Ejikele 27:27 - Bibilia Buk na Ŋun nagon koti luŋu a

²⁷ A tukwörien inot, ko tito kunök, ko ŋo kunök na tutugwörö, ko kakitak kulök, ko ŋutu logon tuwöröju do ki ’bo, ko ŋutu kulök logon ’di ’dija piritön nagon a tutulujö konut i mara, ko ŋutu kulök katujarak, ko ŋutu kulök liŋ walan kamörök lo gwon konut lukata, se ko teŋon ti ŋutu kulök liŋ lo gwon konut lukata kulo iŋge ’dirön i kiden na tör duma na ’balaŋ i lor lo tukarari do lu.

Ejikele 27:27 Iomraidhean Croise

Tolupesi 11:4

Tukworien ’bak ’bulit i lor lo woran, ama loti lo rigwo Lwolwöggu ŋuto i twan.

Yeremia 25:22

ko moran liŋ ti Turo, ko moran liŋ ti Sidona, ko moran ti tikon i nu pele na tör;

Ejikele 26:1

A ko gwe sona i kiŋa topuök wot geleŋ i lor geleŋ lo yaŋa, a kulyaet lo MATAT poki köyö adi,

Ejikele 26:12

A kilo merok mo ripaddi tukwö-rien inot, a mo ryaŋgi po kulök lo tutugwörö, a mo duyömbi kak goroma kunök nagon a mariŋan kine, a mo duŋge kak kadijik kunök nakwekwelen, a se mo gubaddi i tör duma na ’balaŋ kata ŋurupö kulök ti köji se ko baulan, ma ’di tupesi ti liŋo na pituŋdyö kune.

Ejikele 26:14

A nan mo tiŋdi do i gwon a lele nagon gwon kana ’bak nene ŋo, a ŋutu mo loji ku ’yilan kase konut loki; a do mo gwe ti nyökö ’duko kwoŋ; kogwon nan MATAT aje jambu sona. Kilo a kulyaesi kwe ti MATAT ŊUN.

Ejikele 26:21

A nan mo tukaŋi do a ŋo sörit, a do mo gwe ’bayin asut, ma ’di ŋutu ködyö a ga ’yu do, ama a do mo köti tine rye kwöŋ. Kilo a kulyaesi kwe ti MATAT ŊUN.

Ejikele 27:12

Ŋutu lo po Tarasisa po konut ni i tujaŋu kogwon tukwörien inot duma na ŋo liŋ ka ’de ka ’de; kweja adi pödö, ko witiöt, ko bödili, se ko risasi, anyen togwouŋdya ŋo kunök na tutugwörö.

Ejikele 27:22

A katujarak ti Seba se ko ti Rama poŋdi konut ni i tujaŋu, a lepeŋat togwouŋdye ŋo kunök ko ŋo kase liŋ ka ’de ka ’de lo nyunyume lo mon ’bura kulo, ko ŋurupö liŋ nakwekwelen na gwörö go se ko dakap.

Ejikele 27:24

Kilo a ŋutu logon po konut i piritön tugwöriesi i tugwörökiŋdyö na do boŋgwat nakwekwelen parik, ko na ’bule, ko nagon a ripaki minyojin kata, ko boŋgwat nagon a ti gweyarijin ka ’de ka ’de nagon a ŋudula a iŋge tora ’bura ko patala.

Ejikele 27:26

Ŋutu kulök kakamak a kamara do i kiden na tör, a köbuŋöt lo wukuŋdyö i swöt lo ’yure iŋge ’be ’beleŋ do nyu i kiden na tör duma na ’balaŋ.

Ejikele 27:28

A nagon ŋutu logon tuwöröju do kulo lulujö nu, a tör köbuŋe köbuŋö a ya ’yi ya ’yu parik.

Ejikele 27:34

Nyena söŋinana yalajin ti tör aje ’beleŋ do i piritön nagululök ti tör; tito kunök na tutugwörö se ko kakitak kulök liŋ aje ’dirön ko do i pirit na geleŋ.

Ejikele 28:1

A kulyaet lo MATAT poki köyö adi,

Ejikele 28:8

A lepeŋat mo rudaddi do kak i dili nagon ’bak ’dutet, a do mo tatuani i kiden na tör duma na ’balaŋ.

Amosa 1:9

Nan MATAT lo kulya adi, Nan mo tine lopuk riŋet, kogwon Turo a koŋdya aka toron-jin jore; kogwon ŋutu kanyit a wukiŋdya ŋutu liŋ ti jur ko ŋutu ti Edom i konisi, a se tine yeye tomoret nagon se a torukökin anyen gwon a luŋa-sirik na.

Jakaria 9:3

Turo aje gwekiŋdya mugun mariŋ nago na titiyu, ko a susukökiŋdyö pödö jore gwoso ŋutut, se ko dakap jore gwoso wo ’do ’do ti kikolin.