Ejikele 23:39 - Bibilia Buk na Ŋun nagon koti luŋu a

³⁹ A nagon se aje ’duŋökiŋdyö nyömuejin logon a ŋunyen kase kulo ŋwajik kase a rubaŋgajin nu, a se iti i koŋu na pirit nio nake na rurwan i lor lo geleŋ lu; kine a po nagon se a kon köyo kadi.

Ejikele 23:39 Iomraidhean Croise

2 Moran 21:4

A nye ’duŋge piritön ’yuresi ti rubaŋgajin i kadi na MATAT, nagon MATAT a kulyari adi, Nan mo tiŋdu karin kwe Yerusalema na.

2 Moran 21:6

A nye ’yuŋe ŋuro lonyit a rubaŋga, a nye koŋdi dolesio, a nye kitani ko ŋutu logon do ’ya ko kwen ti mulökö, se ko kawanak. A nye koŋdi ŋo narok jore ko MATAT i metet, i towoŋa na lepeŋ.

Yisaya 3:9

Komorsikan kase ka ’du ’duŋak na gökiŋdyö se; se koŋdya toronjin kase kaŋo gwoso ŋutu ti Sodoma, a tine muk se. Wöidiö, ködudwölön kase! kogwon se a jakiŋdya ’börik toron.

Yeremia 11:15

Ko nyo ŋuto nio nanyanyara gwon köyö kadi ko nye a koŋdya konesi nagon a lut? Lokorio nagon do a ’duŋ a rubaŋgajin ŋona bubulö ’dumaddu toronjin kunök le? Do ŋona bubulö lyöŋon le?

Yeremia 23:11

Nebijin mora ko koanejin ti twöju nan Ŋun, nan aje ryö toronjin kase ma ’di köyö kadi. Kilo a kulyaesi kwe ti MATAT.

Ejikele 20:39

Nyena ta kötumit na Yisaraele, nan MATAT Ŋun lo kulya adi, A na ’but, ti ta liŋ geleŋ geleŋ iti i kwakwaddu na nyömuejin kasu logon a punyen, ama i mukök ta ’diri mo yiyiŋ nan, a ta mo tine köŋu karin kwe nake ko ’dokesi kasu se ko nyömuejin kasu logon a punyen kilo.

Ejikele 22:8

ŋutu kulök a lanu po kwe nake na rurwan, a iŋge kör sabatajin kwe.

Ejikele 23:38

A se köti iŋge konakin nan ŋina ŋo: kweja adi se aje köŋu pirit nio nake na rurwan i lor lo geleŋ lu a köŋi sabatajin kwe.

Ejikele 44:7

Ta aje rukuŋdyö Lwaka logon töilyet kase se ko mugunya kase a ko tawero kilo anyen gwon i pirit nio nake na rurwan, i tolu-ddya na kadi nio i diŋit nagon ta wukiŋdya nan kinyo lio nu, kweja adi kine a lokorio nagon a welesi se ko rima, a lepeŋat iŋge ’beleŋgu tomoret nio a ’ya ’yi konesi kasu na mamana kine.

Ejikele 5:11

Nyenagon nan MATAT Ŋun lo kulya sona adi, ’Diri ’diri gwoso na gwoŋdi nan na, nan mo tutukar ta, a nan mo tine pitökin ta, a nan mo tine won konyen ko ta kogwon ta a toluddya pirit nio nake na rurwan ko ŋo kasu liŋ nagon a lut, se ko ŋo kasu liŋ na mamana.

Ejikele 8:16

A kirut lepeŋ joŋgi nan i ’baŋ lo lukata lo kadi na MATAT; a nan meddi ŋutu merya murek wot mukanat i kötumit na kadi na MATAT i kwake na baraŋöa se ko pirit ’yuret na rubaŋgajin. Kilö ŋutu gwon i twöju na kolor i nyerun nanyit, ki ’dirinö kase boŋaddu i kadi na MATAT a komorsikan meddi swöt lo ’yure.

Mika 3:11

Ŋutu kanyit temejik ’duŋgo putesi ko ŋo na ropaki a Iwon, a koanejin todiŋdye ko ropesi, a nebijin koŋdi to ’bunun ko gurut; ama se toggu ’borik ko MATAT, a pipije adi, MATAT gwon kayaŋ kiden, ’bayin sona le? ŋo naron ’bayin nagon pokin kayaŋ loki.

Yoane 18:28

A se nyömuŋdye Yesu kaŋo ko Kayapa kadi, a joŋgi lepeŋ i modoria. A gwe a waran na kak. A Yudayaki gwe a ko lupö i mödöria lukata an se ko toluta i kulya ti keri, ama se bubulö nyesu Pasaka.