Ejikele 24:9 - Bibilia Buk na Ŋun nagon koti luŋu a

⁹ Nyenagon nan MATAT ŊUN lo kulya adi, Woidio köji nagon a jore ko katatuak! Nan mo köti ’du ’du ’yu ’dome duma lo kaden anyen nanama.

Ejikele 24:9 Iomraidhean Croise

Yisaya 30:33

Kogwon pirit ’yuret aje tetenaki ’beron; iye nye aje tetenaki mor, dudulet nanyit a tetenaki a nagulu ko a nagalaŋ, ko kimaŋ ko kaden a temejik; a köbuŋöt lo MATAT tutulekiŋdye lepeŋ gwoso pisek na ’do ’dokon.

Yisaya 31:9

A lurutat lose mo wusaddi ko kujönö, a temejik ti kamörök kase logon a kujönö kulo mo wöki kaŋo i mukök na beret nase, Matai lo kulya kine kulya, logon kimaŋ nanyit gwon Siona a namet nanyit gwe Yerusalema lo.

Ejikele 21:2

Ŋuro lo ŋuto, löpuköddi komor inot komorga Yerusalema, jambi kulya ti piritön nake na rurwan adi se a narok, ko keŋ kulya narok i kulya ti jur lo Yisaraele.

Ejikele 21:3

Taki jur lo Yisaraele adi, MATAT lo kulya adi, Mete, nan a miriku ilot, a nan mo ’dutuŋdye baŋdu lio kaŋo i soko ’bo, a nan mo ’dupöddi kaŋo konut ŋutu liŋ lo ’but ko lorok.

Ejikele 22:2

Ŋuro lo ŋuto, do ŋona gwon ajo i ’dupökiŋdyö na köji putet nagon ŋutu kanyit a katatuak? Do ’diri ’du ’dupökin lepeŋ putet a kwekiŋdye lepeŋ po kanyit liŋ na mamana na kon ŋutu kanyit kune le?

Ejikele 22:31

Nyenagon nan aje ’bukökin woran nio kase loki, a iŋge totum lepeŋat ko kimaŋ na woran nio na pape. Nyena nan aje ropakin konesi kase kase i kusik. Ŋilo a kulyaet lio lo MATAT ŊUN.

Ejikele 24:10

’Du ’duluki kaden nyin, to ’depaki kimaŋ, dere der lokore ’bura, yure yur kigwo a nadö ’dikök, ti kuyu noke nokan.

Ejikele 24:5

’dumuŋdye turu ’buti geleŋ logon nyumwe i teŋ. Sone kaden i ŋilo sape mukök; deŋi po na gwon i lukata nanyit kune, ko ’duni ’du kuyu kanyit köti i lukata nanyit.

Ejikele 24:6

Nyenagon nan MATAT ŊUN lo kulya adi, Wöidiö köji nagon a jore ko katatuak! Wöidiö köji na gwon gwoso sape logon a mölwö logon a lo ’dokwe lukata, logon lo ’dokwe nanyit a ko lala aji kaŋo! ’Dume tupesi kaŋo i lukata nanyit abur ’bak nyunyumbö.

Naum 3:1

Woidio köji na rima, nagon a jore ko ’burönö ko ŋo na ririŋwe, nagon ’dutet na ŋo ryakat ’bayin!

Abakuk 2:12

Woidio i ŋuto logon ’duggo köji ko rima, a pipiluŋdye köji duma ko toronjin!

2 Tesalonike 1:8

Lepeŋ po ko kimaŋ na tutule i riŋga na ŋutu logon ti den Ŋun se ko ŋutu logon ti twoju Loŋe Lo ’but lo Matat likaŋ Yesu kilo.

Yuda 1:7

Köti yeyeji ta Sodoma ko Gomora se ko köjinö na diŋö ko se kunu, nagon ŋutu kase a kita gwoso na koŋdi malaikajin na, a koŋdi toluŋ ko i kepoddu na ’dekesi lepelok nagon ’bayin a ti mugunya, a se iŋge ŋoŋga riŋet i kimaŋ na yeŋ nyin. Kulya kase a tiki a miret.

Kweyatti 14:20

A ludweki ti binyo ryokani ryoka i pirit ryoket na binyo i kaŋo na köji, a rima ’bukuŋdye kaŋo i pirit ryoket na binyo, a juruu juruun tojo ko murut na kusan ko ködyö gwo ’dan kata. A kine rima ’doke ’dokon gwoso mailijin miajin murek.Kulya ti malaikajin logon ’debba twana iŋgo ti ’dutet

Kweyatti 16:19

A köji duma iŋge ki ’ya i tupesi musala, a köjinö ti jurön ’do ’done kak. A Ŋun iŋge yeye Babela duma, a tiŋdi lepeŋ i möju na binyo nagon a woran nanyit na pape na gwon i koŋo kune.

Kweyatti 16:6

adi, kogwon kilo ŋutu a ’buköddu rima ti ŋutu ti Ŋun se ko ti nebijin, a do iŋge tiŋdu se i möju na rima; ŋina a ŋo nagon a jukin lepeŋat.

Kweyatti 21:8

Ama ŋutu kujönök, ko ŋutu logon ’bak yupet, ko ŋutu logon koŋdya ŋo na mamana, ko katatuak, ko kalupök, ko kawanak. ko katwöyök ti nyömuejin, se ko ’burönök liŋ pirit nase mo gwon i tör nagon ’yuŋa a kimaŋ ko pisek. Ŋina a twan tomurek.