Ejikele 26:3 - Bibilia Buk na Ŋun nagon koti luŋu a

³ Nyenagon nan MATAT ŊUN lo kulya adi, Do Turo, mete, nan a miriku ilot, nan mo totopikin do jurön jore i möro ko do, gwoso nagon tör duma na ’balaŋ topikiŋdye yalajin i ya ’yu ko riŋit konut i mara na.

Ejikele 26:3 Iomraidhean Croise

Saumajin 107:25

Kogwon nye sasaŋu a toŋiundye köbuŋöt wome, logon toŋiju yalajin ti tör na ’balaŋ.

Yisaya 5:30

A se mo rumöne rumön ko go na mok se i ŋilo lor nu, gwoso rumön na tör duma na ’balaŋ, a ko lele ŋuto a metaddu tojo i kak, mete, a gwe a mudwe ko a delya; a parara aje tomudwe ko ’dikolo kanyit.

Yeremia 21:13

Nan MATAT lo kulya adi, Do naŋon si ’da i pirit na ’dir, iŋkoi, do lurutat logon gwon i pirit naŋon a ’dar, mete, nan a miriku ilot.Do kulya adi, Ŋa logon mo po kak ni i mörö koyi? Adi, Ŋa logon mo lulupe i pirit naŋon yi si ’da kata na?

Yeremia 25:22

ko moran liŋ ti Turo, ko moran liŋ ti Sidona, ko moran ti tikon i nu pele na tör;

Yeremia 50:31

Nan MATAT Ŋun lo kurumi lo kulya adi, Do ka ’du ’duŋanit, mete, nan a miriku ilot, kogwon lor ilot logon nan mo riŋge do lo aje po.

Yeremia 50:42

Lepeŋat morga daŋin ko goro; lepeŋat a kaŋajin ’bak pitönö. Woŋon nase woŋon gwoso tör narurumön; lepeŋat wöwöki ko kusanjin, a metani gwoso ŋutu logon a ’dakakin i mörö ko do köji Babela!

Yeremia 51:42

Tör aje baranyakiŋdya Babela, yalajin kanyit lo rurumön aje mulu lepeŋ.

Yeremia 6:23

Lepeŋat morga daŋin ko goro, lepeŋat a kaŋajin ’bak pitönö; woŋon nase woŋon gwoso tör narurumön; lepeŋat wöwöki ko kusanjin, a metani gwoso ŋutu logon a ’dakakin i mörö ko do köji Siona.

Ejikele 21:3

Taki jur lo Yisaraele adi, MATAT lo kulya adi, Mete, nan a miriku ilot, a nan mo ’dutuŋdye baŋdu lio kaŋo i soko ’bo, a nan mo ’dupöddi kaŋo konut ŋutu liŋ lo ’but ko lorok.

Ejikele 26:19

Kogwon nan MATAT ŊUN lo kulya adi, I diŋit nagon nan mo koŋdi do a köji nagon a ruba, gwoso köjinö nagon ti si ’darikin, i diŋit nagon nan toŋiuŋdye pioŋ i togulu na tör i muluja na do nu,

Ejikele 27:26

Ŋutu kulök kakamak a kamara do i kiden na tör, a köbuŋöt lo wukuŋdyö i swöt lo ’yure iŋge ’be ’beleŋ do nyu i kiden na tör duma na ’balaŋ.

Ejikele 28:22

Tambi ko lepeŋ adi, MATAT ŊUN lo kulya adi, Do Sidona, mete, nan a miriku ilot, a nan mo kweji minyo lio konut kiden. A ŋutu mo deŋdi adi nan logon a MATAT i diŋit nagon nan mo ’duŋökiŋdye Sidona putesi, a mo kweji kelan nio kanyit kiden nu.

Ejikele 29:10

Nyenagon mete, nan a miriku ilot do se ko kinasi kulök ti Supiri, a nan mo koŋdi jur lo Ejipeto a ruba ko a murwö, suluja Migedola tojo ko Sewene, köti tojo ko lokökorit lo Etiopia.

Ejikele 38:3

Kulyani adi, MATAT ŊUN lo kulya adi, Mete, do Goga kasaranit lo Rosi, ko lo Meseke, ko lo Tubala, nan a miriku ilot.

Ejikele 5:8

nyenagon nan MATAT ŊUN lo kulya sona adi, Mete, nan, iŋkoi nan lepeŋ a miriku losu; nan mo ’du ’duŋökin ta putesi i kiden na köji nasu a ŋutu ti jurön memeddya.

Mika 4:11

I na diŋit juron jore aje momora i mörö ko do, kulya adi, Ti lepeŋ koröni körö, ti konyen kaŋ diŋe do Siona ko lyöŋön i körö inot.

Naum 2:12

A komiru iŋge ginyuŋdya lokore nagon temakiŋdya torela kanyit, a ’beleŋgi murut na kijaku a na wate kanyit; a lepeŋ töjoreji kuggiot ko ŋo na ryakun Lepeŋ kune, dilyo kanyit a jore ko kijakwa na ko lepeŋ kune.

Naum 3:5

Nan MATAT lo kurumi lo kulya adi, Nan a miriku ilot, a nan mo banyaddi boŋgo inot na mukok ki tojo konut i kwe, a mo kwekiŋdye juron se ko tumatyan mugun inot a limu kana nagon tiŋdu ŋutu yu na kwe na.

Jakaria 14:2

A MATAT mo moinoruŋdye jurön liŋ i mörö ko.Yerusalema, a köji mo mokani moka, a kadijik ryakani ryaka, a wate kase lupöni lupö; a swöt lo köji mo jopani a ’dupi, ama a pitönö kulo mo tine ’dupoji kapo i nu köji.

Jakaria 9:4

Mete, a MATAT mo tolomeriaŋdi lepeŋ, a mo gubaddi riŋit nanyit i tor, a nye mo totumöni totumö ko kimaŋ.

Luka 21:25

A kweyesi mo gwe i kolor, ko i yapa, ko i kaser, a i kak ni a jurön liŋ mo durwene durwe, a dyadyaŋgi dyadyaŋgu i kulya ti woŋon na tor se ko na yalajin;