Ejikele 26:12 - Bibilia Buk na Ŋun nagon koti luŋu a

¹² A kilo merok mo ripaddi tukwö-rien inot, a mo ryaŋgi po kulök lo tutugwörö, a mo duyömbi kak goroma kunök nagon a mariŋan kine, a mo duŋge kak kadijik kunök nakwekwelen, a se mo gubaddi i tör duma na ’balaŋ kata ŋurupö kulök ti köji se ko baulan, ma ’di tupesi ti liŋo na pituŋdyö kune.

Ejikele 26:12 Iomraidhean Croise

2 Dekat 32:27

A Kijikia gwe ko tukworien a duma ko bubula; a lepeŋ iŋge tetena­kiŋdya mugun piriton ’delesi ti podo, ko ti dakap, ko ti ŋurupö lokwekwelen lo gworo go, ko ti welesi na momon ’bura, ko ti ’bukwo, se ko ti gweyarijin liŋ ti tito ka ’de ka ’de na gworo go.

2 Dekat 36:10

A nye koŋdi ŋo nagon a naron ko MATAT i metet. A gwe sona i suluet na kiŋa, a mor Nebukadanesar soŋdi ŋutu i joŋdya na lepeŋ Babela ni, se ko tito nakwekwelen ti kadi na MATAT, a tiŋdi Sedekia luŋaser Yeyoyakin a mor lo Yuda ko lo Yerusalema.

Yisaya 23:11

MATAT a riöddu könin lonyit i tör duma na ’balaŋ loki, a nye böböŋdi tumatyanjin; nye a tiŋdu saret i kulya ti Kanana anyen tukaŋu piritön kanyit nago.

Yisaya 23:8

Ŋa ŋona lo yiyikiŋdyö kine kulya narok i Turo? Turo a köji nagon a gömö ko gorom nagon a mariŋ tiyit nago, ŋutu kanyit katugwörök a kimak, a ŋutu kanyit kadöök gwe a ŋutu lo bubula ti kak.

Yisaya 32:12

Jojoggi ta kidoni kasu kogwon meleseno nakwekwelen, kogwon kaden ti binyo lo raradan igokökörö,

Yeremia 25:34

Ta kayukuk, luluje ta lulujö, ko gwine ta gwien, ta komonye köbilu, gwugwuluŋge ta ’börik i kurök ti kimaŋ, kogwon perok logon tatuarikin ta ko logon toreki ’e ta kulo aje ’dur, a ta mo ’do ’done kak gwoso köbilu lopijoki lokwekwelen.

Yeremia 52:14

a kamörök liŋ ti Kaledea logon gwon ko lu duma lo katiyuk kulu, duyömbi goroma liŋ nagon lolorga Yerusalema kune.

Ejikele 26:5

a do mo gwe a pipi i kiden na tör duma na ’balaŋ, a ŋutu mo loji ku ’yilan kase konut loki; kogwon nan aje jambu sona, ŋilo a nan MATAT ŊUN lo kulya. A do mo worani a po ryakat ti jurön,

Ejikele 28:8

A lepeŋat mo rudaddi do kak i dili nagon ’bak ’dutet, a do mo tatuani i kiden na tör duma na ’balaŋ.

Daniele 11:8

A lepeŋ koti mo yekaddi ŋunyen kase, ko nyömuejin na ninito, se ko tito kase nakwekwelen nagon a podo, ko a dakap tojo Ejipeto; a nye mo kolokiŋdye mor lo lobot i gwon taliŋ ko kulye kiŋajin.

Osea 13:15

Ma ’di nye kodyo a radan ko luŋasirik kiden, ama kobuŋot lo ’yure mo popo, köbuŋöt lo MATAT ŋiun i yobu logon toliligga kidia kanyit, a towere ’yi piritön kanyit nagon lelek a pioŋ. A nye mo ’dumaddi tukworien na go kanyit liŋ na gworö go.

Amosa 5:11

Nyenagon kogwon ta a ryoka-kiŋdya lomerika kak, a ri ’dikiŋdye lepeŋat i ’buggö na usur lo ’bolot.ma ’di kodyo ta a ’duggö kadijik ko ŋurupö lo tuturu, ama a ta mo tine si ’da kata; ma ’di kodyo ta aje ’yuddu lukobiot ti kaden lo ’but ti binyo, ama a ta mo tine möju binyo kase.

Naum 2:9

Ryake ta podo, ryake ta dakap! ’Dutet na ŋo na ’dela ’bayin kode tukworien na po liŋ na gwörö go.

Jakaria 7:14

a nan torekiŋdye se ko libibiu i kiden na juron liŋ logon se a ko nyuŋ den kulu. Nyena a lo jur logon se a kolokin lo gwe a murwo, a ŋuto gwe ’bayin lo woro kata abur, kogwon ŋilo jur lo ’but aje kona a murwo.