Ejikele 24:23 - Bibilia Buk na Ŋun nagon koti luŋu a

²³ A ta mo dukukiŋdye emalan kasu i kusik, a mo sukiŋdye kamuka kasu i mokosi, a ta mo tine delya, a tine gwien, ama a ta mo sokara sokara kogwon toronjin kasu, a ta mo ’du ’duati ’du ’duatu ko ’börik.

Ejikele 24:23 Iomraidhean Croise

2 Samuele 15:30

Ama a Dawidi kije ki i mere lo Jeitun, gwigwiörö ko kwe nanyit a mukö, a nye wöröni ’bak kamuka; a ŋutu liŋ logon a tu ko lepeŋ kulo köti muŋge kusik kase, a se kije ki gwigwi-örö.

Eyobo 27:15

a twan mo nuŋge pitönö, a karu ’bejin kase mo tine gwien se.

Saumajin 107:17

Ŋutu lu ’böŋ a jakindya ’börik yöyöŋesi kogwon kiko lo tu ’döliŋ nase, köti kogwon kulya ti toronjin na kon se aka kune.

Saumajin 78:64

A koanejin totokoni kak ko bandujin, a karu ’bejin kase tine gwien se.

Yisaya 20:2

a i ŋinu diŋit MATAT aje jamakiŋdya Yisaya ŋuro lo Amosa adi, Iti, lakuŋdye boŋgwat terekesi kunök kaŋo konut i mukök ko rusuŋdye kamuka kaŋo konut i mokosi, a Yisaya aje koŋdya sona, a wöröni a limu ko mokosi kana.

Yisaya 59:11

Yi liŋ runimön gwoso gwuruŋin, a yi delyani delya gwoso gureki nawuwuŋi; yi gaga ’yu ’duŋgö gwogwo, ama a gwe ’bayin; a yi ga ’yi lwökit, ama a gwe pajo kayaŋ.

Yeremia 13:18

Taki mor se ko ŋote mor adi, Si ’dakine ta i si ’daesi na ’di ’dik, kogwon Iŋguyajin kasu lokwekwe-len kulo aje ’dumaji kaŋo kasu i kusik.

Delyasi 4:9

Bia se lo tatua ko baŋdujin Iwolwoŋ se lo twatwa ko magor, logon a sokara a iŋge riŋon kogwon magor na kinyojin ti melesen.

Ejikele 24:22

A ta mo koŋdi gwoso na koŋdi Ejikele na; a ta mo tine muggö kutusen kasu ko boŋgwat a delyaesi, a ta mo tine nyesu kinyo lo ŋutu logon dedelya.

Ejikele 33:10

Do ŋuro lo ŋuto, kulyani ko kötumit na Yisaraele adi, Ta ŋupi jambu adi, Lyaŋesi kaŋ se ko toronjin kaŋ gwon kayaŋ i kusik, a yi kakaŋi kakaŋu kogwon se, a yi ŋona bulöni bulö gwon jörun ada?

Ejikele 4:17

Nyena a kinyo se ko pioŋ mo tine temakiŋdya se, a se mo totoboŋe ko ’börik dedelya. A lepeŋat mo soke sokan kogwon toronjin kase.

Ejikele 44:18

A se ködyö doggi kusik kase ko emalan nagon a ti waratat naparere, a jupukiŋdye boŋgwat ti mok nagon a ti waratat naparere, a se ködyö tine doggu mukökö kase ko ŋo nagon joŋdya ŋiŋiret.

Lewi 26:16

nyena a nan mo konakiŋdye ta kune ŋo: kweja adi nan mo totorigwöggu ta ’de ’de kijek ko kujönö, nan mo su-sunyukin ta twanti lo tosogga ŋutu, se ko sa ’yu na mugun nagon köŋu konyen a tolikaddi ru kaŋo. A ta mo weji nyomot kasu ko kana, kogwon merok kasu mo nyesu lepeŋat;

Lewi 26:39

a ŋutu kasu lo pituŋdyö kulo mo tolikine toliki i jurön ti merok kase kogwon ŋonyan nase; köti kogwon ŋonyesi ti merenyejin kase a se mo tolikine toliki gwoso lepeŋat.