Ejikele 25:6 - Bibilia Buk na Ŋun nagon koti luŋu a

⁶ Nyena nan MATAT ŊUN aje jambu adi, Kogwon ta aje naŋgu könisi kasu, a lame lam, a lyöŋi lyöŋön ko ’dö ’döju kasu i töilyet i maŋdu na jur lo Yisaraele,

Ejikele 25:6 Iomraidhean Croise

Eyobo 27:23

a köbuŋöt gwe gwoso ŋuto lo naŋgu könisi i ’dö ’döju na lepeŋ, a ’diuŋge lepeŋ i piritön liŋ na wöggiri nye kunu.

Eyobo 34:37

Kogwon nye a ’yalakiŋdya rerenya i toron nanyit; a lepeŋ iŋge naŋgu könisi kanyit ko ŋoma kayaŋ kiden, a iŋge jambu kulyaesi jore i lauŋdya na Ŋun.

Tolupesi 24:17

An do ko lyöŋön ko miriku ilot a ’doro, ko ti töili ilot gwe ti nyola na köpuköri nye nu;

Yeremia 48:27

Do ŋona a ko kweni ’e Yisaraele le? Do ŋona a ryö lepeŋ i kiden na kolak? Ŋina ŋona a kwe nagon do dodoŋga kwe inot i diŋitan liŋ na jambi do i kulya kanyit na?

Delyasi 1:7

I kilu perok na gwoŋdi Yerusalema i delya ko i wörö abur nu, a lepeŋ iŋge yeyeju ŋo kanyit liŋ nakwekwelen ti diŋitan ti köju kunu. A nagon ŋutu kanyit aje moka ko merok nu, a lele ŋuto gwe ’bayin lo parakin-dya lepeŋ, a kaŋisak ko meddi lepeŋ i ’doro a kweni ’e kweni ’e lepeŋ.

Delyasi 2:15

ŋutu liŋ lo lwopoddu i kiko kulo naŋanaju konisi kase ko do, a se ’diuŋge ’diugga dodoŋga kusik kase, kogwon kulya ti köji na Yerusalema, a se pije ’borik adi, ’Diri ŋina a köji nagon koju luŋu a nake nakwekwelen ko a lyöŋit na nutu liŋ ti kak na le?

Ejikele 25:15

Nan MATAT ŊUN lo kulya adi, Kogwon ŋutu ti Pelesete aje ropakiŋdya toronjin ko aje robba ko töilyet lorok se ko tomirikulan nagon ti ’duddyö,

Ejikele 25:3

Tambi ko ŋutu ti Amon adi, Yiŋge ta kulyaesi ti MATAT ŊUN. MATAT ŊUN lo kulya adi, Kogwon ta aje ’dö ’döju na meddi ta pirit nio nake na rurwan i körö nu, a ta iŋge ’dö ’döju jur lo Yisaraele i diŋit nagon nye aje kona a murwö nu, a ta iŋge ’dö ’döju kötumit na Yuda i diŋit nagon se aje joŋa i to ’dupien nu,

Ejikele 35:15

Nyena nan mo kokonakin jur losu gwoso na lyöŋgi ta ko jur lomore lo kötumit na Yisaraele kogwon nye a kona a murwö. Do mere Seir, iŋkoi, do jur lo Edom liŋ mo gwon a murwöki kweja adi i swötön kulök liŋ. A kirut ŋutu mo deŋdi adi nan logon a MATAT.

Ejikele 36:5

Nyenagon nan MATAT ŊUN lo kulya adi, I yulön nio na pape nan jambu po narok i kulya ti kulye jurön, kegga nan jambu i kulya ti Edom. Ŋutu ti Edom ’de ’dekan jur lio a lose, lepeŋat lyölyöpi ko töilyet liŋ jambu ’da ’daresi, anyen morga jur a ryaggi nye.

Ejikele 6:11

MATAT ŊUN lo kulya sona adi, Ta kötumit na Yisaraele, naŋgi ta könisi kasu, lame ta lam ko delya, luluje ta adi, Wöidiö! kogwon konesi liŋ narok na mamana na kon ta kune; kogwon ŋutu kasu mo tatua ko baŋdujin, ko dyaŋ, se ko twanti iŋgo.

Obadia 1:12

Ama do kodyo ti lyoŋon i med-dya na lor delyaet lo lupösurök, do kodyo ti kwekweni ko ŋutu ti Yuda i lor lose tukaret; a do kodyo tine jambu a lulayak i lor delyaet.

Naum 3:19

’Dikasin kunök ti bulo tolika, do aje boŋöji parik a tine ru. Ŋutu liŋ lo yiŋga liŋio kulok kulo naŋgu konisi kase ko do. Ŋutu a ŋa logon a ko den konesi kunok narok nagon rudaddu se kak i diŋitan liŋ?

Jepania 2:10

A se mo ropakine kine kulya ko-gwon ’du ’duŋinaga nase, kogwon se aje ’do ’doju ko a bu ’ya ’borik i ripinauŋdya na kak na ŋutu ti MATAT lo kurumi.

Jepania 2:15

Na a köji nagon koju bubu ’ya mugun, nagon si ’da ’bura ’bak kujono, nagon kulya kanyit i toili adi, Nan tuŋina geleŋ na gwon, nan ka ’de. Soŋinana lepeŋ gwe a nyo? Lepeŋ i gwe a murwo, ko a pirit paranaet na kijakwa. a ŋutu liŋ lo Iwoŋoddi nyona kulo mo ’diuŋge ’diugga a ’di ’diŋge konisi kase.

Jepania 2:8

Nan MATAT aje yiŋ ŋutu ti Moaba i momoröju se ko ŋutu ti Amon i ’dö ’döju ko i lauŋdya na ŋutu kwe, nan a yiŋ bu ’ya nase na ’börik i riŋuŋdya na kak na ŋutu ti Yisaraele anyen ’ya ’yu kak nase.