Ejikele 23:4 - Bibilia Buk na Ŋun nagon koti luŋu a

⁴ Karin kase a ko Ola nagon a kayu, ko Oliba kiaser nanyit loponi. A lepeŋat iŋge wora a wate kwe, a iŋge yupuŋdyö ŋwajik lulyan ko nawate. Karin kase kweja adi Ola a Samaria, a Oliba gwe a Yerusalema.

Ejikele 23:4 Iomraidhean Croise

1 Moran 12:20

A gwe sona a ŋutu liŋ ti Yisaraele ko yiŋge adi Yerobama aje yitwe, a se sonyoddi ŋuto i luŋgu na lepeŋ kase i momoret; a tiŋdi lepeŋ a mor lo Yisaraele liŋ. A lele ŋuto gwe ’bayin lo kebbu nyakwariat ti Dawidi, tuŋ ŋutu ti kötumit na Yuda ka ’de.

1 Moran 8:29

Ti konyen kulök böŋö gwe ŋa i meddya na na kadi ko tukwaje ko tuparan, na pirit nagon do aje kulyari adi karin kunök mo gwon nyu, anyen do boŋo yiŋga kwakwasesi nagon nan köliŋönit ilot wuwukin i na pirit kune.

Saumajin 76:2

Mor ŋgo nanyit gwon Yerusalema, ŋirit si ’daet nanyit gwon Siona.

Yeremia 3:6

A i perok ti mor Yosia a MATAT pije nan adi, Do a met ŋo nagon Yisaraele a kon i tu nanyit kaŋo köyö a iti i ko ’dulan liŋ ti merya ko i mukökö ti kaden liŋ logon rurwan, a nye biryeri mugun gwoso kalupe nyu?

Yeremia 3:7

A i mukök nagon nye aje koŋdya kine ŋo liŋ nu, a nan kulyani ko lepeŋ adi. Yitwene bot köyö ni, ama a lepeŋ tine ’bön yitwe, a kiaser nanyit Yuda nagon a kadumanit na iŋge met kine kulya.

Ejikele 16:20

a do ’dumuŋdye ŋwajik kulok lulyan ko nawate, logon do a yuŋwekin nan kulo, a wukiŋdye kilo nyomuejin a kinyo lose. Do yeyeju adi ŋina ŋo a na ’dit Iwolwoŋ wuton inot le?

Ejikele 16:40

A se mo joŋdi lodir lo ŋutu i mörö ko do, a se mo gugumbe do ko ŋurupö, a totoggi do a na ’di ’dik na ’di ’dik ko baŋdujin kase.

Ejikele 16:46

A kiösur duma gwe a Samaria nagon si ’da i swöt lo lobot se ko ŋwajik kanyit; a kiaser inot na ’dit gwe a Sodoma nagon si ’da i swöt lo loki se ko ŋwajik kanyit.

Ejikele 16:8

A na lwöŋöddi nan koti konut nyona nu, a nan meddi do, mete, a do gwe a nagon jujukin i yema, a nan panyakiŋdye kume lo boŋgo nio konut loki a muŋge to ’buson inot, iŋkoi, a nan iŋge milyekin do a teteŋdi tomoret ko do, a do iŋge wora a nio. ŋilo a kulyaet lio lo MATAT ŊUN.

Ejikele 23:3

A lepeŋat iŋge biryeri ’börik a kawutejin i jur lo Ejipeto i diŋit nagon se nyuŋ gwon a kö ’disi nu, a kidoni kase iŋge mumusuka nyu, a kinasi kase logon nyuŋ susuja kulo iŋge nonotatu.

Ejikele 23:36

A MATAT kulyani ko nan adi, ŋuro lo ŋuto, do ŋona gwon ajo i ’dupökiŋdyö na Ola se ko Oliba putet le? A na ’but, kwekiŋdye se konesi kase na mamana kine.

Ejikele 23:44

Kogwon se a tu ko lepeŋat yu, gwoso na tiri ŋutu lyan ko ŋutu nagon a kawutejin yu na. Nyena a se iti ko kunu kawutejin yu nagon a ko Ola se ko Oliba.

Ejikele 23:5

A Ola iŋge biryeri mugun a kawute na gwoŋdi nye a narakwan nio nu; a lepeŋ gwe ko pusök i nyaŋu na kanyarak kanyit logon a ŋutu ti Asura.

Osea 1:3

A kirut lepeŋ iti tu a joŋdi Gomer nuro na Dibilayim, a nye piŋge pigga, a yuŋwekiŋdye lepeŋ ŋuro lulalet.

Osea 2:7

Nye mo kekeporo kanyarak kanyit, ama a nye mo tine ryo se, nye mo gagalara se, ama a nye mo tine ŋu se. A kirut nye mo kulyani adi, Nan mo yiyitwe i lalet lio lo kokwe, kogwon koju a na ’but koyo Iwo-lwöŋ na soŋinana na.

Yoane 4:22

Ta ŋutu ti Samaria ti den ko ta kwakwaddu ŋa; ama yi kwakwaddu nye logon yi deden lo, kogwon lwökit piŋiluŋdya ko Yudayaki.

Roma 7:4

Köti gwon sona luŋasirik kwe, ta aje morakiŋdya ko Kristo i mugun, a ta iŋge twatwa a gwe ’bayin i kulya ti Saresi, anyen ta böŋö gwon a ti lele ŋuto, kweja adi a ti nye lo toŋiyu i twan lo, anyen yi böŋö raradan ludweki ti Ŋun.