Ejikele 24:11 - Bibilia Buk na Ŋun nagon koti luŋu a

¹¹ A kirut ti do tiki sape logon a mölwö lo i kuk nagon a kimaŋ loki ’bak nene ŋo lukata, ti nambi nambu pape parik parik, anyen lut kanyit böŋö ’yuruŋdya kaŋo i lukata nanyit, iŋkoi, anyen lo ’dokwe nanyit ’ba’baka.

Ejikele 24:11 Iomraidhean Croise

Yisaya 1:25

A nan mo wöriguŋdye könin liŋ konut, a nan mo namara lut kunök kaŋo, a nan mo ’dumaddi ŋo nagon a ŋolaki kata.

Yisaya 27:9

Nyenagon a lyaŋesi ti kötumit na Yakobo mo tolikani sona, a kulya nagon joŋga toronjin kanyit kaŋo kune mo gwe i kine kulya, kweja adi a nye mo gwagwalaŋgi salesi liŋ ti piritön ’yuresi ti rubaŋgajin anyen gwon gwoso ŋurupö lorgo-yo, a tine kölökiŋdyö kaden ti mian logon a Asera kode ’yuresi ti bökur i gwo ’dan ki köti.

Yisaya 4:4

A i nu diŋit nagon MATAT aje lalaaddu kaŋo lut ti ŋutu wate ti Siona nu, a nye aje toke ’ya Yerusalema ko köbuŋöt ’duget lo putet logon a tukaret, i kulya ti rima ti ŋutu logon a twatwa kata.

Yeremia 21:10

Nan MATAT lo kulya adi, Nan a komorga ŋina köji i kona­kiŋdya na lepeŋ ŋo naron ti gwon a ŋo na ’but; a ŋina köji mo ŋutu kine i konisi ti mor lo Babela, a lepeŋ mo ’yuŋe nye ko kimaŋ.

Yeremia 32:29

A ŋutu ti Kaledea logon mörö ko na köji kulo mo poŋdi i ’yuŋa na na köji; iŋkoi, se mo ’yuŋa kadijik nagon ŋutu ’yuŋa bökur i lo ’deka kase a ti Bala, a ’buŋge rubaŋgajin ’bu ’bukesi a ti kulye ŋunyen a iŋge towör nan kune.

Yeremia 37:10

Ma ’di ko ta bubulö te ’ya kamörök liŋ logon a ŋutu ti Kaledea logon mörö ko ta kulo, a kulye lo pituŋdyö logon a böböŋöji a roggi kak kase i kemialan kulo, kölumbö kilo ŋutu mo ŋiŋien ki i ’yuŋa na ŋina köji ko kimaŋ.

Yeremia 38:18

Ama ko do a ko wukiŋdya mugun ko temejik ti miri na mor lo Babela i könisi, nyena na köji mo wuwuki i könisi ti ŋutu ti Kaledea, a se mo ’yuŋe lepeŋ ko kimaŋ, a do mo tine rwösöddu kase i könisi.

Yeremia 39:8

a ŋutu ti Kaledea ’yuŋe kadi na mor se ko kadi­jik ti ŋutu, a se iŋge tuŋö ŋorom nagon a mariŋ na Yerusalema kak.

Yeremia 52:13

A nye ’yuŋe kadi na MATAT, ko kadi na mor, ko kadijik liŋ ti Yerusalema ko kimaŋ; iŋkoi, nye a ’yur kadijik dumalak liŋ.

Ejikele 20:38

A nan mo nyunyumbe katoronyak ko se lo toroŋdya nan kilo kaŋo kasu kiden. A nan mo joŋdi se kaŋo i jur logon se sisi ’dari a lepelok ŋilo, ama se mo ti lupö i jur lo Yisaraele kwöŋ. A kirut ta mo dene den adi nan logon a MATAT.

Ejikele 24:10

’Du ’duluki kaden nyin, to ’depaki kimaŋ, dere der lokore ’bura, yure yur kigwo a nadö ’dikök, ti kuyu noke nokan.

Ejikele 36:25

A nan mo gwagwaddi ta ko pioŋ nake, a ta mo tokelani tokela i lut kasu liŋ, a nan mo toke ’yi ta i nyömuejin liŋ logon a punyen kasu kilo.

Malaki 4:1

Nan MATAT lo kurumi lo kulya adi, Mete ta, ŋilu lor mo popo logon ’yu ’yuŋa gwoso pirit namet, logon kabulak ti kusik se ko katoronyak liŋ mo gwe gwoso kuku; a ŋilu lor lo popo lu mo ’yuraddi se kaŋo, a mo tine kolokin se nene kokorite kode kene.

Matayo 3:12

A nye gwe ko köbi setet kanyit i konin, a nye moseddi ’bolot liŋ lo gwon kanyit i pirit gwutet na ’bolot kulo, a yuŋdye ’bolot kanyit i gugu, ama a nye mo ’yuŋe pudi ko kimaŋ nagon ti bulö peŋa.