Ejikele 27:23 - Bibilia Buk na Ŋun nagon koti luŋu a

²³ Ŋutu lo po Karan, ko lo po Kane, ko lo po Edene, ko katujarak lo po Seba, ko lo po Asur, se ko lo po Kilemada yu kulu po konut ni i tujaŋu.

Ejikele 27:23 Iomraidhean Croise

Suluet 10:10

A tumatyan nanyit suluje Babela, ko Erek, se ko Akada. Kine köjinö liŋ gwon i jur lo Sinar.

Suluet 10:22

a ŋwajik ti Seme gwe a ko Elam, ko Asur, ko Arepakesada, ko Luda, se ko Aram.

Suluet 10:28

ko Obala, ko Abimaele, ko Seba,

Suluet 12:4

Nyena a Abarama ŋine ŋien, gwoso nagon MATAT aje kulyari ko lepeŋ nu; a Loto koti moraddi ko lepeŋ. A Abarama gwe ko kiŋajin merya buryo wot mukanat na ŋiöddi nye kaŋo Karan nu.

Suluet 2:8

A MATAT Ŋun ’yuddi melesen i swöt lo ’yure Edene yu; a tiŋdi ŋuto logon nye a gwe lo nyu.

Suluet 25:3

A Yokesan yuŋuŋdye Seba ko Dedan. A ŋwajik ti Dedan gwe a ko Asurim, ko Letusim, se ko Leumim.

Suluet 32:22

A Yakobo ŋine ki i ŋilu tukwaje, a ’dumuŋdye wate kanyit murek kune, ko kölipönök kanyit nawate murek kune, se ko ŋwajik kanyit puök wot geleŋ kulo, a laŋaddi i pirit nanye ’de nagon a Yabok.

2 Moran 19:12

ŋunyen ti jurön köju a lwöggu lepeŋat le, jurön logon kobaba a tukar kulu logon a ko Gojan, ko Karan, ko Resep, ko ŋutu ti Edene logon si ’da Telasar?

Eyobo 1:15

a ŋutu ti Sabea ’dorone i ryaggu na se, a iŋge rereme kayukuk ti toro ’bo; a nan geleŋ lo rwösuŋdye i takiŋdya na do.

Saumajin 83:8

jur lo Asura köti a mora ko se i ŋirit na geleŋ; lepeŋat liŋ a ŋarakindya nyakwariat ti Loto.

Yisaya 10:9

Kaleno gona a ko tela gwoso Karkemisa le? Kamat gona a ko tela gwoso Arpada le? Samaria gona a ko tela gwoso Damaseke le?

Yisaya 37:12

Ŋunyen ti jurön köju a lwöŋgu lepeŋat le, jurön logon kobaba a tukar kulu, logon a ko Gojan, ko Karan, ko Resep, ko ŋutu ti Edene logon si ’da Telasar?

Yisaya 7:18

A mo gwe sona i ŋilu lor, a MATAT mo kukuwituŋdye kadoŋon lo gwon i pipiresi ti karyati Ejipeto, se ko siwa lo gwon i jur lo Asura.

Yisaya 7:20

A i ŋilu lor a MATAT mo ’barinyuŋdye kupir ti kwe ko ti mokosi ko leleŋet logon a ropaki i kilu swötön ti kare Perat, (kweja adi, logon a mor lo Asura), a nye mo tutuŋge kupir ti nyekem koti.

Ejikele 27:24

Kilo a ŋutu logon po konut i piritön tugwöriesi i tugwörökiŋdyö na do boŋgwat nakwekwelen parik, ko na ’bule, ko nagon a ripaki minyojin kata, ko boŋgwat nagon a ti gweyarijin ka ’de ka ’de nagon a ŋudula a iŋge tora ’bura ko patala.

Ejikele 32:22

Asura se ko yodom nanyit na ŋutu gwon nyu, lepeŋat liŋ a tatua a totoko ko baŋdujin, a lepeŋat nukani lolorga nye Asura.

Ejikele 38:13

A ŋutu ti Seba, ko ti Dedan, se ko katu-gwörök lo gwon Tarasisa kulo, ko katujarak kase liŋ mo pipije do adi, Do po i ryaggu le? Do aje momoruŋdya tepon kunök i yekaddu na ryakat, ko i ’dokoddu na pödö ko dakap, ko i meyaddu na toro ’bo, ko i yekaddu na tito, kweja adi ta po i ryaggu na po jore, ’bayin sona le?

Amosa 1:5

A nan mo ’be ’beleŋgi rigilesi ti kotumiton ti Damaseke, a mo tukaŋi ŋutu lo si ’da i pirit na ’dir na Awen kulo, se ko nye lo morga ture lo tumatyan i Bet-eden. A ŋutu ti Suria mo joŋani Kir a ’dupi. Kilo a kulyaesi kwe ti MATAT.

Amosa 6:2

Lwoŋoddi ta Kalene, ko meddi ta, a kirut nyu iti ta Kamat duma a kirut lulurara ta Gata na ŋutu ti Pelesete. Tumatyanjin kase ŋona ti lwöŋ tumatyanjin kasu le?

Kenet 24:22

ama kölumbö a ta ŋutu ti Keni mo totumöni totumö. Diŋit ŋoman nagoŋ ŋutu ti Asur baraŋdi ta a lo momoka?

Konesi 7:4

Nyena a nye kölökiŋdye jur lo ŋutu ti Kaledea a iti i si ’da Aran. A i mukök nagon monye aje twan nu, a Ŋun joŋdi Abarayama i lo jur logon ta soŋinana si ’da kata lo;