgo mugun, kode ’bariŋdu kwe nanyit kogwon lepeŋat.

Yeremia 47:5

Kwe na Gaja aje ’barinu kogwon delya, Asekelon aje körö. Ta ŋutu logon a pituŋdyö kase i pirit na ’dir kulo, diŋit ŋornan nagon ta ’du ’duŋujö ’börik ko delya?

Yeremia 48:37

Kogwon kusik liŋ aje ’barinu, a kupir ti nyekema liŋ iŋge ’barinuji kaŋo; ŋutu liŋ a ’du ’duŋujö könisi kase a ’dikasin, a iŋge torakiŋdya boŋgwat terekesi kase i mukökö.

Ejikele 29:18

Ŋuro lo ŋuto, Nebukadaresar mor lo Babela a tiŋdu ŋutu kanyit kamörök i kita parik anyen mörö ko Turo, tojo ko kusik kase liŋ a jeja ko ’doko, a ködyö kase liŋ iŋge jeja a ’dikasin. Ama lepeŋ se ko ŋutu kanyit kamörök a ko ryeju ’bulit Turo yu na möröri se ko diŋit a najo nu.

Ejikele 7:18

A se jupuni boŋgwat terekesi a kujönö duma iŋge mok lepeŋat, a yu na kwe morgi lepeŋat liŋ, a kusik kase liŋ gwe a namelenyak.

Yoele 1:13

Ta koanejin, doggi ta ’borik ko boŋgwat terekesi, ko jojoggi ta kidoni kasu ko delya, ta kakitak lo kita i pirit ’yuret na rubaŋgajin, luluje ta lulujö. Ta kakitak lio ti Ŋun lio, luponi ta kadi, gwe ta ko boŋgwat terekesi i tukwaje lio! Kogwon ’dokesi ti ’bolot se ko rubaŋgajin ’bu ’bukesi a ko jwe i kadi na Ŋun losu.

Lewi 21:5

A koanejin ködyö tine ’bariŋdu kusik kase a namelenyak kode ’bariŋdu goŋesi ti nyekema kase, a se ködyö tine ’du ’duŋujö mugunya kase.

Amosa 8:10

A nan mo löpuŋge roriot kasu a delyaesi, a löpuŋge kölisi kasu liŋ a luluesi, a nan mo tiŋdi ta i dukukiŋdyö na boŋgwat terekesi kasu i muköko liŋ, ko kusik kasu liŋ a ’barinu; a nan mo tiŋdi ŋilu lor i gwon a delyaet gwoso lo delyarikin ŋuro pilili, a ’dutet nanyit mo gwe gwoso lor tomiet.

Yona 3:6

A lore iŋge ’dur ko mor lo Ninewe yu, a nye pine ki kanyit i si ’daet, a rösöddi boŋgo nanyit kaŋo, a jupukiŋdye boŋgo tereket, a nye si ’dakine i ku-rök.

Mika 1:16

’Bariŋdi ta kupir kasu anyen delya ŋwajik kasu lo nyanyara; ’bariŋdi ta kusik kasu a namelenyak gwoso ti logulusen, kogwon se aje kolokin ta ko aje joŋa i to ’dupien.

Mika 1:8

Kogwon ŋina kwe nan mo dedelya a gwine gwien parik, a nan mo rusuŋdye boŋgwat kaŋo a wöröni a limu kana; a nan mo woŋe gwoso gwagwe, a gwine gwoso tutwo.

Nyökit 14:1

Ta logon a ŋwajik ti MATAT Ŋun losu; ta ködyö ti ’du ’duŋujö ’börik, kode ’bariŋdu kupir kasu ti mer na kwe i kulya ti lo twatwa.