Ejikele 25:4 - Bibilia Buk na Ŋun nagon koti luŋu a

⁴ nyenagon nan mo puŋutukin ta a rutat i ŋutu ti swöt lo ’yure, a se mo ’beggi merajin kase i kiden na jur losu, a se mo si ’dani kata; a se mo nyesi ludweki kasu; a se mo möji le kasu.

Ejikele 25:4 Iomraidhean Croise

Suluet 29:1

A Yakobo jölöjine ŋerot, a ’dure i jur lo Ŋutu ti swöt lo ’yure.

2 Samuele 12:26

A Yöaba gwe i mörö ko Raba na ŋutu ti Amon nagon a köji na mor, a morgi lepeŋ.

1 Moran 4:30

A koŋon na Solomona aje lwöŋ koŋon na ŋutu liŋ ti swöt lo ’yure ko na ŋutu liŋ ti Ejipeto.

Yisaya 1:7

Jur losu a murwö, köjino kasu a ’yura ko kimaŋ. Kak nasu Lwaka lo nyesu kasu i komor; a nu gwe a murwo, gwoso i diŋit na sopukori Sodoma koju nu.

Yisaya 41:2

Ŋa logon a toŋiju ŋuto i swöt lo ’yure logon te ’yi te ’ya i piritön liŋ na tiri nye kunu? i Kotumit na Yakobo. Yisaraele Ŋina a kötumit ti Yakobo. Ŋa logon ŋutu kiŋdya jurön kanyit i komor, anyen nye rudakin moran kak? A baŋdu lonyit tiŋdi lepeŋat i gwon gwoso ŋutut, daŋ nanyit tiŋdi se i gwon gwoso pudi na wuwuköji.

Yisaya 65:22

Se ’bayin i ’duggö anyen kulye ŋutu lo ko ruddya si ’da kata; se ’bayin i ’yuddu anyen kulye ŋutu lo ruddya nyesu; kogwon perok ti ŋutu kwe mo gwon jore gwoso perok ti ködini, a ŋutu kwe lo wulwe mo yeŋe kata i nyesu na kinyojin logon se a kur kulo.

Delyasi 1:14

Toronjin nagon nan a kon aka kune aje tora a gwuluŋi, MATAT aje torakin se i pirit na geleŋ a ’dukukiŋdye se koyo i murut, a nye tu ’baka ’yi riŋit nio; a nye pakiŋdye nan i konisi ti ŋutu logon nan ti jukin te ’ya kulo.

Ejikele 25:10

A nan mo ŋutukiŋdye Moaba se ko Amon i pirit na geleŋ a rutat i ŋutu ti swöt lo ’yure, anyen ŋutu ti Amon mo gwon ti yeyeo i kiden na jurön,

Lewi 26:16

nyena a nan mo konakiŋdye ta kune ŋo: kweja adi nan mo totorigwöggu ta ’de ’de kijek ko kujönö, nan mo su-sunyukin ta twanti lo tosogga ŋutu, se ko sa ’yu na mugun nagon köŋu konyen a tolikaddi ru kaŋo. A ta mo weji nyomot kasu ko kana, kogwon merok kasu mo nyesu lepeŋat;

Kenet 23:7

A Balam tokoŋ adi, Balak a joŋdya nan Aram yu, iŋkoi mor lo Moaba a joŋdya nan kaŋo i merya ti swöt lo ’yure kulya adi, Po, lömöki nan ŋutu ti Yakobo, po, senye ŋutu ti Yisaraele!

Nyökit 28:33

A lele jur logon ta a ko den lo mo nyesi kinyojin ti kak nasu ko ti daraesi kasu liŋ; a ta tuŋ mo rudani ruda a muyu-kani muyuka i diŋitan liŋ;

Nyökit 28:51

a se mo nyesi torela ti toro ’bo kasu se ko kinyojin ti kak nasu, tojo ko ta a tukara. Se mo ti kölökin ta ’bolot, kode binyo, kode welet, kode ŋdi na toro ’bo kasu, kode torela ti yidin kasu, tojo ko se a tolikiŋdyö ta.

Ka’duŋök 6:33

A ŋutu liŋ ti Midiyan ko ti Amalek ko ti swöt lo ’yure momoruŋdye i pirit na geleŋ, a laŋgi i nu pele na Yardene, a lepeŋat ’beggi kemialan kase i pirit na ’dir na Yejerele.

Ka’duŋök 7:12

A ŋutu ti Midiyan ko ti Amalek ko ŋutu liŋ ti swot lo ’yure peroro i ŋinu pirit na ’dir gwoso mayat najore; a kamilojin kase ririkoro ti jukin kena gwoso sese na gwon i kijit na tor jore parik.

Ka’duŋök 8:10

Ama a Jebak ko Salamuna se ko ŋutu kase kamorok gwe Karkor, gwoso ŋutu alipan puök wot mukanat, se liŋ logon a pituŋdyö i kamörök liŋ ti ŋutu ti swöt lo ’yure; kogwon kamörök alipan mia geleŋ ko merya murek a tatua koŋo.