Ejikele 26:7 - Bibilia Buk na Ŋun nagon koti luŋu a

⁷ Nan MATAT ŊUN lo kulya adi, Mete, nan jajakin do nagon a Turo Nebu-kadaresar mor lo Babela, logon a mor lo moran. Lepeŋ mo po i swöt lo lobot ko kusanjin lo jiggo arabiajin, ko kamörök lo wörö ko kusanjin, se ko yodom duma lo kamörök.

Ejikele 26:7 Iomraidhean Croise

Ejira 7:12

Nan Aretasaseta, mor lo moran, a roman ko do koane Ejira, kawurönit lo saresi ti Ŋun lo ki,

Yisaya 10:8

kogwon nye a kulya adi, Dumalak kwe liŋ ti kamörök tigwon a moran le?

Yeremia 25:22

ko moran liŋ ti Turo, ko moran liŋ ti Sidona, ko moran ti tikon i nu pele na tör;

Yeremia 25:9

Babela köliŋönit lio, a nan mo joŋdi se i mörö ko lo jur se ko ŋutu lo si ’da kata kulo, ko i mörö ko kilo jurön liŋ lo didiŋö kulo; a nan mo tukaŋi se asut, a koŋdi se a torigwökit, ko a ’diuket, ko a lomit ŋupi.

Yeremia 4:13

Mete ta, katukaranit ’di ’dikun gwoso ’dikolo, a urabiajin kanyit woku gwoso libibiu, a kusanjin kanyit gwe a na wule kak Iwolwoŋ yukuŋ; Woidio yi, karan popo, yi aje likin!

Yeremia 4:7

Komiru a lupe kaŋo i rudu kata, iŋkoi, katukaranit lo juron aje lupe kaŋo kanyit i pirit anyen po i koŋu na jur losu; a nye koŋdi köjino kasu a murwoki ’bak ŋutu kata.

Yeremia 52:32

a mor lo Babela jambi ko lepeŋ ’bura, a tiŋdi si ’daet nanyit ki lwölwöŋ si ’daesi ti moran lo gwon ko lepeŋ Babela yu kulu.

Yeremia 6:23

Lepeŋat morga daŋin ko goro, lepeŋat a kaŋajin ’bak pitönö; woŋon nase woŋon gwoso tör narurumön; lepeŋat wöwöki ko kusanjin, a metani gwoso ŋutu logon a ’dakakin i mörö ko do köji Siona.

Ejikele 17:14

anyen ŋutu ti ŋina tumatyan ködyö gwon a lokoyokak, a tine ’bilikiŋdya ’börik ki i renya na lepeŋ, ama kulye kase tuŋ gwon i tiju na tomoret.

Ejikele 23:24

A se mo poŋdi konut ni ko kusanjin möriesi, ko arabiajin möriesi, ko arabiajin lo jijikö, se ko yodom na ŋutu ti jurön i mörö ko do, a lepeŋat mo tumbe do i swötön liŋ, lepeŋat morga ’bukwö dumalak ko na ’di ’dik ko a jupu terebukan logon a witiöt, a nan mo tiŋdi se kido ’duŋet na putet a se mo ’duŋökiŋdye do putet gwoso i ’duŋet nase.

Ejikele 26:3

Nyenagon nan MATAT ŊUN lo kulya adi, Do Turo, mete, nan a miriku ilot, nan mo totopikin do jurön jore i möro ko do, gwoso nagon tör duma na ’balaŋ topikiŋdye yalajin i ya ’yu ko riŋit konut i mara na.

Ejikele 28:7

nyena mete, nan mo jajakin do Lwaka i mörö ko do, kilo a ŋutu logon a kaŋajin mörö ’bak pitönö lwölwöŋ ŋutu ti jurön liŋ, a lepeŋat mo ’dutuŋdye baŋdujin kase i mörö ko koŋon inot nakwekwelen, a mo köŋi minyo ilot.

Daniele 2:37

Do pon mor, a mor lo moran, ŋun lo ki aje tiŋdu do tumatyan, ko riŋit, ko telet, ko minyo.

Daniele 2:47

A mor kulyani ko Daniele adi, ’Diri gwak ŋun ilot a Ŋun lo ŋunyen ko a duma lo moran, ko a kakweyanit lo Iwono, kogwon do a den kweja na Iwono.

Osea 8:10

Iŋkoi, ma ’di se a gwöruŋdyö lepeŋat i kiden na jurön, soŋinana nan de momoruŋdya lepeŋat i ŋirit na geleŋ i riŋa; i diŋit a na ’dit a se mo kölökiŋdye welakiŋdya ŋutu i gwon a moran kode a ŋutu temejik.