Ejikele 23:34 - Bibilia Buk na Ŋun nagon koti luŋu a

³⁴ a do mo möji ko ŋilo kopo, a titiyaddi nyot kanyit, a nyaka ’yi ŋilo kopo a na ’di ’dik na ’di ’dik, a ’du ’dupuje kinasi kulök. Kogwon kine a po nagon nan MATAT Ŋun aje jambu.

Ejikele 23:34 Iomraidhean Croise

Saumajin 75:8

Kogwon MATAT gwon ko ŋöde kanyit i könin. nagon a jore ko binyo na yuyu, nagon a ŋola ’bura; a nye ’bukundye se kaŋo, a ŋutu lorok titiyaddi nyot kanyit liŋ.

Saumajin 75:9

Ama nan mo jamakindya kine kulya ŋupi ŋupi, nan mo yulukindyö Ŋun lo Yakobo puresi.

Yisaya 51:17

Yerusalema, purwene purwe, ŋine ki, do aje möju ko diköri na woran na MATAT na gwon kanyit i könin, a do aje titiyaddu nyot ti diköri nagon tiŋdu ŋutu i luŋtö ko meran.

Ejikele 22:14

Töilyet ti ŋutu kulök ŋona mo yeŋon a purwat i lor logon nan mo tu i meddya na kulya kasu lu? Könisi kase ŋona mo yeŋon a iŋgo le? Nan MATAT aje jambu, a, nan mo kone kon.

Ejikele 23:3

A lepeŋat iŋge biryeri ’börik a kawutejin i jur lo Ejipeto i diŋit nagon se nyuŋ gwon a kö ’disi nu, a kidoni kase iŋge mumusuka nyu, a kinasi kase logon nyuŋ susuja kulo iŋge nonotatu.

Ejikele 23:8

A lepeŋ gwe a ko kölökin wutön nagon nye köju a kon ’beron i perok lo gwoŋdi nye Ejipeto yu kulu; kogwon ŋutu lyan a dotori lepeŋ i tukö ’disen nanyit, a iŋge mumusuk kido nanyit nagon nye nyuŋ gwon a kö ’disityo nu, a tulyöŋgi lepeŋ ko towutön nase.

Kweyatti 18:7

Temaki ta lepeŋ mien se kodelya a duma nagon jojo kobu ’ya nanyit na mugun se kosi ’da nanyit ’bura a monyota ko oŋ liŋ abur. Kogwon lepeŋ yeoŋ kulya ko mugun adi, Nan si ’da a mor; nan ’bayin a karu ’be, a nan mo tine meddya delyaesi kwöŋ.