Ejikele 25:1 - Bibilia Buk na Ŋun nagon koti luŋu a

¹ A kulyaet lo MATAT poki köyö adi,

Ejikele 25:1 Iomraidhean Croise

Nemaya 13:1

A gwe sona i ŋilu lor, a lepeŋat kena kiŋdye ŋutu liŋ buk na Mose; a se iŋge ryo a wuroki i lukata nanyit adi ŋuto lo Amon, kode lo Moaba kodyo ti bulö ruköki kwöŋ i momoret na ŋun likaŋ ŋupi;

Yeremia 12:14

Nan MATAT lo kulya i kulya ti maratejin kwe liŋ Jorok logon a ’bulukiŋdyo konisi i jur logon nan a tiŋikin ŋutu kwe Yisaraele a lose lomore adi, Mete, nan mo gwugwunyun kulu ŋutu kaŋo kase i jur, a nan mo gwunyuŋdye kotumit na Yuda kaŋo kase kiden.

Yeremia 25:21

Ŋutu ti Edom köti titiki i möju, ko ŋutu ti Moaba, ko ŋutu ti Amon;

Yeremia 27:3

Luyökie logon a ti mor lo Edom, ko ti mor lo Moaba, ko ti mor lo ŋutu ti Amon, ko ti mor lo Turo se ko ti mor lo Sidona, logon a po Yerusalema i ’yö ’yu na Sedekia mor lo Yuda kulo, tiki lepeŋat lore anyen jakin moran kase.

Yeremia 49:1

’Dolet i kulya ti ŋutu ti Amon. MATAT lo pija adi, Yisaraele ŋona ’bak ŋwajik lulyan le? Lepeŋ ŋona ’bak ŋuro lo ruddya ŋo kanyit le? Ko nyo nagon Milikom aje ruddya Gada? Ko nyo nagon ŋutu ti Amon si ’da i köjinö ti Gada?

Delyasi 1:21

Yiŋge nan i ’dua; lele ŋuto ’bayin logon sugga nan. Merok kwe liŋ aje yiŋ ŋoŋga nio a se iŋge lyoŋon kogwon do aje konakin nan sona. Tiŋdi lor logon do aje wulun lo anyen se gwon gwoso na gwoŋdi nan na.

Ejikele 24:27

A i ŋilu lor a ŋedep ilot mo laggi laggu, a do mo jambi ko ŋuto lo rwösuŋdyö lo, a do mo tine gwon a mumut köti. Nyena a do mo gwe a kweyet kase, a se mo dene den adi nan logon a MATAT.

Ejikele 25:2

Ŋuro lo ŋuto, ko-morgi ŋutu ti Amon ko keŋ kulya narok i kulya kase.

Ejikele 28:26

A lepeŋat mo gwolore nyu ’bura ’bak kujönö, a mo ’duŋge kadijik, a mo ’yuddi lukö-biöt ti kaden ti binyo. A lepeŋat mo gwolore ’bura ’bak kujönö i diŋit na ’duŋökiŋdye nan maratejin kase putesi nu, kweja adi kilo a maratejin logon a ’do ’doju se. A kirut lepeŋat mo dene den adi nan a MATAT ŊUN lose.

Ejikele 32:29

Edom ko moran kanyit se ko ŋutu kanyit liŋ logon a kasarak kulo gwon nyu. Ma ’di nagon se a ti riŋitön se a topiriki i pirit na geleŋ ko ŋutu logon a tatua ko baŋdujin kulo; iŋkoi, lepeŋat a topiriki i kiden na ŋutu logon a lawe a ko tawero, logon aje tu kak i dili nagon ’bak ’dutet kulo.

Ejikele 36:7

Nyenagon nan MATAT ŊUN lo kulya adi, Nan a milyeju adi, ’Diri ’diri jurön logon dipö ko ta kilo, lepeŋat ko ’börik mo tomiö ko ’dö ’dö-yosi.

Yoele 3:19

A Ejipeto mo worani a yöbu na sese, a Edom gwe a yöbu kana, kogwon ŋonyan nagon se a kona-kin ŋutu ti Yuda na, kogwon lepeŋat a ’buggö rima na mamaŋa kase i jur.

Amosa 1:13

Nan MATAT lo kulya adi, Nan mo ti lopuk riŋet, kogwon ŋutu ti Amon a koŋdya aka toronjin jore; kogwon se aje kikilija ŋutu wate na gwon ko pelela Gilada yu, anyen se tugalaŋgu lokökorit lo jur lose.

Abakuk 1:17

Se ŋona yeŋon ’dumba ŋo kaŋo kase i ku ’yi, a tukaŋi juron asut ’bak pitokiŋdyo le?

Jepania 2:8

Nan MATAT aje yiŋ ŋutu ti Moaba i momoröju se ko ŋutu ti Amon i ’dö ’döju ko i lauŋdya na ŋutu kwe, nan a yiŋ bu ’ya nase na ’börik i riŋuŋdya na kak na ŋutu ti Yisaraele anyen ’ya ’yu kak nase.

Jepania 2:9

Nyenagon nan MATAT lo kurumi Ŋun lo Yisaraele lo kulya adi, ’Diri ’diri gwoso na gwoŋdi nan na, ko ŋina kwe Moaba mo wora gwoso Sodoma, a ŋina ŋutu ti Amon mo gwe gwoso Gomora, kweja adi a gwe a yobu na lo ’yu ’yuri ko a ’balan, ko a murwo ŋupi. A ŋinautu kwe ti MATAT logon a pitu-ŋdyo kulo mo ryaggi lepeŋat, iŋkoi, pitono ti ŋina ŋutu kwe lo pitu-ŋdyo kulo mo ruddya jur lo kulu ŋina ŋutu.