Ejikele 24:6 - Bibilia Buk na Ŋun nagon koti luŋu a

⁶ Nyenagon nan MATAT ŊUN lo kulya adi, Wöidiö köji nagon a jore ko katatuak! Wöidiö köji na gwon gwoso sape logon a mölwö logon a lo ’dokwe lukata, logon lo ’dokwe nanyit a ko lala aji kaŋo! ’Dume tupesi kaŋo i lukata nanyit abur ’bak nyunyumbö.

Ejikele 24:6 Iomraidhean Croise

2 Samuele 8:2

A Dawidi te ’yi ŋutu ti Moaba, a tiŋdi se i peron kak, a tembi se ko pata; a lepeŋ temuŋdye kikolin murek logon tatatua ko kiko geleŋ ’bukuluŋ logon pipitoki. A ŋutu ti Moaba gwe a ’dupi ti Dawidi a ’bukokiŋdye lepeŋ usur.

2 Moran 21:16

Köti luŋa Manase a ’buköddu rima na mamaŋa jore parik, tojo lepeŋ a tojore Yerusalema i ’dutet tojo ko nene ’dutet, kökö toron nagon nye a tiŋdi kötumit na Yuda i toroŋdya anyen se koŋdya ŋo nagon a naron ko MATAT i metet.

2 Moran 24:3

A ŋina ŋo ’diri iŋge ŋokin i jur lo Yuda gwoso saret lo MATAT i wusaddu na lepeŋat kaŋo kanyit i metet, kogwon toronjin ti Manase, gwoso i ŋo liŋ nagon nye a kon kunu,

2 Moran 24:4

ko köti kogwon rima na ko dumalak kanyit ti kadi, ko ŋutu temejik ti jur, a nye wusaddi se kaŋo Yerusalema tojo ko Babela i gwon a ’dupi.mamaŋa nagon nye a ’buköddu; kogwon nye a tojoreju Yerusalema ko rima na mamaŋa, a MATAT tine pitö-kiŋdyö.

Yeremia 2:22

Ma ’di do ködyö a lala mugun ko lobolonye se ko sabun a duma, nan nyuŋ memet bot na toron konut i mugun.

Yeremia 6:29

Kanitönit yuggö kimaŋ parik, a kimaŋ iŋge tutuŋ witi na luŋu a risasi; a kanitönit nyuŋ möŋi namaddu lut kaŋo ama a ’bulit gwe ’bayin, kogwon katoronyak a ko name kaŋo.

Ejikele 11:11

Nyena ŋina köji mo tine gwon a sape losu a ta mo tine gwon a lokore nagon ’dela i lukata nanyit. A nan mo ’duŋökiŋdye ta putesi i lokökorit lo Yisaraele;

Ejikele 11:3

Lepeŋat kulya adi, Diŋit ’duket na kadijik nyuŋ pajo. Köti adi, Na köji a sape a yi gwe a lokore nagon ’dela ’bura i lukata nanyit.

Ejikele 22:12

ŋutu kata konut kiden logon wuju ropesi nagon wuki a lwön anyen ’buköddu rima, a ta luŋgi ’yalet ko ŋutu lo kuröddu po kasu, a ri ’di-kiŋdye lepeŋat i robba ko wöli, a ta iŋge böŋö nan. Ŋilo a kulyaet lio lo MATAT ŊUN.

Ejikele 22:2

Ŋuro lo ŋuto, do ŋona gwon ajo i ’dupökiŋdyö na köji putet nagon ŋutu kanyit a katatuak? Do ’diri ’du ’dupökin lepeŋ putet a kwekiŋdye lepeŋ po kanyit liŋ na mamana na kon ŋutu kanyit kune le?

Ejikele 22:27

Ŋutu lokukwön i lukata nanyit gwon gwoso lujin lo koja kijakwa; lepeŋat ’buköddu rima a tukaŋi ŋutu, anyen wuju ’bulit na rye i kikolin lorok.

Ejikele 22:3

Kulyani adi, MATAT Ŋun lo kulya adi, Wöidiö köji nagon ŋutu kanyit lukata a katatuak, aje jakiŋdya mugun karan! Wöidiö köji nagon ŋutu kanyit tetenakiŋdya ’börik nyömuejin logon a punyen a tolutesi kanyit!

Ejikele 24:3

Tamakiŋdye kötumit na karerenyak lilim adi, Nan MATAT ŊUN lo kulya adi, ’Dukukiŋdye sape logon a mölwö i kimaŋ, köti ’buköki pioŋ i lukata nanyit;

Ejikele 24:9

Nyenagon nan MATAT ŊUN lo kulya adi, Woidio köji nagon a jore ko katatuak! Nan mo köti ’du ’du ’yu ’dome duma lo kaden anyen nanama.

Yoele 3:3

A lepeŋat iŋge gumbe ŋutu kwe guralan, lepeŋat aje tikin ŋwajik lyan a ropesi ti kawutejin, ko a tugwöŋu ŋwajik kö ’disi anyen se moji binyo.

Obadia 1:11

I ŋilu lor logon do a gwo ’di ’e a wok. i lor logon lwaka aje yekara tukwo-rien nanyit, a juron luponi kanyit i kotumiton a gumbe guralan i kulya ti Yerusa-lema, a do gwe a lele lose.

Yona 1:7

A se tokulyaki ko ’borik adi, Po ta, ti yi gumbe ta guralan anyen yi de-ŋdi ko pa lo jakiŋdya yi ŋina toron. A se gumbe guralan, a gura ’duki a na Yona.

Mika 7:2

Ŋutu lo twöju Ŋun aje twatwa i kak ni, a ŋutu lo rigwo gwe ’bayin i kiden na ŋutu; lepeŋat liŋ pokin i nyiŋgo na rima, ŋutu liŋ goŋa luŋasirik kase gwoso ŋuto lo togopa ko birya.

Naum 3:1

Woidio köji na rima, nagon a jore ko ’burönö ko ŋo na ririŋwe, nagon ’dutet na ŋo ryakat ’bayin!

Naum 3:10

Kolumbö a ŋutu kanyit jopani kaŋo a ’dupi; a lupudiet kase iŋge papasaka i keresi liŋ ti kikolin; a ŋutu kanyit lokukwon gubani guralan, a ŋutu kanyit temejik liŋ iŋge rereka ko toŋot.

Matayo 23:35

anyen rima liŋ ti ŋutu logon ’bak kulya, logon a tatua i na kak kulo böŋö ropaki kasu i kusik, suluja i ’bukwe na rima ti Ebele lo ’bak kulya lo tojo i ’bukwe na rima ti Takaria, ŋuro lo Barakia, logon ta aje tatukin i kiden na pirit nake na rurwan se ko na pirit ’yuret na rubaŋgajin.

Nyökit 23:13

a do ködyö gwe ko guli i pirit na geleŋ ko tito kulök möriesi; a na si ’dari do kaŋo nu, a do ’boggi dili ko lepeŋ, a do löpuköni i muggö na ŋo nagoŋ lupe kaŋo konut na.

Yosua 10:22

Nyena a Yosua kulyani adi, ŋane ta kötumit na kuggi, ko jaki ta nan kilo moran mukanat kaŋo i kuggi.

Kweyatti 17:6

A nan meddi ŋina ŋuto a meran ko rima ti ŋutu ti Ŋun se ko rima ti ŋutu logon tokujö kulya ti Yesu kulo. A na meddi nan lepeŋ nu, a nan iŋge söŋu parik.

Kweyatti 18:24

Kine kulya ŋokin sona kogwon rima ti nebijin, ko ti ŋutu ti Ŋun, se ko ti ŋutu liŋ lo tatua i kak ni kulo iŋge rye i lukata na ŋina köji.