Ejikele 24:7 - Bibilia Buk na Ŋun nagon koti luŋu a

⁷ Kogwon köji gwon ko rima kanyit lukata, a nye iŋge ’bukökin se i lele nagon gwon kana ’bak nene ŋo, a nye gwe a ko ’bukökin kak anyen yiyik ko kujöŋ.

Ejikele 24:7 Iomraidhean Croise

1 Moran 21:19

A do pipije lepeŋ adi, MATAT lo kulya sona adi, Do aje tatuja a do lo ruddye köti le? A do de kulyani ko lepeŋ köti adi, MATAT lo kulya sona adi, I pirit nagon ’dioŋ jin a dadaŋgu rima ti Nabota kata na, nyena ’dioŋ jin de dadaŋgu rima kunök köti.

Eyobo 16:18

Do kak, an do ko ’de ’ya rima kwe, ti se gwine ’bak yukan anyen ŋutu lo konakin nan arabat kulo roröpaki.

Yisaya 26:21

Kogwon mete, MATAT lulupundyö kaŋo kanyit i pirit, I riŋga na ŋutu logon si ’da i kak nikulo kogwon ŋonyesi kase, a kak mo kwekiŋdye rima na ’buköki kanyit ki kune, a mo köti tine muggö ŋutu kanyit lo tatua.

Yisaya 3:9

Komorsikan kase ka ’du ’duŋak na gökiŋdyö se; se koŋdya toronjin kase kaŋo gwoso ŋutu ti Sodoma, a tine muk se. Wöidiö, ködudwölön kase! kogwon se a jakiŋdya ’börik toron.

Yeremia 2:34

Iŋkoi, makine rima konut i boŋgwat; kine a rima ti ŋutu lomerika logon ’bak kulya logon do a tatu kulo, do a ko ryö lepeŋat i ’beleŋgu na kadi.

Yeremia 6:15

Lepeŋat ŋona ti yu kusik i koŋdya na ŋo na mamana nu le? Kusik kase a nago, lepeŋat ti yu kusik kwöŋ. Nyena lepeŋat mo ’do ’do kak i kiden na ŋutu lo twatwa kulo, lepeŋat guba kak i diŋit nagon nan mo pöri i riŋga na se nu. Ŋilo a nan MATAT lo kulya.

Ejikele 22:4

Do ŋina köji gwon ko toron kogwon rima na ’bukörö ŋutu kulök kune, a do iŋge toluta ko nyömuejin lo teten ŋutu kulök kulo. Do aje ’duŋgö perok kulök ku ’dik, kipajin kulök ti ’dutet gwe nyona. Nyenagon nan aje kon do a po nagon gweyajin ti ŋutu ’dö ’dö ko a po nagon jurön kwekweni ’e.

Ejikele 23:45

A ŋutu lo rigwo mo ’duŋökiŋdye lepeŋat putet logon a putet lo ’dupöki ŋutu wate nagon a kalupejin, se ko putet lo ’dupöki ŋutu wate nagon a katatuak, kogwon se a wate nagon a kalupejin, a könisi kase ’buköddi rima.

Lewi 17:13

A ko lon ŋuto lo ŋutu ti Yisaraele, kode a ŋuto logon si ’da kase kiden a lepetyo lo, logon a togoraddu a iŋge tatuja kijakutat kode kwenti logon bubulö nyei lo, a ŋilu ŋuto ködyö ’buköro rima kanyit kaŋo a yiŋge se ko kujöŋ.

Jepania 1:17

MATAT mo jajakin ŋutu delya, anyen se mo woro gwoso mo ’dokeŋo, kogwon se a toroŋdya nye MATAT, a rima kase mo ’bukuŋdye kaŋo gwoso ŋutut, a opuo kase mo gwe gwoso woro.

Nyökit 12:16

Ake rima kase ta ti nyesu, ama a ta ködyö ’bukörö se kak gwoso pioŋ.

Nyökit 12:24

Ta ködyö ti nyesu se; a ta ’bukörö se kak gwoso pioŋ.