Ejikele 23:18 - Bibilia Buk na Ŋun nagon koti luŋu a

¹⁸ A na kwekiŋdye nye towutön nanyit köke, a panyakiŋdye to ’busön nanyit köke nu, a kirut nan löpukuŋdye kaŋo kanyit a dara tine ’bön lepeŋ, gwoso na kölökiŋdye nan kiaser nu.

Ejikele 23:18 Iomraidhean Croise

Saumajin 106:40

Nyenagon a woran na MATAT iŋge tulekin ko ŋutu kanyit, a nye mane man ŋutu kanyit lomoriot.

Saumajin 78:59

A Ŋun ko yiŋge kine kulya, a nye pomani ŋoma, a ŋaji ŋutu ti Yisaraele asut.

Yisaya 3:9

Komorsikan kase ka ’du ’duŋak na gökiŋdyö se; se koŋdya toronjin kase kaŋo gwoso ŋutu ti Sodoma, a tine muk se. Wöidiö, ködudwölön kase! kogwon se a jakiŋdya ’börik toron.

Yisaya 57:8

a togwi dikiŋdye kweyet nanyit ki i ki ’diŋ na kötumitön ko kaden kase. Kogwon na kö ’yi ta nan nu, a ta gwe gwoso kalupe nagon aje banyakin dotoet nanyit, a kiyaddi nyin, a peddi lepeŋ a nagalaŋ, a nye iŋge torukökin ko ŋutu lyan, a nye iŋge doto ko lepeŋat i meddya na se a li muö.

Yeremia 12:8

Ŋutu kwe lomoriot a kaŋajin ko nan gwoso kömiru i rudu, lepeŋat a rumön ko nan, nyenagon a nan mane man se.

Yeremia 15:1

A kirut MATAT kulyani ko i nan adi, Ma ’di kodyo Mose ko Samuele a gwo ’dan koyo i komor i pija na nan, a töili lio mo tine Lopukuŋdyö i ŋutu ti Yuda. Sonye lepeŋat kaŋo köyö i komor, ko ti se iti!

Yeremia 6:8

Yerusalema, dene den ’bura, an töili lio ’dutuŋdyö kaŋo konut; an nan kon do a murwö ko a jur logon a kölöki a ruba.

Yeremia 8:12

Lepeŋat ŋona ti yu kusik i koŋdya na ŋo na mamana nu le? Kusik kase a nago, lepeŋat ti yu kusik kwöŋ. Nyena lepeŋat mo ’do ’do kak i kiden na ŋutu lo twatwa kulo, lepeŋat guba kak i diŋit nagon nan mo pöri i riŋga na se nu. Ŋilo a nan MATAT lo kulya.

Delyasi 2:7

MATAT aje paju pirit nanyit ’yuret na rubaŋgajin, nye aje man pirit nanyit nake na rurwan; a nye iŋge ŋutu kin goroma ti kadijik temejik i konisi ti merok; a woŋon gwe a duma i kadi na MATAT gwoso woŋon na rorwe lo wulwe.

Ejikele 16:36

Nan MATAT ŊUN lo kulya adi, Kogwon do aje panyakiŋdya mugun köke a tiŋdi mugun i meta ’busön i towuton ko kanyarak kulök, köti kogwon nyömuejin kulök liŋ lo mamana logon a ŋunyen kilo, köti kogwon do a wukiŋdya lepeŋat ŋwajik kulök a rubaŋgajin,

Ejikele 21:24

Nyenagon nan MATAT ŊUN lo kulya adi, Kogwon ta aje tiŋdu toronjin kasu i yeyeo, köti kogwon rerenyesi kasu gwe köke, a toronjin kasu metani i konesi kasu liŋ, nyena kogwon kulya kasu aje yeyeo, merok mo momokara ta.

Ejikele 23:10

A lepeŋat iŋge kwekin to ’busön nanyit köke, a momokaddi ŋwajik kanyit lulyan ko nawate, a tatuje lepeŋ ko baŋdu. A nagon lepeŋ aje ’duŋöki putet nu, a ŋutu wate jamaddi karin kanyit a ligirit.

Ejikele 23:19

Kölumbö a nye ’ya ’yi towutön nanyit, yeyeju perok kanyit ti tukö ’disen kulu na biryeri nye mugun a kawute i jur lo Ejipeto nu.

Ejikele 23:9

Nyenagon nan aje wukin lepeŋ i könisi ti kanyarak kanyit logon a ŋutu ti Asura, logon nye nyanyar ko pusök kulo.

Osea 2:2

Ŋuti ’bayin a nakwan nio, a nan tine gwon a lalet lonyit, ama tiddye ta takiŋdya Leŋeŋ adi ti nye koloki meddya ko komor na towuton, ko ti nye koloki momoka na kinasi kanyit ti kaluŋe;

Osea 7:1

i diŋit nagon nan ködyö toliŋge Yisaraele nu, a lyaŋesi ti Epuraima se ko toron na Samaria kweyani kweya, kogwon se koŋdya kulya ’burönö, a kolak ’be ’beleŋgi kadijik ti ŋutu, a karyakak ryaggi ŋutu i kikolin.

Amosa 5:21

Nan MATAT maman ko lalaun roriot kasu, a nan tine lyöŋon ko momoresi kasu temejik.

Amosa 6:8

Nan MATAT ŋun aje milyeju ko mugun nio adi, ’Diri ’diri nan maman ’du ’duŋga na kötumit na Yakobo, a maŋdi piritön kase nago na titiyu; a nan mo wukiŋdye köji se ko ŋo liŋ na gwon i lukata nanyit kune i könisi ti merok. Kilo a kulyaesi kwe ti MATAT ŋun lo kurumi.

Jakaria 11:8

A nan riköddi kayukuk musa-la i yapa geleŋ. A töili liŋ gwe ti ŋoŋga kulya ko se, a kata nase köti gwe pötwör ko nan.

Nyökit 32:19

A MATAT ko meddi sona a tine ’bön se, kogwon toworesi ti ŋwajik kanyit lulyan ko nawate.