Ejikele 27:12 - Bibilia Buk na Ŋun nagon koti luŋu a

¹² Ŋutu lo po Tarasisa po konut ni i tujaŋu kogwon tukwörien inot duma na ŋo liŋ ka ’de ka ’de; kweja adi pödö, ko witiöt, ko bödili, se ko risasi, anyen togwouŋdya ŋo kunök na tutugwörö.

Ejikele 27:12 Iomraidhean Croise

Suluet 10:4

A ŋwajik ti Yawan gwe a ko Elisa, ko Tarasisa, ko Kitim, se ko Dodanim.

1 Moran 10:22

Kogwon mor gwon ko teŋ na ki ’bojin lo dööddu Tarasisa logon wörö i tör na ’balaŋ ko teŋ na ki ’bojin ti Kiram i pirit na geleŋ. A nu teŋ na ki ’bojin lo dööddu Tarasisa kilo yeŋon ’durökin nyu daŋ geleŋ i kiŋajin musala ’dukuŋdyö dakaŋ, ko pödö, ko kala ti tome, ko ’darulan, ko joman.

1 Moran 22:48

A Yosapata teteŋdi ki ’bojin lo dööddu Tarasisa anyen tu Opir i joŋdya na dakaŋ, ama a se gwe a ko tu, kogwon kilu ki ’bojin a be ’beleŋo Esion-geber yu.

2 Dekat 9:21

Kogwon ki ’bojin ti mor Solo­mona yeŋ woro Tarasisa mora ko koliponok ti Kuram. A ki ’bojin lo dööddu Tarasisa kilo yeŋon ’durökin nyu daŋ geleŋ i kiŋajin musala ’dukuŋdyo dakap, ko podo, ko kala ti tome, ko ’darulan, ko joman.

Saumajin 72:10

Ti moran ti Tarasisa ko ti tikö-nyö ti ’buŋge usur, ti moran ti Seba ko ti Saba ti wukindye ’dokesi!

Yisaya 2:16

ko i ki ’bojin liŋ ti Tarasisa, ko i go liŋ nagon meta tutulyöggu.

Yisaya 23:10

Ta ŋutu ti Tarasisa, muluje ta kak nasu gwoso na koŋdi Supiri na, nene teŋet gwe ’bayin köti.

Yisaya 23:14

Ta ŋutu ti ki ’bojin ti Tarasisa, luluje ta, kogwon köji nasu nago aje tukara.

Yisaya 23:6

Ta ŋutu lo si ’da i kijit na tör duma na ’balaŋ, laŋaddi ta Tarasisa, luluje ta!

Yisaya 60:9

’Diri jurön ti kijit na tör na ’balaŋ mömöŋdu nan, a ki ’bojin ti Tarasisa gwe a ti kokwe, i joŋdya na ŋwajik kulök pajo, se ko pödö ko dakap kase ko se i pirit na geleŋ, kogwon karin kwe ti MATAT Ŋun ilot, kogwon nan Loke lo Yisaraele, kogwon nan aje tokweleŋdu do.

Yeremia 10:9

Pödö na ninitö jwe Tarasisa yu, a dakap jweni Upaja yu. Kilo nyömuejin bodwat lo kita, se ko kanitök ti dakap, a se iŋge töjupu ko boŋgwat naŋem ko na ’bule, nagon bodwat lo teteŋdya kune.

Ejikele 27:11

A ŋutu ti Arewada se ko ŋutu kulök kamörök gwe i loki na goroma kunök nagon a mariŋan, a ŋutu ti Gamada gwe i bililyat kulök tiyisi; a lepeŋat leleji ’bukwö kase lolorga goroma kunök liŋ; kilo a se logon tokweleŋdu do bia parik lwölwöŋgu.

Ejikele 27:13

Ŋutu lo po Yawan, ko lo po Tubala, se ko lo po Meseke kulo po konut ni i tujaŋu joŋdya ŋutu se ko tito nagon a mölwö anyen togwouŋdya tito kunök.

Ejikele 27:16

Ŋutu lo po Edom po konut ni i tujaŋu kogwon tito kunök jore parik, a lepeŋat togwouŋdye ŋo kunök ko ŋurupö nakwekwelen na luŋu a antarak, ko boŋgwat na ’bule, ko boŋgwat nagon a ripaki minyojin, ko boŋgwat naparere, ko ŋurupö nakwekwelen na luŋu a muŋan, se ko ŋurupö na luŋu a aŋatiso.

Ejikele 27:18

Ŋutu ti Damaseke po konut ni i tujaŋu kogwon tito kunök jore pa rik, kogwon tukwörien inot duma na ŋo liŋ ka ’de ka ’de; kweja adi binyo na jwe Kelebon, ko kupir lokwe ti köbilu,

Ejikele 27:33

I diŋit nagon köju tito kunök ’duma kaŋo i ki ’bojin kata nu, kine tito a temakiŋdya i gweyajin jore ti ŋutu, a do iŋge tukwörieŋdu moran ti kak ko tukwörien inot duma se ko po kunök na tutugwörö kune.

Ejikele 28:16

A nagon tujar inot aje ŋdi nu, a do worani a karudanit loron, a do iŋge toroŋdya, nyena a nan iŋge gubara do kak i mere lio lo ŊUN gwoso ŋo nagon ’bak ’bulit, a keruba logon a katiyunit iŋge rikorö do kaŋo i kiden na ŋurupö lo kobbu gwoso kimaŋ kulo.

Ejikele 28:5

köti do aje tuŋdijö tukwörien inot, kogwon do a lokoŋ i tugwöŋu, a do iŋge wora a ka ’du ’dupanit konut i töili kogwon tukwörien inot.

Ejikele 38:13

A ŋutu ti Seba, ko ti Dedan, se ko katu-gwörök lo gwon Tarasisa kulo, ko katujarak kase liŋ mo pipije do adi, Do po i ryaggu le? Do aje momoruŋdya tepon kunök i yekaddu na ryakat, ko i ’dokoddu na pödö ko dakap, ko i meyaddu na toro ’bo, ko i yekaddu na tito, kweja adi ta po i ryaggu na po jore, ’bayin sona le?

Yona 1:3

Ama a Yona ŋine ki yopo wökön Tarasisa i lwöggu na mugun kogwon kulya ti MATAT. A nye lulurara kak tojo Yaŋo, a nye ryeji ki ’bo logon tu Tarasisa; a nye robbi ki ’bo, a kije lukata, a moraddi ko ŋutu lo gwon i ki ’bo kulo anyen tu tojo Tarasisa, i lwöggu na mugun kogwon kulya ti MATAT.

Kweyatti 18:12

Kilo tito a dakap, ko pödö, ko ŋurupö nakwekwelen na gwörö go, ko kunie ŋurupö nake nagon a margaritajin, ko boŋgwat naparere, ko kaririat na ’bule se ko boŋgwat nator, ko gweyajin liŋ ti kaden lo mon paleleŋ, ko tito na tetena ko kala ti tome, ko gweyajin liŋ ti tito ti kaden lo gworo go, ko ti mölwö, ko ti witi, ko ti ŋurupö nakwe namilyapak;