Ejikele 23:22 - Bibilia Buk na Ŋun nagon koti luŋu a

²² Nyenagon do Oliba, mete, nan MATAT ŊUN lo kulya adi, Nan mo totoŋiun kanyarak kulök i mörö ko do. Kilo a kanyarak logon do köju a löpukuŋdyö kaŋo kase ko dara ti ’bön se kulu, a nan mo joŋdi se i swötön liŋ konut ni i mörö ko do;

Ejikele 23:22 Iomraidhean Croise

Ejikele 16:37

nyenagon mete, nan mo tutun kanyarak kulök liŋ logon ta tulyoŋgu ’börik i pirit na geleŋ kilo, kweja adi se liŋ logon do nyanyar kilo se ko logon do maman kilo. A nan mo tutunuŋdye se liŋ i swötön liŋ i moro ko do, a nan mo panyakiŋdye lepeŋat to ’busön inot, anyen se meddya do i gwon a limu kana.

Ejikele 23:21

Nyena lepeŋ ga ’yu wutön na tukö ’disen nanyit, na mumusuŋge ŋutu ti Ejipeto kido nanyit, a nonotoji kinasi kanyit logon nyuŋ susuja köju nu.

Ejikele 23:23

kweja adi, kilo a ŋutu ti Babela, ko ŋutu liŋ ti Kaledea, ko ti Pekoda, ko ti Soa, ko ti Koa, mora ko ŋutu liŋ ti Asura, kweja adi, kilo a teton logon ŋwajik wate nyanyar, ko mödirön ko yumiat kase liŋ, ko temejik ti kamörök se ko ŋutu walan, se liŋ wörö ko kusanjin.

Ejikele 23:28

Kogwon nan MATAT ŊUN lo kulya adi, Mete, nan mo puŋutukin do i könisi ti ŋutu logon do maman, logon do a löpukuŋdyö kaŋo kase ko dara tine ’bön se kilo;

Ejikele 23:9

Nyenagon nan aje wukin lepeŋ i könisi ti kanyarak kanyit logon a ŋutu ti Asura, logon nye nyanyar ko pusök kulo.

Kweyatti 17:16

A oŋgwora puök lo met do kilo, se ko ŋilo gworoŋ, lepeŋat mo maman ŋina kawute; a se mo kölökiŋdye lepeŋ ’bak nene oŋ, a rösöddi boŋgwat kanyit kaŋo, a mo nyesi mugun nanyit a ’yuŋe lepeŋ ko kimaŋ.