Ejikele 23:25 - Bibilia Buk na Ŋun nagon koti luŋu a

²⁵ Nan mo yiyinöri do arabat, anyen se ködyö kitari do ko woran na pape. Lepeŋat mo ’du ’duŋun kumesikö se ko swö ti ŋutu kulök kaŋo, a ŋutu kulök lo pituŋdyö kulo mo tatuani ko baŋdujin. A lepeŋat mo momokaddi ŋwajik kulök lulyan ko nawate, a ŋutu kulök lo pituŋdyö mo totumöni ko kimaŋ.

Ejikele 23:25 Iomraidhean Croise

Yuörö 34:14

Ta ködyö ti kwakwaddu lele ŋun Köti kwöŋ, kogwon nan MATAT karin kwe a Kayi-nönit, nan a ŋun logon a kayinönit.

Tolupesi 6:34

Kogwon yulön tindu lalet i woran parik, a nye mo tine won konyen i lor lo ropakindye nye toron lu.

Koli Lo ’but Parik 8:6

Tiki nan konut i toili gwoso reyat inot lomore joket na liliki i murut, gwoso reyat inot lomore joket na rusuki i kidi; kogwon nyaŋu gwon ko riŋit gwoso twan, a yinö gwe a kaŋa gwoso gulöm. A ŋina yinö ŋoroddi kaŋo gwoso ŋedepa ti kimaŋ lo tule ko riŋit.

Ejikele 23:29

a se mo kitari do ko maŋdu, a joŋgi ŋo kunök liŋ na kitaun do kine, a kölökiŋdye do kana a gwe ’busön, a to ’busön na towutön inot mo metani köke. Towutön se ko toluŋ inot

Ejikele 23:47

a yodom na ŋutu mo gugubuje se ko ŋurupö, a tatuje se ko baŋdujin; a se mo tatuje ŋwajik kase lulyan ko nawate, a ’yuŋe kadijik kase.

Ejikele 24:21

Taki kötumit na Yisaraele adi, MATAT ŊUN lo kulya adi, Mete, nan mo kökör pirit nio nake na rurwan nagon ta bu ’ye ’borik adi ta a iŋgo ŋina, ko ŋo nagon konyen kasu a lyöŋgi na, se ko ŋo nagon töilyet kasu ’de ’deggi na; a ŋwajik kasu lulyan ko nawate nagon ta a kölökin yu kunu mo totokoni kak ko baŋdujin.

Ejikele 5:13

A kirut nan mo tutuŋge woran nio, a nan mo toliŋge woran nio na pape i lepeŋat, a nan mo gwe ko taliŋ. A ko woran nio na pape aje ’baka, a se mo deŋdi adi ŋilo a nan MATAT lo jambu ko yinö.

Jepania 1:18

Ma ’di podo kase ko dakap kase mo ti bulo lwokuŋdyo se i lor lo woran nanyit na MATAT. A kimaŋ nanyit yinet mo totumbe kak ’bukuluŋ. Kogwon nye mo to ’duddyo ŋutu liŋ ti kak asut adi wulek.

Nyökit 29:20

A kirut MATAT mo tine pitökin lepeŋ, ama kölumbö a woran na MATAT se ko yulön nanyit puriörö ki ko lu ŋuto, a lömisi liŋ logon a wuröki i ŋina buk kulo mo poki kanyit loki, a MATAT mo seyaddi karin kanyit kaŋo i kak ’bukuluŋ.

Kweyatti 18:8

Nyena ko ŋina kwe a twanakanyit logon a twanti iŋgo, ko delyaesi se ko dyaŋ kulo mo ’dukin ko lepeŋ ki i lor geleŋ; a lepeŋ mo ’yurani ’yura kokimaŋ adi kuyum; kogwon Matat Ŋun logon aje ’duŋgö putet lonyit adi nye anaron lo a lo riŋit.