Ejikele 23:5 - Bibilia Buk na Ŋun nagon koti luŋu a

⁵ A Ola iŋge biryeri mugun a kawute na gwoŋdi nye a narakwan nio nu; a lepeŋ gwe ko pusök i nyaŋu na kanyarak kanyit logon a ŋutu ti Asura.

Ejikele 23:5 Iomraidhean Croise

1 Moran 14:16

A nye mo wukiŋdye ŋutu ti Yisaraele kogwon toronjin ti Yerobama, nagon nye a toroŋdi ko nagon nye a tiŋdi ŋutu ti Yisaraele i toroŋdya kune.

1 Moran 14:9

ama do aje koŋdya a naron lwölwöŋ kasarak liŋ logon konut ŋerot kulu, do aje girara i tetenakiŋdya na mugun kulye punyen, ko pöjinö nagon ninitö, a iŋge towoŋa nan, a lopukökiŋdye nan ki ’diŋ.

1 Moran 15:26

A nye koŋdi ŋo nagon a naron ko MATAT i metet, a nye wöröni i kiko lo monye lonyit, ko i toron nanyit nagon nye a tiŋdi Yisaraele i toroŋdya na.

1 Moran 15:30

Kine kulya a ŋokin kogwon toronjin ti Yerobama nagon nye a toroŋdi ko köti a tiŋdu Yisaraele i toroŋdya kune, köti kogwon nye a towoŋa MATAT Ŋun lo Yisaraele.

1 Moran 21:26

Lepeŋ a koŋdya ŋo na mamana i keŋoddu nanyit na nyömuejin, gwoso na koŋdi ŋutu ti Amori logon MATAT a rikörö kaŋo ko ŋutu ti Yisaraele i komor kulu.

2 Moran 15:19

A Pula mor lo Asura poni i mörö ko ŋilu jur; a Menakem tiŋdi Pula ŋö-do nagon temuŋdya a talentajin aliŋ geleŋ, anyen Pula böŋö parakiŋdya lepeŋ i togo ’yu na tomoran nanyit.

2 Moran 16:7

A Akaja soŋdi luyökie ko Tigilat-pileser mor lo Asura yu kulya adi, Nan a köliŋönit ilot ko a ŋuro ilot. Poŋdi ko lwök nan i könin lo mor lo Suria ko i könin lo mor lo Yisaraele logon kulo a pikin i mörö ko nan.

2 Moran 17:3

A Salumaneser mor lo Asura poni i möro ko lepeŋ; a Osea ŋoŋdi a ’dupiet lonyit, a jakiŋdye lepeŋ usur.

Yeremia 50:38

Kolor juŋ a luruki kanyit anyen se ködyö wewereyo! Kogwon nye a jur lo nyömuejin, a se gwe a mamala ko nyömuejin kase logon a ŋunyen tokujönöesi kulo.

Ejikele 16:28

Do koti a birye wuton ko ŋutu ti Asura kogwon do nyuŋ gwon ko magor lo wutön; iŋkoi, do a birye wutön ko lepeŋat ama a do gwe a ko yimönö asut.

Ejikele 16:37

nyenagon mete, nan mo tutun kanyarak kulök liŋ logon ta tulyoŋgu ’börik i pirit na geleŋ kilo, kweja adi se liŋ logon do nyanyar kilo se ko logon do maman kilo. A nan mo tutunuŋdye se liŋ i swötön liŋ i moro ko do, a nan mo panyakiŋdye lepeŋat to ’busön inot, anyen se meddya do i gwon a limu kana.

Ejikele 23:12

A lepeŋ gwe ko pusök i nyaŋu na ŋutu ti Asura, logon a mödirön ko yumiat kase, ko a ŋutu walan logon a jupu tito möriesi, ko ŋutu lo wörö ko kusanjin, kilo ŋutu liŋ a teton logon ŋwajik wate nyanyar.

Ejikele 23:16

A na meddi ŋina ŋuto kine ŋöjinö nu, a nye nyaŋi se ko pusök, a sonyoddi ŋutu kanyit i jur lose Kaledea yu.

Ejikele 23:20

A lepeŋ gwe ko pusök i nyaŋu na ŋutu lyan logon a kawutejin nyu, logon swötön ti mugunya kase gwoso ti kaineki, logon kula kase jore gwoso ti kusanjin.

Ejikele 23:4

Karin kase a ko Ola nagon a kayu, ko Oliba kiaser nanyit loponi. A lepeŋat iŋge wora a wate kwe, a iŋge yupuŋdyö ŋwajik lulyan ko nawate. Karin kase kweja adi Ola a Samaria, a Oliba gwe a Yerusalema.

Ejikele 23:7

A Ola iŋge biryeri mugun a kawute ko ŋutu liŋ ti Asura logon a togeleŋ i kwelen, a lepeŋ iŋge toluddya mugun ko nyomuejin liŋ logon a ŋunyen ti kilu ŋutu liŋ logon nye nyanyar ko pusök kulo.

Ejikele 23:9

Nyenagon nan aje wukin lepeŋ i könisi ti kanyarak kanyit logon a ŋutu ti Asura, logon nye nyanyar ko pusök kulo.

Osea 10:6

A ŋina nyömue mo joŋani Asura ’dokari mor duma; a kötumit na Epuraima mo toyuöne kusik, iŋkoi, kötumit na Yisaraele mo toyuö kusik kogwon ŋo na yeye se i teteŋdya na.

Osea 12:1

Kötumit na Epuraima yuggu köbuŋöt, a kepoddi köbuoöt lo ’yure tuparan ’bukuluŋ; lepeŋat tuŋdijö ’burönö ko ŋonyesi, a lepeŋat teteŋdi tomoret ko ŋutu ti Asura, a welesi yekajine Ejipeto.

Osea 5:13

A na meddi Epuraima twanti lose, na meddi kotumit na Yuda ’dika nase nu, a kirut Epuraima iti Asura, a sonyoddi ŋutu ko mor duma yu. Ama lepeŋ ti bulo tobia ’yu ta, kode toligga ’dika nasu.