Ejikele 23:24 - Bibilia Buk na Ŋun nagon koti luŋu a

²⁴ A se mo poŋdi konut ni ko kusanjin möriesi, ko arabiajin möriesi, ko arabiajin lo jijikö, se ko yodom na ŋutu ti jurön i mörö ko do, a lepeŋat mo tumbe do i swötön liŋ, lepeŋat morga ’bukwö dumalak ko na ’di ’dik ko a jupu terebukan logon a witiöt, a nan mo tiŋdi se kido ’duŋet na putet a se mo ’duŋökiŋdye do putet gwoso i ’duŋet nase.

Ejikele 23:24 Iomraidhean Croise

2 Samuele 24:14

A Dawidi waddi Gada adi, Nan gwon i nagusu; bia ti yi ’dorone ko MATAT i könin kogwon lepeŋ wowon konyen parik ko ŋutu; ama ti nan gwe ti ’doro ko ŋutu i könisi.

Yeremia 47:3

A könisi ti komonye gwe a lokolokak, a se tine boŋga bot i dogga na ŋwajik kase, na yiŋge se wopon na mokosi ti kusanjin mönikön ti merok kase, na tuŋe se kak nu, ko woŋon na arabiajin kase lo jijikö, se ko woŋon na mokosi kase adi kwarak kwarak,

Yeremia 52:11

A mor lo Babela tomo ’dokeji Sedekia, a toŋi lepeŋ ko toŋot, a joŋgi lepeŋ tojo ko Babela, a tiŋdi lepeŋ i kadi rereket tojo ko lor lonyit twayet.

Yeremia 52:9

A ŋutu ti Kaledea morgi mor, a joŋgi lepeŋ tojo ko mor lo Babela Ribila yu i jur lo Kamat. A mor lo Babela ’duŋökiŋdye lepeŋ putet.

Ejikele 16:38

A nan mo ’duŋö-kiŋdye do gwoso i putet lo ŋutu wate nagon a diniki toluŋ ko i ’buköddu na rima, a nan mo ropakiŋdye do i yinö nio ko woran.

Ejikele 21:23

Ama kine kulya meta ko ŋutu ti köji gwoso waŋdu na ’burönö; ma ’di se köju a nyesu milyejin temejik, kölumbö a nye mo yeyeji toronjin kase anyen se kodyö momokaji.

Ejikele 23:45

A ŋutu lo rigwo mo ’duŋökiŋdye lepeŋat putet logon a putet lo ’dupöki ŋutu wate nagon a kalupejin, se ko putet lo ’dupöki ŋutu wate nagon a katatuak, kogwon se a wate nagon a kalupejin, a könisi kase ’buköddi rima.

Ejikele 26:10

A nye mo muŋge do ko ŋutut na topiun ŋutu lo wörö ko kusanjin aliŋan na, a goroma kunök mo böböŋdi böböŋdu i wopon na arabiajin lo jikö ko kusanjin se ko na kajopak kase, i diŋit na lupöri se konut i kötu-mitön gwoso na lupöddi ŋutu i köji nagon goroma kanyit a tutulujö nu.

Ejikele 26:7

Nan MATAT ŊUN lo kulya adi, Mete, nan jajakin do nagon a Turo Nebu-kadaresar mor lo Babela, logon a mor lo moran. Lepeŋ mo po i swöt lo lobot ko kusanjin lo jiggo arabiajin, ko kamörök lo wörö ko kusanjin, se ko yodom duma lo kamörök.