Ejikele 24:21 - Bibilia Buk na Ŋun nagon koti luŋu a

²¹ Taki kötumit na Yisaraele adi, MATAT ŊUN lo kulya adi, Mete, nan mo kökör pirit nio nake na rurwan nagon ta bu ’ye ’borik adi ta a iŋgo ŋina, ko ŋo nagon konyen kasu a lyöŋgi na, se ko ŋo nagon töilyet kasu ’de ’deggi na; a ŋwajik kasu lulyan ko nawate nagon ta a kölökin yu kunu mo totokoni kak ko baŋdujin.

Ejikele 24:21 Iomraidhean Croise

1 Moran 9:7

a nan mö ’duŋöddi ŋutu ti Yisaraele kaŋo i jur logon nan aje tin se lo; a nan mo tolikiŋdye ŋina kadi köyö i metet nagon nan aje gelakin karin kwe na; a ŋutu ti Yisaraele mo gwe a temet ko a tojowet i kiden na jurön liŋ.

Saumajin 105:4

Ga ’yi ta MATAT ko riŋit nanyit, tindi ta töilyet kasu i ga ’yu na komor nanyit ŋupituŋi!

Saumajin 132:8

Ŋine ki ŋon MATAT, ko iti i ŋirit inot yukaet, do se ko sanduk na riŋit inot.

Saumajin 27:4

Nan a mo ’yu ŋo geleŋ ko MATAT, nan ga ’yu ŋina ŋo; anyen nan bubulö gwon ko MATAT kadi perok liŋ ti gwiliŋit nio, i meddya na kwelen na MATAT, ko i ga ’yu na lepeŋ kanyit kadi.

Saumajin 74:7

Se aje ’yurakindya pirit nake inot na rurwan ko kimaŋ; se aje toluddya ŋirit nagon karin kunök yeŋon ’dinya kata na, a dukakindye lepeŋ kak.

Saumajin 79:1

Pon Ŋun, ŋutu ti jurön aje luŋe i jur ilot lomore; se aje toluddya kadi inot nake na rurwan; a se kölökindye Yerusalema i gwon a rubajin.

Saumajin 84:1

Pon MATAT lo kurumi, piritön gwiliŋisi kunök kwekwelen bia parik!

Saumajin 84:3

Ma ’di liliitan a ryökindyö ’börik kadijik, ko lopiretan a pukindyö ’börik kadijik nagon se muji torela kase, nyona ko piritön kunök ’yuresi ti ru-baŋgajin ŋon MATAT lo kurumi, do a mor lio ko a Ŋun lio.

Saumajin 96:6

Bulet ko tomoran gwon kanyit i komor; riŋit ko kwelen gwon kanyit i ŋirit nake na rurwan.

Yisaya 65:11

Ama talogeki i papaju nan MATAT, ta logon böböŋöri mere liŋ loke, ta logon jakiŋdya ŋun lo luŋu a Gada kinyo, a ta töjoreji matesi ti binyo na ŋoŋola ti lo luŋu a Meni;

Yeremia 6:11

Nyenagon nan aje jore ko woran na MATAT, nan aje dara i ’debba na ŋina woran. ’Buköki ŋina woran i ŋwajik lo gwon i kikolin, köti ko i teton logon a momora a laŋesi;ŋutu liŋ ko lyan ko wate mo jojoŋa, ma ’di se logon a suluja kwekweja kupir se ko muduŋin.

Yeremia 7:14

Nyenagon nan mo kokonakin na kadi na luŋu ko karin kwe nagon ta twötwö na, kweja adi na pirit nagon nan a tikin ta se ko merenye­jin kasu köju nu, gwoso nagon nan a konakiŋdye Silo köju nu;

Yeremia 9:21

Kogwon twan aje kiyuŋdya lukata i kulupitan kaŋ, lepeŋ aje lupe i kadijik kaŋ ti tumatyan, a iŋge ’duŋ lupudiet kak i kikolin, a iŋge ’duŋ teton i piritön terereki.

Delyasi 1:10

Merok aje riöddu könisi kase i ryaggu na ŋo liŋ nakwekwelen ti köji, iŋkoi, köji aje met ŋutu ti jurön lupö i pirit nake na rurwan, kilo a ŋutu ti jurön logon do MATAT a teŋ i lupö konut i mo-moret kulo.

Delyasi 2:1

A dyoŋ, MATAT ko woran nanyit aje jakin köji na Siona mudwe! Lepeŋ ki yu aje gubun kwelen na Yisaraele kak, i lor lo woran nanyit a nye gwe a ko yeye Siona nagon a tokit nanyit na mokosi.

Delyasi 2:21

Lupudiet se ko ŋutu muduŋin a peron i ŋutut ti kikolin; kö ’disi kwe se ko teton kwe aje ’do ’do kak a tatua ko baŋdujin. Do a tatuja lepeŋat i lor lo woran inot, a do gwe a kowon konyen i tatuja na se.

Ejikele 23:25

Nan mo yiyinöri do arabat, anyen se ködyö kitari do ko woran na pape. Lepeŋat mo ’du ’duŋun kumesikö se ko swö ti ŋutu kulök kaŋo, a ŋutu kulök lo pituŋdyö kulo mo tatuani ko baŋdujin. A lepeŋat mo momokaddi ŋwajik kulök lulyan ko nawate, a ŋutu kulök lo pituŋdyö mo totumöni ko kimaŋ.

Ejikele 23:47

a yodom na ŋutu mo gugubuje se ko ŋurupö, a tatuje se ko baŋdujin; a se mo tatuje ŋwajik kase lulyan ko nawate, a ’yuŋe kadijik kase.

Ejikele 24:16

Ŋuro lo ŋuto, mete, nan gwe nyona ko jekaddu i daŋ geleŋ ŋo nagon konyen kulök a lyöŋgi na; ama ti do gwe ti delya, ti do gwe ti gwien, ti politan kunök ködyö gwe ti ’buköŋ kak.

Ejikele 24:20

A kirut nan takiŋdye lepeŋat adi, Kulyaet lo MATAT a pokin köyö adi,

Ejikele 24:22

A ta mo koŋdi gwoso na koŋdi Ejikele na; a ta mo tine muggö kutusen kasu ko boŋgwat a delyaesi, a ta mo tine nyesu kinyo lo ŋutu logon dedelya.

Ejikele 24:25

Ŋuro lo ŋuto, i ŋilu lor nan mo ’dumaddu kaŋo pirit nase nago na titiyu nagon se lyö lyöŋgi ko a minyo lose na, nagon konyen kase a lyöŋgi na, nagon töilyet kase ’de ’deggi na, se ko ŋwajik kase lulyan ko nawate.

Ejikele 33:28

A nan mo koŋdi jur a murwö ko a ruba; a riŋit nagon ŋilo jur bu ’ye mugun na mo ’bakani ’baka, a merya ti Yisaraele mo gwe a rubajin, anyen po gwon ’bayin lo lwöpöddu kata.

Ejikele 7:24

Nyenagon nan mo joŋdya ŋutu lorok parik logon lwölwö-ŋgu kulye jurön kulo i ruddya na kadijik kase, a nan mo to ’duddye ’du ’duŋga nase na riŋit, a piritön kase na rurwan kune mo tolutani toluta.

Ejikele 9:7

A kirut lepeŋ takiŋdye lepeŋat adi, Tolute ta kadina Ŋun, tojoreneta ’baŋin kanyit ko öpuö; a kirut iti ta kaŋo i tatuja na ŋutu köji kata. A lepeŋat iti tu.

Daniele 11:31

A kamörök lo sunyun lepeŋ kulu mo toluddye pirit nake na rurwan na gwon i mariŋ nago lukata nu, a mo joŋgi kaŋo rubaŋgajin lo ’yu ’yura ’buluŋ ti diŋitan liŋ. A lepeŋat molu togwi ’dikiŋdye ki ŋo na mamana parik nagon köŋu keri.

Osea 9:16

Kötumit na Epuraima aje gwu-töki kak, kokori kase aje teteyon, a Lepeŋat tine radan ludweki. Ma ’di se ködyö a yupuŋdyö, nan mo tatatu ŋwajik kase lo nya-nyara.

Lewi 26:19

a nan mo ’beleŋgi ’du ’duŋga nasu na riŋit, a nan mo tiŋdi ’dikolo na gwon kasu loki kune i gwon a nago gwoso witi a tiŋdi kak nasu i gwon a nago gwoso mölwö;

Malaki 2:12

Ti MATAT ’duŋöro ŋutu lio lo koŋdya sona kilo kaŋo i kemialan ti Yakobo, ma ’di nagon se a jakiŋdya MATAT lo kurumi ’dokesi kase.