Ejikele 24:24 - Bibilia Buk na Ŋun nagon koti luŋu a

²⁴ A Ejikele mo gwe a kweyet kasu; ŋo liŋ nagon nye a kon kine ta mo köti kökon se. Ko kine ŋo mo a pukun a ta mo kirut dene den adi nan logon a MATAT ŊUN.

Ejikele 24:24 Iomraidhean Croise

Yisaya 20:3

A MATAT kulyani adi, Gwoso nagon kölipönit liŋ Yisaya a wörö a limu ko mokosi kana kiŋajin musala nu, anyen gwon a kweyet anyen tusöŋu ŋutu ti Ejipeto ko ti Etiopia,

Yisaya 8:18

Mete, nan se ko ŋwajik logon MATAT a tin nan kilo gwon a kweyesi ko a sörösi i Yisaraele ko MATAT lo kurumi logon sisi ’da i mere Siona.

Yeremia 17:15

Mete, lepeŋat a pija nan adi, Kulyaet lo MATAT liya? Ti ŋilo kulyaet poŋdi koi!

Ejikele 12:11

Ti do taki se adi do a kweyet lose. Kulya nagon do aje kon kine mo kokonaki se köti; lepeŋat mo jojoŋa i to ’dupien i jur lo pajo.

Ejikele 12:6

A i sömukö, ’dumuŋdye tito kunök ko ’dukukiŋdye se konut i kwe ko iti kaŋo a lepeŋat memeddya. Ti do muke muk komor inot anyen do gwon ti met jur. Kogwon nan koŋdya do a kweyet i ŋutu ti kötumit na Yisaraele.

Ejikele 17:24

A kaden liŋ ti mu ’diŋ mo dene den adi nan MATAT nyönyokun ködini lojo ki kak, a to ’duŋe ködini lorutut a lojo ki, a toliliŋge ködini lodon, a tiŋdi ködini loteyon i wilan. Nan MATAT aje jambu kine kulya, a nan mo kone kon se.

Ejikele 20:44

Ta kötumit na Yisaraele, ta mo deden adi nan a MATAT i diŋit nagon nan mo ti konakiŋdya ta gwoso i kikolin kasu lorok, se ko i konesi kasu narok na kon ta kine, ama kölumbö a nan mo konakiŋdye ta gwoso nagon jujukin i karin kwe. Ŋilo a kulyaet lio lo MATAT ŊUN.

Ejikele 25:11

a nan mo ’duŋökiŋdye ŋutu ti Moaba putet. A kirut lepeŋat mo dene den adi nan logon a MATAT.

Ejikele 25:14

A nan mo tiŋdi ŋutu kwe Yisaraele i ropakiŋdya na ŋutu ti Edom ko ropet nio; a lepeŋat mo konakiŋdye ŋutu ti Edom gwoso i woran nio ko gwoso i ŋoma nio; a se mo dene den ko nan ropakiŋdya toron ada. Kilo a kulyaesi kwe ti MATAT ŊUN.

Ejikele 25:17

A nan mo ropakiŋdye se ko ropesi temejik, a mo riŋge se parik ko ŋoma. A kirut lepeŋat mo dene den adi nan logon a MATAT, i diŋit nagon nan mo ropakiŋdye se toron nase nu.

Ejikele 25:5

A nan mo koŋdi Raba a pirit yukit na kamilojin, kweja adi nan mo kökon jur lo ŋutu ti Amon a goro lo yidin, a ta mo dene den adi nan logon a MATAT.

Ejikele 25:7

nyenagon mete ta, nan aje riöddu könin lio kasu loki, a nan mo ŋutukiŋdye ta i könisi ti ŋutu ti jurön gwoso ŋo ryakat, a nan mo tu ’baka ’yi ta i gweyajin liŋ ti ŋutu, a nan mo tiŋdi ta i tatua i kilu jurön, a nan mo tukaŋi ta. A kirut ta mo dene den adi nan logon a MATAT.

Ejikele 4:3

’Dumuŋdye doka ko tiki lepeŋ a mariŋ nagon a witi i kiden nasu ko ŋina köji, ko ti do komorgi lepeŋ; a nye mo gwe gwoso nagon a tuma, a do mo lo gwe a katumanit. A kine ŋo na kona kine gwe a kweyet i kötumit na Yisaraele.

Ejikele 6:7

A ŋutu lo tatua mo ’do ’done kasu kiden, a ta mo dene den adi nan a MATAT.

Ejikele 7:27

Mor molu dedelya, a ŋuto lo kukwön mo jorene ko kujönö a duma, a könisi ti ŋutu ti jur mo böŋdi böŋdu kogwon kujönö. A nan mo konakiŋdye lepeŋat gwoso nagon jujukin i konesi kase na, a nan mo ’duŋökiŋdye lepeŋat putesi gwoso na ’duŋge se putesi na; a se mo dene den adi nan logon a MATAT.

Ejikele 7:9

A nan mo tine pitökin ta, a nan mo tine won konyen ko ta kwöŋ, a nan mo ropakiŋdye ta konesi kasu se ko konesi kasu na mamana nagon ta nyuŋ kökon kine. A kirut ta mo dene den adi ŋilo a nan MATAT lo riŋga ta.

Luka 21:13

a ŋina mo gwe a komor nasu na ’but i tokurukiŋdyö na Loŋe Lo ’but.

Yoane 13:19

Nan tukökiŋdyö ta kine kulya soŋinana a kokwe nagon a ko nyuŋ pokin nu, anye ko aje pokin a ta böŋö yubbe adi nan a nye.

Yoane 14:29

Soŋinana nan aje takin ta kine kulya a kokwe nagon a ko nyuŋ kona, anyen ko aje kona a ta böŋö yubbe yubbö.

Yoane 16:4

Ama nan aje takin ta kine kulya anyen ko diŋit nase aje po nagon koŋdi kine ŋo, a ta mo kuru kurun adi nan aje takin ta. Nan a ko tukökin ta kine kulya a kokwe, kogwon nan gwon ko ta i pirit na geleŋ.