Ejikele 26:20 - Bibilia Buk na Ŋun nagon koti luŋu a

²⁰ a kirut nan mo rudaddi do kak i pirit na geleŋ ko ŋutu logon a tu kak i dili nagon ’bak ’dutet kulo tojo i ŋutu lo twatwa i diŋitan ti köju kunu. A nan mo tiŋdi do i si ’da i pirit na gwon i lukak na kak i pirit nagon ’beron a ko si ’darikin, mora ko ŋutu logon a tu kak i dili nagon ’bak ’dutet kulu. Nyena a do mo köti tine si ’darikin asut, a do mo gwe ’bak pirit i jur lo ŋutu lo gwon jörun. gwe ’bak pirit i jur lo ŋutu lo gwon jörun.

Ejikele 26:20 Iomraidhean Croise

Saumajin 27:13

Nan a den ’bura adi nan mo memet ’busan na MATAT i jur lo ŋutu lo gwon jörun.

Saumajin 28:1

Pon MATAT, nan luluŋgu do; do lurutat lio, ko ’dija swö kulök ko nan, kogwon ko do a yiŋa taliŋ ko nan, a nan ködyö worani gwoso se logon a tu kak i gulömö.

Yisaya 14:10

A se liŋ mo jambi jambu a kulyani ko do adi, Do köti a po a lomunyan gwoso yi! Do a wora gwoso yi!

Yisaya 14:9

Pirit na mulökö nu kak a tubö bönö i rum ko do napoŋdi do nu, nye totopuruŋdyö lo twatwa i roman ko do, iŋkoi a topunu-ŋdyö ŋutu liŋ ti kak lögori köju a temejik, a nye topikiŋdye kase i si ’daesi se liŋ logon köju a kimak ti jurön.

Yisaya 4:5

A MATAT mo gwekiŋdye luru lo pupuriörö temba i tuparan, ko tomilyaŋ na kimaŋ na yuyulöŋtu temba i tukwaje, i loki na piritön si ’daesi liŋ ti mere Siona, ko i loki na piritön kanyit momoresi; a bulet nanyit mo muŋge go liŋ gwoso morogo.

Yisaya 59:10

yi wawayaddu i gorom gwoso ŋutu mo ’dokeno, a yi wawaji gwoso ŋutu logon ’bak konyen; yi kököpukö mokosi i tuparan kiden gwoso i somukö, a yi gwe gwoso ŋutu lo twatwa i kiden lia ŋutu ti riŋit,

Yeremia 33:9

A na köji mo gwe köyö a karin na lyölyöpörikin, ko a pupuresi, ko a minyo i komor na ŋutu liŋ ti jurön ti kak, logon mo yiŋga po liŋ na ’but nagon nan konakin lepeŋat kune; a se mo kujönöni kujonö, a böböŋdi böböŋdu kogwon po liŋ na ’but se ko gwolor na ’but nagon nan titin ŋutu ti na köji kune.

Delyasi 3:6

Lepeŋ a tikin nan si ’da i mudwe gwoso ŋutu logon köju a ’beron twatwa.

Ejikele 31:14

Nyena a kaden liŋ lo gwon nyona ko kare kulo mo köti tine ’duröddu ki a lojo parik, kode kusik kase tulöddu kaŋo i kiden na kaden ti rudu. Iŋkoi, a kaden logon möju pioŋ jore kulo mo tine ’duröddu ki a lojo gwoso se; kogwon lepeŋat liŋ aje paki i tatua anyen tu i pirit na gwon i lukak na kak, i kiden na ŋutu logon a liŋo kana, kweja adi kilo a ŋutu logon tu kak i dili nagon ’bak ’dutet.

Ejikele 39:7

A nan mo tiŋdi ŋutu kwe Yisaraele i deŋdya na karin kwe nake na rurwan, a nan mo tine kölökiŋdyö karin kwe nake na rurwan i körö köti kwöŋ, a jurön mo deŋdi adi nan logon a MATAT ŋilo Loke lo Yisaraele.

Amosa 9:2

Ma ’di nagon Lepeŋat a ’bokaddu ’börik kak i pirit na mulökö, nan mo ’du ’dumun lepeŋat nyu ko könin liŋ; ma ’di nagon Lepeŋat a kiyaddu ki i ’diko, a nan mo joŋdi lepeŋat kak nyu.

Yona 2:2

Nan a luŋgu do MATAT i gwon nio i nagusu, a do iŋge nyoŋ nan; nan a gwiun kaŋo i pele na sumuti i pirit na muloko kak yu, a do iŋge yiŋ gworo lio.

Yona 2:6

i pipilesi ti merya. Nan a tu kak i jur logon tokowesi kanyit kinuru nan asut lu; ama a do nyokuŋdye nan ki jorun i nu dili pon MATAT ŋun lio.

Jakaria 2:8

A MATAT lo kurumi kulyani sona i diŋit nagon nye soŋdi nan i koŋdya na kita na kukwon i kulu gweyarijin ti ŋutu logon a ryaggu ta kulu, kogwon nye logon a ’bo ’yu ta lo aje ’bo ’yu kiden na kone lonyit lo MATAT,

Kenet 16:30

Ama ko MATAT a gweja nene ŋo ludukötyo, a kak ŋaji kutuk nanyit a wi ’ye se ko ŋo kase liŋ adi mot, a se iti kak jörun tojo i pirit na mulökö, a ta mo dene den adi kilo ŋutu a lauŋdya MATAT.

Kenet 16:33

A se liŋ ko ŋo kase liŋ iti kak jörun tojo i pirit na mulökö; a nu pirit iŋge kinuru se kak, a se twatwane twatwa i kiden na pepenet na ŋutu.

Matayo 11:23

Ama do Kaperanauma, do yeyeju adi do ŋona mo totodumala tojo i ’diko le? ’Bayin, ama do mo jojoŋa kak tojo i pirit na mulökö. Kogwon ko kodyö kitajin sörösi nagon a kona konut kiden kune köju ködyö a kona Sodoma, a ŋinu köji ködyö yeŋe yeŋon tojo ko lo lor.

Luka 10:15

Ama do Kaperanauma, do yeyeju adi do ŋona mo totodumala tojo i ’diko le? ’Bayin, ama do mo jojoŋa kak i pirit na mulökö.

2 Petero 2:5

A nye gwe a ko kolokin kak koju ’beron nu, na joŋdi nye bar i kak na ŋutu logon ti twoju Ŋun kilo, ama a nye lwöggi Noa katokuonit lo loti lo rigwo se ko kulye ŋutu buryo.