Ejikele 23:36 - Bibilia Buk na Ŋun nagon koti luŋu a

³⁶ A MATAT kulyani ko nan adi, ŋuro lo ŋuto, do ŋona gwon ajo i ’dupökiŋdyö na Ola se ko Oliba putet le? A na ’but, kwekiŋdye se konesi kase na mamana kine.

Ejikele 23:36 Iomraidhean Croise

Yisaya 58:1

Wogoro ki parik; an do ko dara, ti gworo ilot woge gwoso tore, tukökiŋdye ŋutu kwe tukwölöŋesi kase, takiŋdye kötumit na Yakobo toronjin kase.

Yeremia 1:10

Meddi, i lo lor nan aje tiŋdu do a ’duma lo jurön ko a duma lo tumatyanŋin anyen gwunyuŋdyö se kaŋo ko, anyen dukakiŋdya se kak, anyen köŋu se ko anyen söpuggö se, köti anyen to ’duŋö se ko anyen ’yuddu se anyen raradan.

Yeremia 11:14

Nyenagon do Yeremia, an do ko kwakwaddu kogwon kilo ŋutu, an do ko ’doggu gworo ilot ki i gwien ko nan kode i momo ’yu i kulya kase, kogwon nan mo ti yiŋ na luŋgi se nan i diŋit nase nagusu nu.

Yeremia 14:11

A MATAT takiŋdye nan adi, An do ko kwakwaddu i kulya ti gwolor na ’but na kulo ŋutu.

Delyasi 2:14

Nebijin kulok aje metakiŋdya do kulya kase i toilyet nagon a ’burönö ko a mumulukesi, se a ko timun lyaŋesi kunok anyen nyokuŋdyo do kaŋo i to ’dupien, ama se aje metakiŋdya do kulya kase i toilyet nagon a ’burönö ko a tulyaŋesi.

Ejikele 16:2

Ŋuro lo ŋuto, kweki Yerusalema ŋo kanyit na mamana.

Ejikele 20:4

Ŋuro lo ŋuto, do ŋona ti lilija lepeŋat? Do ŋona ti ’duŋökiŋdyö lepeŋat putesi le? Ti lepeŋat dene den ŋo na mamana na kon merenyejin kase kune,

Ejikele 22:2

Ŋuro lo ŋuto, do ŋona gwon ajo i ’dupökiŋdyö na köji putet nagon ŋutu kanyit a katatuak? Do ’diri ’du ’dupökin lepeŋ putet a kwekiŋdye lepeŋ po kanyit liŋ na mamana na kon ŋutu kanyit kune le?

Ejikele 23:4

Karin kase a ko Ola nagon a kayu, ko Oliba kiaser nanyit loponi. A lepeŋat iŋge wora a wate kwe, a iŋge yupuŋdyö ŋwajik lulyan ko nawate. Karin kase kweja adi Ola a Samaria, a Oliba gwe a Yerusalema.

Osea 2:2

Ŋuti ’bayin a nakwan nio, a nan tine gwon a lalet lonyit, ama tiddye ta takiŋdya Leŋeŋ adi ti nye koloki meddya ko komor na towuton, ko ti nye koloki momoka na kinasi kanyit ti kaluŋe;