Ejikele 26:10 - Bibilia Buk na Ŋun nagon koti luŋu a

¹⁰ A nye mo muŋge do ko ŋutut na topiun ŋutu lo wörö ko kusanjin aliŋan na, a goroma kunök mo böböŋdi böböŋdu i wopon na arabiajin lo jikö ko kusanjin se ko na kajopak kase, i diŋit na lupöri se konut i kötu-mitön gwoso na lupöddi ŋutu i köji nagon goroma kanyit a tutulujö nu.

Ejikele 26:10 Iomraidhean Croise

Yeremia 39:3

A nagon Yerusa­lema aje moka nu, a temejik liŋ ti miri na mor lo Babela iŋge po a si ’dani i kotumit na gwon kiden nagon lupe ’i mariŋ na. Kilo ŋutu a ko Nergalasareser, ko Samegar-nebo, ko Sarsekim logon a Rabasarisa, ko Nergala-sareser logon a Rabamaga, se ko kulye temejik liŋ ti kamorok ti mor lo Babela.

Yeremia 4:13

Mete ta, katukaranit ’di ’dikun gwoso ’dikolo, a urabiajin kanyit woku gwoso libibiu, a kusanjin kanyit gwe a na wule kak Iwolwoŋ yukuŋ; Woidio yi, karan popo, yi aje likin!

Yeremia 47:3

A könisi ti komonye gwe a lokolokak, a se tine boŋga bot i dogga na ŋwajik kase, na yiŋge se wopon na mokosi ti kusanjin mönikön ti merok kase, na tuŋe se kak nu, ko woŋon na arabiajin kase lo jijikö, se ko woŋon na mokosi kase adi kwarak kwarak,

Ejikele 23:24

A se mo poŋdi konut ni ko kusanjin möriesi, ko arabiajin möriesi, ko arabiajin lo jijikö, se ko yodom na ŋutu ti jurön i mörö ko do, a lepeŋat mo tumbe do i swötön liŋ, lepeŋat morga ’bukwö dumalak ko na ’di ’dik ko a jupu terebukan logon a witiöt, a nan mo tiŋdi se kido ’duŋet na putet a se mo ’duŋökiŋdye do putet gwoso i ’duŋet nase.

Ejikele 26:15

Nan MATAT ŊUN lo kulya ko do Turo adi, Ŋutu ti jurön lo gwon i tör duma na ’balaŋ nyona kulo mo böböŋdu i woŋon na ’doro inot adi yurum, i diŋit na ’duari ŋutu lo böböŋöji se ko i tatua konut kiden nu!

Ejikele 26:7

Nan MATAT ŊUN lo kulya adi, Mete, nan jajakin do nagon a Turo Nebu-kadaresar mor lo Babela, logon a mor lo moran. Lepeŋ mo po i swöt lo lobot ko kusanjin lo jiggo arabiajin, ko kamörök lo wörö ko kusanjin, se ko yodom duma lo kamörök.

Ejikele 26:9

A nye mo tiŋdi ŋutu kanyit i jogga na goroma kunök nagon a maripan ko tito jokesi lobot anyen duka-kiŋdya se kak, a ŋutu kanyit logon ko tuluö mo tukukiŋdye bililyat kulök kak.

Ejikele 27:28

A nagon ŋutu logon tuwöröju do kulo lulujö nu, a tör köbuŋe köbuŋö a ya ’yi ya ’yu parik.

Yosua 6:20

Nyena a ŋutu kulo sirani sira, a toriot kutani kuta; a ko gwe sona na yiŋge ŋutu toriot nu, a ŋutu sirajine ki parik, a mariŋ ’dorone kak kanyit i pirit, nyena a ŋutu laŋaddi i lukata na köji, ŋutu liŋ geleŋ geleŋ ŋadi juŋ a komor nanyit, a se morgi nu köji.

Yosua 6:5

A mo gwe sona na kuddye se kutet najo ko oŋgwora ti lopijoki, a na yiŋge ta woŋon na toriot nu, a ŋutu liŋ sirajine ki parik; a mariŋ na ŋina köji mo ’dorone kak kanyit i pirit, a ŋutu liŋ mo laŋaddi lukataŋadi juŋ a komor nanyit.