Ejikele 26:16 - Bibilia Buk na Ŋun nagon koti luŋu a

¹⁶ A kirut moran liŋ ti kilo jurön lo gwon i tör duma na ’balaŋ nyona kulo mo kiuŋdye kak i si ’daesi kase ti tumatyanjin, a mo rusuŋdye kaŋo boŋgwat kase najo nagon a muisi se ko boŋgwat kase na ripaki minyojin kata kune; a böböŋdu mo muluje lepeŋat gwoso boŋgwat; a se mo si ’dani i kujöŋ a mo böböŋdi böböŋdu diŋitan liŋ, a mo söŋi söŋu ko do ko kujönö.

Ejikele 26:16 Iomraidhean Croise

Eyobo 8:22

A kamanak kulok mo gwe ko yu na kusik a duma parik, a midijik ti ŋutu lorok mo liki likin asut.

Saumajin 109:18

Nye a tojubbu mugun ko lömbu gwoso boŋgo nanyit, nyena ti ŋina lömbu luŋöni kanyit i mugun gwoso pioŋ, ko kanyit i kuyu gwoso welet.

Saumajin 109:29

Ti merok kwe lawene lawe parik; ko ti yu na kwe muŋge lepeŋat gwoso boŋgo!

Saumajin 132:18

Nan mo tojubbu merok kanyit ko yu na kwe, ama nan sukindyö Iŋguya kanyit i kwe logon mimilyaŋgu.

Saumajin 35:26

Ti ŋutu lo kwekweni i delya nio kilo telani tela a dyadya ’yi dyadya ’yu; ko ti ŋutu logon bu ’ya ’börik ko nan kilo wuji yu na kwe ko lawe.

Yuörö 15:15

A kimak ti Edom söŋi soŋu; a ŋutu temejik ti Moaba iŋge moka ko kujönö a böŋdi böŋdu; a töilyet ti Ŋutu liŋ lo si ’da Kanana kulo iŋge doddya ko kujönö.

Yisaya 3:26

A köturnitöp ti köji na Siona mo wanyani wanya ko dedelya; a nu köji mo gwe gwoso ŋuto nagon a su ’duki kak.

Yisaya 41:5

A jurön lo gwon i tör kulo ajemet a iŋge kujonö, a ’dutesi ti kak böböŋdi böböŋdu; a se miju nyona a poŋdi po.

Yisaya 47:1

Do Babela, poŋdi kak, si ’dakine i ŋutut gwoso ŋuro ’diet, iŋkoi, do Kaledea, si ’dakine kak gwoso ŋuro nanakwan, ’bak si ’daet na tomoran, kogwon do mo ti luŋu köti a namunyan ko a naliliŋ i mugun.

Yisaya 52:2

Yerusalema na rereka na, nanaji mugun i ŋutut, ŋine ki; iŋkoi, do Siona na rereka na, lakaddi rerekesi ti murut inot.

Yeremia 48:39

Lepeŋ aje gwalaka ’diri. Lepeŋat lulujö, ŋutu ti Moaba aje löpukökiŋdyö ki ’dirinö kase i wökön ko yu na kusik. Nyena a ŋutu liŋ ti jurön lo diŋö ko Moaba kulo ’dö ’döji lepeŋ a iŋge söŋu ko lepeŋ.

Delyasi 2:10

ŋutu temejik ti köji na Siona si ’da i kujoŋ adi lii, a iŋge raddu ŋutut kase i kusik a Jupu boŋgwat terekesi; a kö ’disi ti Yerusalema du ’ye kusik kase i kujoŋ.

Ejikele 16:10

A nan koti iŋge tojup do ko boŋgo nagon a ripaki tokwelenyesi, a tojubbi do ko kamuka lo ’but logon a tetena ko gobero, a doggi do ko kamba nagon a tetena ko boŋgo na waratat naparere nagon gworo go, a tojubbi do ko top nagon a kariri.

Ejikele 26:21

A nan mo tukaŋi do a ŋo sörit, a do mo gwe ’bayin asut, ma ’di ŋutu ködyö a ga ’yu do, ama a do mo köti tine rye kwöŋ. Kilo a kulyaesi kwe ti MATAT ŊUN.

Ejikele 28:17

Töili ilot a ka ’du ’duŋanit kogwon kwelen inot, a do iŋge kör koŋon inot kogwon kulya ti minyo ilot. Nan aje gubakin do i kujöŋ; nan aje kölökin do nyu a ŋo nagon moran memet.

Ejikele 31:15

Nan MATAT Ŋun lo kulya adi, I diŋit na tiri lepeŋ kak i pirit na mulökö nu, a nan mo muŋge lepeŋ ko pioŋ ti tör nagon a nagulu, a mo tiŋdi se i delya na lepeŋ, a mo teŋgi pioŋ ti luruki, iŋkoi, a kine pioŋ najore mo wereyone wereyo. A nan mo tiŋdi Libanon i delya na lepeŋ, a kaden liŋ ti mu ’diŋ mo nopara nopara kogwon kulya kanyit.

Ejikele 32:10

A nan mo tiŋdi gweyajin jore ti ŋutu i lwö ’yu kase i toilyet ko do, a moran kase mo kujönöni kujonö kogwon do i diŋit nagon nan ’di ’diŋge baŋdu lio kase i komor nu; iŋkoi, a lepeŋat mo kikirani kikira diŋitan liŋ, a i lor lo ’doro ’yi do lu a ŋutu liŋ kujono ni kujö-ŋo, ŋuto geleŋ kujöno ru nanyit an tukara.

Ejikele 7:27

Mor molu dedelya, a ŋuto lo kukwön mo jorene ko kujönö a duma, a könisi ti ŋutu ti jur mo böŋdi böŋdu kogwon kujönö. A nan mo konakiŋdye lepeŋat gwoso nagon jujukin i konesi kase na, a nan mo ’duŋökiŋdye lepeŋat putesi gwoso na ’duŋge se putesi na; a se mo dene den adi nan logon a MATAT.

Ejikele 7:8

Nyena, ’de ’de kijek nan mo ’bu ’bukökin woran nio kasu loki, a nan pomani ko ta asut, a ’duŋökiŋdye ta putesi gwoso i konesi kasu, a nan mo ropakiŋdye ta gwoso i konesi kasu na mamana kine.

Daniele 5:6

A kirut komor na mor iŋge löpuggö ka ’de, a yeyeesi kanyit iŋge todelyaju lepeŋ, a mokosi kanyit böŋdi böŋdu, a kuŋwat kanyit togwute togwut.

Osea 11:10

ŋwajik kwe mo kekeporo nan MATAT, a nan mo rumöne gwoso kömiru, iŋkoi, nan mo gwagwaralaju, a lepeŋat mo ŋoŋdi i swöt lo tokotyao böböpuŋdyö;

Yona 3:6

A lore iŋge ’dur ko mor lo Ninewe yu, a nye pine ki kanyit i si ’daet, a rösöddi boŋgo nanyit kaŋo, a jupukiŋdye boŋgo tereket, a nye si ’dakine i ku-rök.

Kagai 2:22

ko i sopuggo na si ’daesi ti tumatya-njin; nan gwe nyona ko tukaŋu na riŋiton ti tumatyanjin ti gweyajin ti ŋutu, ko i sopuggo na arabiajin lo jijiko se ko ŋutu lo joŋga se kulo; a kusanjin se ko kajoŋak kase mo ’do ’done kak a twatwa, luŋasirik kase lo tatuja ko baŋdujin.

1 Petero 5:5

Köti ta teton kodyö twötwö temejik kasu. Ta liŋ ködyö jupukiŋdya tokoyok gwoso boŋgo anyen tokitakin ko ’börik; kogwon a wurö adi, Ŋun rerenya ŋutu kabulak ti kusik ama kwekiŋdya ’busan i ŋutu lokoyokak.

Kweyatti 18:9

A moran ti kak lo toluŋ ko lepeŋ lo si ’da ’bura a monyota abur kulo, mo luluje lulujö jojokoja kidoni i kulya ti lepeŋ na meddi se köpuröt lo kimao nagon ’yurarikin lepeŋ nu i gwululuöddu ki.