Ejikele 26:18 - Bibilia Buk na Ŋun nagon koti luŋu a

¹⁸ Soŋinana jurön lo gwon i tör duma na ’balaŋ nyona kulo böböŋdu ko lor lo ’doro ’yi do lu, iŋkoi, tikönyö kukujönö ko tu ’ba-kala inot.

Ejikele 26:18 Iomraidhean Croise

Yisaya 41:5

A jurön lo gwon i tör kulo ajemet a iŋge kujonö, a ’dutesi ti kak böböŋdi böböŋdu; a se miju nyona a poŋdi po.

Yeremia 49:21

A kak mo do doŋgi dodoŋga i woŋon na ’doro nase; a gwien nase mo yiŋajine tojo i Tör Nator.

Yeremia 50:46

A kak mo do doŋgi dodoŋga i woŋon na moka na Babela, a gwien nanyit mo yiŋajine i kiden na jurön.

Ejikele 26:15

Nan MATAT ŊUN lo kulya ko do Turo adi, Ŋutu ti jurön lo gwon i tör duma na ’balaŋ nyona kulo mo böböŋdu i woŋon na ’doro inot adi yurum, i diŋit na ’duari ŋutu lo böböŋöji se ko i tatua konut kiden nu!

Ejikele 27:35

A ŋutu liŋ logon si ’da i jurön lo gwon i tikönyö kulo iŋge lwö ’yu kase i töilyet ko do; a moran kase iŋge kujönö parik, a komorsikan kase gwe a nagusu-lak.

Ejikele 31:15

Nan MATAT Ŋun lo kulya adi, I diŋit na tiri lepeŋ kak i pirit na mulökö nu, a nan mo muŋge lepeŋ ko pioŋ ti tör nagon a nagulu, a mo tiŋdi se i delya na lepeŋ, a mo teŋgi pioŋ ti luruki, iŋkoi, a kine pioŋ najore mo wereyone wereyo. A nan mo tiŋdi Libanon i delya na lepeŋ, a kaden liŋ ti mu ’diŋ mo nopara nopara kogwon kulya kanyit.