Ejikele 23:41 - Bibilia Buk na Ŋun nagon koti luŋu a

⁴¹ a se si ’dani i dotoesi nakwekwelen, a iŋge petakin misajin kase i komor nagon se tiŋdi bökur lio se ko welet nio.

Ejikele 23:41 Iomraidhean Croise

Esetere 1:6

A ŋinu pirit iŋge gomo ko boŋgwat na leleyo i togwi ’diesi ti ŋurupo nakwe nakwekwelen. Kinu boŋgwat a gweya ko waratat nakwe ko naŋem, a iŋge toraki i kulye togwi ’diesi logon ko re nagon a pödö. Patala toresi kase a tetena ko boŋgwat nakwe ko na ’bule. A dotoesi nagon a tetena ko dakaŋ ko pödö kune koti gwe nyu i pirit na linyo ko ŋurupo lo ’di ’dik ti gweyarijin ka ’de ka ’de lokwekwelen.

Yisaya 57:7

Ta aje tu i mere lojo ki i ’duŋgö na rubaŋga gwoso kalupe na peddya dotoet nanyit,

Yisaya 65:11

Ama talogeki i papaju nan MATAT, ta logon böböŋöri mere liŋ loke, ta logon jakiŋdya ŋun lo luŋu a Gada kinyo, a ta töjoreji matesi ti binyo na ŋoŋola ti lo luŋu a Meni;

Yeremia 44:17

Yi mo kökon ŋo liŋ nagon yi a milyeju adi yi mo kökon kune, kweja adi yi mo ’yurakiŋdya mor na ki bokuron, a mo ’bukökiŋdye lepeŋ rubaŋgajin ’bu ’bukesi, gwoso na koŋdi yi ko merenyejin kaŋ, ko moran kaŋ, se ko temejik kaŋ i köjinö ti Yuda se ko i kikolin ti Yerusalema köju nu. Kogwon i nu diŋit yi gwon ko kinyo a duma, a yi si ’dani ’bura, a tine meddya ŋo narok i po.

Ejikele 41:22

gwoso pirit ’yuret na rubaŋgajin. Jolan nanyit ki a lokiliŋan musala, a jolan nanyit kak gwe a lokiliŋan murek, a tugalaŋ nanyit gwe a lokiliŋan murek; a gopesi kanyit, ko kak nanyit, se ko mara kanyit gwe a kaden. A ŋilo ŋuto takiŋdye nan adi, ŋina a misa na gwon ko MATAT i komor.

Ejikele 44:16

Lepeŋat ködyö lo lupö i pirit nio nake na rurwan, a lepeŋat miju nyona ko misa nio anyen kitakiŋdya nan, a se lo ’debbi jujuwesi kwe.

Ejikele 6:13

A kirut ta mo dene den adi nan a MATAT, na dotori öpuö ti ŋutu kasu lo tatua i kiden na nyömuejin kase logon a ŋunyen lorga piritön kase ’yuresi ti rubaŋgajin, i lurwat liŋ loki, ko i kusik ti merya liŋ, ko i mukökö ti kaden liŋ lo rurwan se ko i mukökö ti rinö lobot liŋ, kweja adi i piritön liŋ nagon se wukiŋdye nyömuejin kase liŋ rubaŋgajin lo mon paleleŋ kune.

Amosa 2:8

A ŋutu ti Yisaraele pere kak i loki na boŋgwat nagon a ’dumwe a togwoesi kune nyona ko piriton ’yuresi liŋ ti rubaŋgajin, a lepeŋat moji binyo i kadi na ŋun lose ti ŋutu logon se aje garam kulo.

Amosa 6:4

Wöidiö i ŋutu lo piriki i dotoesi na tokwelenyo ko kala ti tome, a rikiŋdye ’börik kase i dotoesi, a nyesi yisi lo ’dumwe i teŋ na yidin, se ko kaja na ’dumwe i goro;

Malaki 1:7

Ta a lauŋdya karin kwe kogwon ta a wukiŋdya kinyo logon a lut koyo i pirit ’yuret na rubaŋgajin. A ta waddi pija adi, Yi tolut do ada? Adi, Kogwon ta yeyeju adi, Misa na MATAT ’bayin a nene ŋo.

1 Samuele 28:23

A nye renyani renya adi, Nan ti nyesu asut. Ama a köliŋönök kanyit mora ko na ŋuto ri ’deŋ lepeŋ; a nye yiŋge gworolo kase. A kirut nye ŋiu ki i ŋutut, a si ’dakine i dotoet loki.