Ejikele 24:14 - Bibilia Buk na Ŋun nagon koti luŋu a

¹⁴ Nan MATAT aje jambu, kine ŋo mo kokona, ’diri nan mo kökon se; a nan mo tine kukutörö bot, a nan mo tine pitökiŋdyö kode löpuggö i ŋo nagon nan mo kökon na. Nan mo ’du ’duŋökin do putet gwoso i kikolin kulök ko i konesi kunök. Kilo a kulyaesi kwe ti MATAT ŊUN.

Ejikele 24:14 Iomraidhean Croise

Eyobo 27:22

A nye wuköddi lepeŋ ’bak kö ’yu, a ŋilo ŋuto ’deke pesaddu kaŋo i riŋit na puggö na ŋilo köbuŋöt;

Saumajin 33:9

Kogwon nye lo kulya a konani kona; nye lo saŋu a gwo ’de gwo ’dan go.

Yisaya 3:11

Wöidiö, ŋutu lorok! kulya kase mo gwon a narok, kogwon ropesi ti konesi kase mo roropakise.

Yisaya 55:11

nyena a kulyaet liŋ lo lupe köyö i kutuk lo mo gwe sona; anye mo tine yitwe köyö ni kana, ama a nye mo koŋdi ŋo nagon nan de ’dekan na, a nye mo tutuŋge ŋo nagon nan a asönyoddi lepeŋ kata nu jojo.

Yeremia 13:14

A nan mo gwagwalaggi lepeŋat ka ’de ka ’de i ’dumuŋdya na lele ŋuto a gwalakakiŋdye i lele ŋuto, komonye gwagwalaka ko torela i pirit na geleŋ. A nan mo tine kölökiŋdyö kode pitokiŋdyo lepeŋat. Nan mo ti won konyen ko se ama nan mo tutukar lepeŋat.

Yeremia 23:20

Woran na MATAT mo ti yitwe bot tojo nye a koŋdya ko a tutuŋŋo nagon nye a yeye kanyit i toili kune. A i perok lo popo a ta mo kuru kurun kine kulya ’bura.

Yeremia 4:18

Kikolin kasu ko konesi kasu se na joŋdya kine go kasu loki. Ŋina a riŋet nasu na pötwör, ko aje tu ’yo toilyet kasu.

Ejikele 16:43

Do a ko yeyeju perok ti tolupu-dien inot a kölumbö towoŋi nan ko konesi kunök liŋ; nyenagon mete, nan mo roropakin konesi kunök liŋ konut i kwe. Ŋilo a kulyaet lio lo MATAT ŊUN. Ti gwon sona adi do a koŋdya towutön wat po kunök liŋ na mamana le?

Ejikele 17:24

A kaden liŋ ti mu ’diŋ mo dene den adi nan MATAT nyönyokun ködini lojo ki kak, a to ’duŋe ködini lorutut a lojo ki, a toliliŋge ködini lodon, a tiŋdi ködini loteyon i wilan. Nan MATAT aje jambu kine kulya, a nan mo kone kon se.

Ejikele 18:30

Nyenagon ta kötumit na Yisaraele, nan mo ’du ’dupökin ta putesi ŋutu liŋ gwoso i kikolin kase. Ŋilo a kulyaet lio lo MATAT ŊUN. Nyena löpuŋge ta töilyet, löpukuŋdye ta kapo i lauŋdya nasu na saresi kwe liŋ, anyen toron böŋö gwon ti to ’doro ’yu ta.

Ejikele 22:31

Nyenagon nan aje ’bukökin woran nio kase loki, a iŋge totum lepeŋat ko kimaŋ na woran nio na pape. Nyena nan aje ropakin konesi kase kase i kusik. Ŋilo a kulyaet lio lo MATAT ŊUN.

Ejikele 23:24

A se mo poŋdi konut ni ko kusanjin möriesi, ko arabiajin möriesi, ko arabiajin lo jijikö, se ko yodom na ŋutu ti jurön i mörö ko do, a lepeŋat mo tumbe do i swötön liŋ, lepeŋat morga ’bukwö dumalak ko na ’di ’dik ko a jupu terebukan logon a witiöt, a nan mo tiŋdi se kido ’duŋet na putet a se mo ’duŋökiŋdye do putet gwoso i ’duŋet nase.

Ejikele 23:29

a se mo kitari do ko maŋdu, a joŋgi ŋo kunök liŋ na kitaun do kine, a kölökiŋdye do kana a gwe ’busön, a to ’busön na towutön inot mo metani köke. Towutön se ko toluŋ inot

Ejikele 24:15

A kulyaet lo MATAT poki köyö adi,

Ejikele 30:9

A i ŋilu lor a ŋutu logon nan soson kulo mo iti kaŋo ’de ’de koyö i komor, i tokujoŋdu na ŋutu ti Etiopia logon a ko den adi kulya kine popo kulu; a lepeŋat mo poŋgi poŋga i lor lo tukarari Ejipeto lu. Ma ’di soŋinana ŋilu lor gwe i po.

Ejikele 36:19

A nan iŋge torekin lepeŋat i kiden na gweyajin ti ŋutu, a lepeŋat iŋge gwo-gwölöki i jurön, a nan ’duŋökiŋdye lepeŋat putet kogwon kulya ti kikolin ti gwiliŋisi kase se ko konesi kase.

Ejikele 5:11

Nyenagon nan MATAT Ŋun lo kulya sona adi, ’Diri ’diri gwoso na gwoŋdi nan na, nan mo tutukar ta, a nan mo tine pitökin ta, a nan mo tine won konyen ko ta kogwon ta a toluddya pirit nio nake na rurwan ko ŋo kasu liŋ nagon a lut, se ko ŋo kasu liŋ na mamana.

Ejikele 7:3

’Dutet ŋina popo kasu ki soŋinana, a nan mo kölöddi woran nio kasu loki, a nan mo ’duŋökiŋdye ta putesi gwoso i konesi kasu, a nan mo ropakiŋdye ta konesi kasu liŋ na mamana kine.

Ejikele 7:4

A nan mo tine pitökin ta, a nan mo tine won konyen ko ta kwöŋ, ama nan mo roropakin ta konesi kasu se ko konesi kasu na mamana nagon ta nyuŋ kökon kine. A kirut ta mo dene den adi nan logon a MATAT.

Ejikele 7:8

Nyena, ’de ’de kijek nan mo ’bu ’bukökin woran nio kasu loki, a nan pomani ko ta asut, a ’duŋökiŋdye ta putesi gwoso i konesi kasu, a nan mo ropakiŋdye ta gwoso i konesi kasu na mamana kine.

Ejikele 7:9

A nan mo tine pitökin ta, a nan mo tine won konyen ko ta kwöŋ, a nan mo ropakiŋdye ta konesi kasu se ko konesi kasu na mamana nagon ta nyuŋ kökon kine. A kirut ta mo dene den adi ŋilo a nan MATAT lo riŋga ta.

Ejikele 8:18

Nyena nan mo kikitari woran nio i lepeŋat; a nan mo tine pitökin se, a mo tine won konyen ko se kwöŋ. Ma ’di nagon se a gwikin köyö parik a nan mo tine yiŋ se kwöŋ.

Ejikele 9:10

Ama nan mo ti won konyen ko se kode pitökiŋdyö lepeŋat; ama nan mo roropakin konesi kase kase i kusik.

Jakaria 8:14

A nan MATAT lo kurumi kulyani adi, Kilo a kulyaesi kwe ti MATAT lo kurumi adi, Komunyi koju a towoŋa nan, a nan iŋge yeyeju konakiŋdya ta arabat, a nan gwe a ko löpuggö,

Kenet 11:23

A MATAT waddi Mose adi, Könin liŋ lo MATAT a wora a lorutut le? Soŋinana do de memet kode kulyaet liŋ de popokin konut a gwak kode ’bayin.

Kenet 23:19

Ŋun ’bayin a ŋuto anyen nye ’bu ’burönö, nye ’bayin a ŋuto logon a lipo anyen nye löpuggö yeyeesi kanyit. A ko nye a jambu, a nye mo tine koŋdya le? Kode ko nye a kulya, a nye mo tine töjukin gwoso na jambi nye na le?

Matayo 16:27

Kogwon nan Ŋuro lo ŋuto mo popo ko malaikajin kwe i pirit na geleŋ i minyo lo Baba, a kirut a nan mo ropakiŋdye ŋutu liŋ gwoso i konesi kase.

Matayo 24:35

Ki ko kak mo ’du ’duddyö, ama kulyaesi kwe mo ti ’duddyö kwöŋ.

1 Samuele 15:29

Nyena köti ŋun logon ŋutu ti Yisaraele bubu lo ti jambu ’burönö kode lölöpuggö, kogwon nye ’bayin a ŋuto anyen lölöpuggö.