Ejikele 23:47 - Bibilia Buk na Ŋun nagon koti luŋu a

⁴⁷ a yodom na ŋutu mo gugubuje se ko ŋurupö, a tatuje se ko baŋdujin; a se mo tatuje ŋwajik kase lulyan ko nawate, a ’yuŋe kadijik kase.

Ejikele 23:47 Iomraidhean Croise

Yeremia 32:29

A ŋutu ti Kaledea logon mörö ko na köji kulo mo poŋdi i ’yuŋa na na köji; iŋkoi, se mo ’yuŋa kadijik nagon ŋutu ’yuŋa bökur i lo ’deka kase a ti Bala, a ’buŋge rubaŋgajin ’bu ’bukesi a ti kulye ŋunyen a iŋge towör nan kune.

Yeremia 39:8

a ŋutu ti Kaledea ’yuŋe kadi na mor se ko kadi­jik ti ŋutu, a se iŋge tuŋö ŋorom nagon a mariŋ na Yerusalema kak.

Yeremia 52:13

A nye ’yuŋe kadi na MATAT, ko kadi na mor, ko kadijik liŋ ti Yerusalema ko kimaŋ; iŋkoi, nye a ’yur kadijik dumalak liŋ.

Ejikele 23:25

Nan mo yiyinöri do arabat, anyen se ködyö kitari do ko woran na pape. Lepeŋat mo ’du ’duŋun kumesikö se ko swö ti ŋutu kulök kaŋo, a ŋutu kulök lo pituŋdyö kulo mo tatuani ko baŋdujin. A lepeŋat mo momokaddi ŋwajik kulök lulyan ko nawate, a ŋutu kulök lo pituŋdyö mo totumöni ko kimaŋ.

Ejikele 23:29

a se mo kitari do ko maŋdu, a joŋgi ŋo kunök liŋ na kitaun do kine, a kölökiŋdye do kana a gwe ’busön, a to ’busön na towutön inot mo metani köke. Towutön se ko toluŋ inot

Ejikele 23:48

A nan mo to ’duddye towutön i jur, anyen ŋutu wate liŋ ködyö kukujönö koŋdya towutön gwoso na koŋdi se na.

Ejikele 24:21

Taki kötumit na Yisaraele adi, MATAT ŊUN lo kulya adi, Mete, nan mo kökör pirit nio nake na rurwan nagon ta bu ’ye ’borik adi ta a iŋgo ŋina, ko ŋo nagon konyen kasu a lyöŋgi na, se ko ŋo nagon töilyet kasu ’de ’deggi na; a ŋwajik kasu lulyan ko nawate nagon ta a kölökin yu kunu mo totokoni kak ko baŋdujin.

Ejikele 24:6

Nyenagon nan MATAT ŊUN lo kulya adi, Wöidiö köji nagon a jore ko katatuak! Wöidiö köji na gwon gwoso sape logon a mölwö logon a lo ’dokwe lukata, logon lo ’dokwe nanyit a ko lala aji kaŋo! ’Dume tupesi kaŋo i lukata nanyit abur ’bak nyunyumbö.

Ejikele 9:6

Tatuje ta, tukaŋi ta se liŋ asut, kweja adi ŋutu muduŋin, ko teton, ko kö ’disi, ko lupudiet se ko ŋutu wate, ama ko ’bo ’yu ta ŋutu logon gwon ko gwuluet kulo. Suluje ta tatuaddu ni köyö i pirit nake na rurwan. Nyena a lepeŋat suluje tatuja ŋutu temejik lo gwon i komor na kadi na ŊUN kulo.

Lewi 20:10

A ko lele ŋuto a lubbö nakwan na leŋe, a ŋilo kalupönit se ko kalupe na ködyö tatuani tatua.

Nyökit 13:16

A ta ködyö kwokwötuŋdye mokat ti nu köji liŋ i kiden na terere nanyit, a ta ’yuŋe nu köji ko mokat kanyit liŋ, gwoso rubaŋga lo ’yuraki MATAT Ŋun losu ’buluŋ; a nu köji mo yeŋoro a ruba ŋupi, a mo tine ’dukö köti.