Ejikele 24:13 - Bibilia Buk na Ŋun nagon koti luŋu a

¹³ Do ŋina köji, ŋina lo ’dokwe a towutön nagon toluddya do na, nan a möŋu toke ’ya do, a do gwe a ko kelan, nyenagon do mo köti ti kelan tojo woran nio a ’bakakin konut loki.

Ejikele 24:13 Iomraidhean Croise

Yisaya 22:14

A MATAT lo kurumi kwekiŋdye mugun köyö, a nan yiŋge lepeŋ i kulya adi, ’Diri ŋina toron mo ti pitöki ta tojo ko ta a twatwa, lo a kulyaet liŋ lo MATAT Ŋun lo kurumi.

Yeremia 13:27

Nan aje met konesi kunok na mamana i merya loki ko mu ’diŋ yu, kweja adi lulupesi kunok, ko woŋon inot gwoso kiteŋ nagon ga ’yu luwa, se ko kulya lut ti towuton inot. Woidio Yerusalema! Do a lut, Kine kulya mo yeŋga tojo ko nanu?

Yeremia 31:18

Nan aje yiŋ Epuraima i delya adi, Do aje tojumbu nan gwoso tagwok nagon a ko diniki toraki gwuluŋi i murut, a do iŋge gwut nan.Nyökörö nan bot, ti nan böŋö yitöni, kogwon do a MATAT Ŋun lio.

Delyasi 1:9

Tolutan nanyit ’depakiŋdya kanyit i boŋgwat; a nye tine yeyeju tukara nanyit; nyenagon a ’doro nanyit gwe a ŋo sörit, a nye gwe ’bak lele ŋuto lo sugga lepeŋ. A köji gwine adi, A, pon MATAT, meddi ŋoŋga nio kogwon merok aje te ’ya!

Delyasi 5:22

Kode do ŋona ’diri aje paju yi, a do iŋge woran koyi a tömönik le?

Ejikele 16:42

A kirut nan mo tutupökiŋdye woran nio konut loki, a yinö nio mo kölökiŋdye do, a nan mo gwe taliŋ a mo tine woran köti.

Ejikele 22:24

Ŋuro lo ŋuto, taki Yerusalema adi, lepeŋ a ’jur logon lilima a ko lilimba kata, a kudu gwe a ko ’don nyin i lor lo woran.

Ejikele 24:11

A kirut ti do tiki sape logon a mölwö lo i kuk nagon a kimaŋ loki ’bak nene ŋo lukata, ti nambi nambu pape parik parik, anyen lut kanyit böŋö ’yuruŋdya kaŋo i lukata nanyit, iŋkoi, anyen lo ’dokwe nanyit ’ba’baka.

Ejikele 5:12

A swöt geleŋ na musala na ŋutu kasu mo twatwane ko twanti iŋgo, a mo tutupöni ko dyaŋ i kiden na köji nasu, a swöt geleŋ na musala mo totokoni kak ko baŋdujin i gor i turön logon lorga köji, a nan mo ratakiŋdye swöt geleŋ na musala i köbuŋötön liŋ ti kak anyen wuwuköji, a nan mo ’dutuŋdye baŋdu kaŋo a riköddi se.

Ejikele 5:13

A kirut nan mo tutuŋge woran nio, a nan mo toliŋge woran nio na pape i lepeŋat, a nan mo gwe ko taliŋ. A ko woran nio na pape aje ’baka, a se mo deŋdi adi ŋilo a nan MATAT lo jambu ko yinö.

Ejikele 8:18

Nyena nan mo kikitari woran nio i lepeŋat; a nan mo tine pitökin se, a mo tine won konyen ko se kwöŋ. Ma ’di nagon se a gwikin köyö parik a nan mo tine yiŋ se kwöŋ.

Osea 7:1

i diŋit nagon nan ködyö toliŋge Yisaraele nu, a lyaŋesi ti Epuraima se ko toron na Samaria kweyani kweya, kogwon se koŋdya kulya ’burönö, a kolak ’be ’beleŋgi kadijik ti ŋutu, a karyakak ryaggi ŋutu i kikolin.

Lewi 13:55

a koane mo gwulu ’ye nu ŋo na gwon ko ŋilo twanti i mukök na lalari nye nu. A ko pirit na gwon ko twanti na a ko löpuggö ka ’de; ma ’di ko lu twanti a ko nyalakaddu ŋerot, a ŋilu gwe a lut i kulya ti keri; a do ködyö ’yuŋe lepeŋ ko kimaŋ, ma ’di ko buggi gwon i ki ’diŋ kode i komor.

Lewi 14:43

A ko ŋilo twanti a nyöggu pukun i nu kadi, i mukök na lukuddi nye kulu ŋurupö kaŋo nu, ko na wowororikin kadi ko na lilinyöri nye nu,

Jepania 3:2

Lepeŋ ti yiŋga luŋu kwoŋ, a tine ’bon yuyuko. Lepeŋ ti yinikin MATAT, a tine mijun ko Ŋun lonyit ni.

Jepania 3:7

A nan kulyani adi, ’Diri ŋinu köji mo kukujono nan, a mo ruŋge yuyukesi nagon yuyu-korikin lepeŋ; a mo tine boŋinaŋ ŋo liŋ nagon nan a sarakin lepeŋ kune. Ama a ŋutu ti nu köji kolumbo gwe ko pusok i koŋdya na konesi kase liŋ a narok.

Jakaria 6:8

A nye maraŋgi a kulyani ko nan adi, Mete, se logon a tu i jur lo lobot kulo aje tiŋdu Mulökötyo lio i si ’da ’bura i jur lo lobot.

2 Korinto 7:1

Julin kwe lo nyanyara, kulo rukesi a milyeki yi. Nyena ti yi toke ’yi ta ’börik i lut liŋ nagon toluddya mugun se ko töili kune, anyen yi gwon a loke ’bukuluŋ i kugga na ŋun.

Kweyatti 22:11

Ti katoronyanit yeŋe toroŋdya, ko ti ŋuto logon a lut yeŋe toluddya mugun, ko ti ŋuto lo rigwo yeŋe koŋdya rigwo, ko ti ŋuto loke yeŋe gwon a loke.