Ejikele 23:9 - Bibilia Buk na Ŋun nagon koti luŋu a

⁹ Nyenagon nan aje wukin lepeŋ i könisi ti kanyarak kanyit logon a ŋutu ti Asura, logon nye nyanyar ko pusök kulo.

Ejikele 23:9 Iomraidhean Croise

2 Moran 15:29

A i perok ti Peka mor lo Yisaraele, a Tigilat-pileser mor lo Asura poni ŋo, a te ’yi Iwon ko Ebele-bete-maka, ko Yanoak, ko Kedese, ko Kasor, ko Gilada, ko Galilaya, ko jur liŋ lo Napatali; a nye joŋgi kilu ŋutu Asura yu a ’dupi.

2 Moran 17:23

tojo ko MATAT a riköro Yisaraele kaŋo kanyit i komor, gwoso na jambi nye i kutusen ti köliŋönök kanyit liŋ logon a nebijin. Nyena a ŋutu ti Yisaraele joŋani kaŋo i jur lose tojo ko Asura a gwe nyu teŋ ko lo lor.

1 Dekat 5:26

A Ŋun lo Yisaraele toŋiji yeyeesi ti Pula mor lo Asura, se ko yeyeesi ti Tigilat-pileneser mor lo Asura, a nye joŋgi kotumit na Rubena, ko kotumit na Gada, ko swot lo kotumit na Manase tojo ko Kalak, ko Kabor, ko Ara, se ko kare Gojan, anyen si ’da nyu tojo ko lo lor.

Yeremia 3:8

Lepeŋ a met nan i sunyukiŋdyö na Yisaraele nagon tu kaŋo köyö na, nan a sunyukin lepeŋ ko waraga yanyet kogwon lulupesi kanyit liŋ, a kiaser nanyit Yuda nagon a kadumanit na nyuŋ ti kujönö, ama a lepeŋ köti biryeri mugun gwoso kalupe.

Yeremia 4:30

Ama do köji nagon a murwo, ko nyo do gwon gwoso ŋuto nakwan nagon a jupu boŋgwat na ’bule a jupukiŋdye minyojin logon a dakap, a tokweleŋdi konyen kulok ko buya anyen meta a lugalaŋak? Do tokweleŋdu mugun ko kana. Kanyarak kulok ’do ’do do; lepeŋat ga ’yu tatuja do.

Ejikele 16:37

nyenagon mete, nan mo tutun kanyarak kulök liŋ logon ta tulyoŋgu ’börik i pirit na geleŋ kilo, kweja adi se liŋ logon do nyanyar kilo se ko logon do maman kilo. A nan mo tutunuŋdye se liŋ i swötön liŋ i moro ko do, a nan mo panyakiŋdye lepeŋat to ’busön inot, anyen se meddya do i gwon a limu kana.

Ejikele 23:18

A na kwekiŋdye nye towutön nanyit köke, a panyakiŋdye to ’busön nanyit köke nu, a kirut nan löpukuŋdye kaŋo kanyit a dara tine ’bön lepeŋ, gwoso na kölökiŋdye nan kiaser nu.

Ejikele 23:22

Nyenagon do Oliba, mete, nan MATAT ŊUN lo kulya adi, Nan mo totoŋiun kanyarak kulök i mörö ko do. Kilo a kanyarak logon do köju a löpukuŋdyö kaŋo kase ko dara ti ’bön se kulu, a nan mo joŋdi se i swötön liŋ konut ni i mörö ko do;

Osea 11:5

Ama se a renya yitwe köyö ni, nyena a se mo yitöni i jur lo Ejipeto, a Asura mo gwe a mor lose.

Kweyatti 17:16

A oŋgwora puök lo met do kilo, se ko ŋilo gworoŋ, lepeŋat mo maman ŋina kawute; a se mo kölökiŋdye lepeŋ ’bak nene oŋ, a rösöddi boŋgwat kanyit kaŋo, a mo nyesi mugun nanyit a ’yuŋe lepeŋ ko kimaŋ.