Ejikele 23:8 - Bibilia Buk na Ŋun nagon koti luŋu a

⁸ A lepeŋ gwe a ko kölökin wutön nagon nye köju a kon ’beron i perok lo gwoŋdi nye Ejipeto yu kulu; kogwon ŋutu lyan a dotori lepeŋ i tukö ’disen nanyit, a iŋge mumusuk kido nanyit nagon nye nyuŋ gwon a kö ’disityo nu, a tulyöŋgi lepeŋ ko towutön nase.

Ejikele 23:8 Iomraidhean Croise

1 Moran 12:28

A mor iŋge denuŋdya jujuwet ko ŋutu kanyit, a nye teteŋdi kaja murek logon a dakaŋ. A nye kulyani ko ŋutu ti Yisaraele adi, Ta ŋutu ti Yisaraele, ta aje wörö Yerusalema ko diŋit a najo. Ŋunyen kasu makulo, logon a joŋdya ta kaŋo i jur lo Ejipeto.

2 Moran 10:29

Ama Yeu a ko löpuggö i toronjin ti Yerobama ŋuro lo Nebat, nagon nye a tiŋdi Yisaraele i toroŋdya kune, kweja adi kaja ti dakap na gwon Betele ko Dan kulo.

2 Moran 17:16

A se paji saresi liŋ ti MATAT Ŋun lose, a tetenakiŋdye ’börik nyömuejin murek ti kaja nagon a mölwö nagon aje tolusökö; a se teteŋdi ködini lo mian logon a Asera, a kwakwaddi kaser liŋ ti ki, a kitakiŋdye Bala.

Yuörö 32:4

A nye kirut wuyuŋdye se kase i könisi, a tolusoggi se, a niddye se a tagwok; a se kulyani adi, Ta Ŋutu ti Yisaraele, makilo punyen kasu logon a joŋdya ta kaŋo i jur lo Ejipeto kulo.

Ejikele 20:7

Nan a takin se adi, Ta liŋ geleŋ geleŋ, gubara ta ŋo kasu na mamana kaŋo nagon tulyöŋgu konyen kasu kine, an ta ko toluddya ta ’börik ko nyömuejin logon a ŋunyen ti Ejipeto. Nan logon a MATAT ŊUN losu.

Ejikele 23:19

Kölumbö a nye ’ya ’yi towutön nanyit, yeyeju perok kanyit ti tukö ’disen kulu na biryeri nye mugun a kawute i jur lo Ejipeto nu.

Ejikele 23:21

Nyena lepeŋ ga ’yu wutön na tukö ’disen nanyit, na mumusuŋge ŋutu ti Ejipeto kido nanyit, a nonotoji kinasi kanyit logon nyuŋ susuja köju nu.

Ejikele 23:3

A lepeŋat iŋge biryeri ’börik a kawutejin i jur lo Ejipeto i diŋit nagon se nyuŋ gwon a kö ’disi nu, a kidoni kase iŋge mumusuka nyu, a kinasi kase logon nyuŋ susuja kulo iŋge nonotatu.

Ejikele 23:34

a do mo möji ko ŋilo kopo, a titiyaddi nyot kanyit, a nyaka ’yi ŋilo kopo a na ’di ’dik na ’di ’dik, a ’du ’dupuje kinasi kulök. Kogwon kine a po nagon nan MATAT Ŋun aje jambu.

Kweyatti 11:8

A öpuö kase mo gwe i kiko lo köji duma nagon a luŋu ko lilim adi Sodoma kode Ejipeto. Ŋina köji Matat lose a ’bikiki i ködini na gorö.